Luk Meng solian ti Jises tataiai Luk 2:25 - Seimat

²⁵ Lokon ien tel seilon toto Jerusalem axan Simeon. *Holi Spirit kakapiti i ape lawe i aile waliko sawisawin ti puli Haeu ma i usi hahatapo hatesol nauna tetan. Masin teka Ju liai, tin i monomon atengiai Krais tel Haeu taloma ti awaialato ma hualialato.

Faic an caibideil Dèan lethbhreac

« Roimhe

dol air ais ⬆

Air adhart »

Luk Meng solian ti Jises tataiai Luk 2:25
22 Iomraidhean Croise

Mak Meng solian ti Jises tataiai Mak 15:43

Josep ti Arimatea i nahih hani kapi Pailat ape i matut kamean na i waxi auni tupui Jises. Josep i tel ti tesol masiwi ti teka Ju. I to mon atetengi ngain ti Haeu neini lawe seilon.

Faic an caibideil

Luk Meng solian ti Jises tataiai Luk 1:41

Ti Mary kakak tutuen, tel akaik leili tiai Elisabet pixewa. Ape Holi Spirit hanamiloa Elisabet kakain.

Faic an caibideil

Luk Meng solian ti Jises tataiai Luk 1:6

Haeu namiloi ukek lalu hauhua seilon sawisawin. Lawe lalu puas usi mataini hatapo hatesol nauna ti Haeu tel Masiwi.

Faic an caibideil

Luk Meng solian ti Jises tataiai Luk 1:67

Muhin Holi Spirit hanamiloa Sakaraia tel tame Jon kaxiai tenen kakai Haeu ie,

Faic an caibideil

Luk Meng solian ti Jises tataiai Luk 2:38

Ti Simeon kak hatapoa, Ana nahih xohi hani kapi lato ape i kak kemulik hani Haeu ti Jises. Ape i kaxi sale Jises hani hatesol seilon ti laha monomon atengiai Krais tel Haeu taloma awaiai teka Israel ti kawatan ti lialui woulaha.

Faic an caibideil

Luk Meng solian ti Jises tataiai Luk 23:51

Kalak i tel ti teka masiwi, i kum amuke namil ti lato ailewen teleiai Jises.

Faic an caibideil

Aposel 10:2

I ma teka lohe ingan lato waheni Haeu. Konilius huali teka *Ju laha tap soxi ma lawe i lolotui Haeu.

Faic an caibideil

Aposel 10:22

Ape lato ukek, “Konilius tel masiwi ti hile ti Rom taloma amite. I seilon tenen sawisawin, lawe i lolotui Haeu. Teka Ju sameni ka i seilon tenen solian. Tel engel ti Haeu kakane i ka ilowiwa o haniwa leili ingan lehe i hong tenen na o kak.”

Faic an caibideil