Luk Meng solian ti Jises tataiai Luk 2:11 - Seimat

¹¹ Hongoa! Ngain tetelao leili Betlehem, tehu taon ti tel masiwi David takah, tel awaiakaha i takahawen. I awai kaha ti kawatan ti lialui woukaha. I *Krais tel Masiwi, tetel Haeu taloma.

Luk Meng solian ti Jises tataiai Luk 2:11 Iomraidhean Croise

Matiu 1:16

Jekop tel tame Josep, tel axoi Mary, tetel tini Jises, tel Krais Haeu taloma.

Matiu 1:21

I hatakaha tel akaik wawan, o axaiwa axan Jises nake i awai seilon ti kawate saun lialun ti laha.”

Matiu 16:16

Saimon Pita ukek, “O Krais, tel Nati Haeu. Haeu tel tap tahi matean!”

Matiu 16:20

Ape Jises hone tesol kahikahin kum kaakane teka seilon liai ka i Krais, tel Haeu taloma.

Luk Meng solian ti Jises tataiai Luk 1:43

Lehe lahan ka tel tini tel Masiwi tetak nahih paxai nga? Se pate tuah wanen!

Luk Meng solian ti Jises tataiai Luk 1:69

I haniwen kako Krais, tetel ti lalape pohen i awai kako ti kawatan ti lialui woukako. I kahi tel masiwi David, tel unaui Haeu.

Luk Meng solian ti Jises tataiai Luk 2:26

Ti imat Holi Spirit kola haxewa hani Simeon ka i kum matemu atengi i ningahiwa Krais, tel Haeu taloma.

Luk Meng solian ti Jises tataiai Luk 2:4

Aile ape Josep lua salili Nasaret leili Galili ape i nahih hani Betlehem leili Judia, taon tetehu tel masiwi *David takah. Josep lua hana axan ien nake i nakuama ti tel masiwi David.

Jon Meng solian ti Jises tataiai Jon 1:41

Kiliwan wanen Andru upia tel ukalan ape kakane i, “Amite paxaiwen Mesaia.” Tenen kakain “Mesaia” i ukek, “Krais.”

Jon Meng solian ti Jises tataiai Jon 1:45

Pilip nahih upia Nataniel ape hone i, “Amite paxaiwen tel seilon ti Moses ma teka kuluiai kakai Haeu tai kakaxi. I Jises tel nati Josep ti Nasaret.”

Jon Meng solian ti Jises tataiai Jon 11:27

Ape Mata pahoi i ukek, “Tel Masiwi, nga soh hawane ka o *Krais, tel Nati Haeu, tetel Haeu taloma.”

Jon Meng solian ti Jises tataiai Jon 20:31

Tuahe tetesol ti leili pepa ie nga tai lehe amuto soh ka Jises i se *Krais tel Nati Haeu ape ti xoxoi namilomuto tetan, amuto uke *tonain kapi Haeu ti tap tahi tapoan.

Jon Meng solian ti Jises tataiai Jon 4:25

Tel hehin ukek, “Nga tioi ka Mesaia tel laha axai *Krais, i luluainima. Na i tahiama, i kaxi nexi hatapo lawe waliko hani amite.”

Jon Meng solian ti Jises tataiai Jon 4:42

Laha kakane tel hehin, “Amite soh hawane tetan nake puki amite hong hawanewen kakaian kumahe mewenae nake ti o kaxi hani amite. Ape amite tioi hawanewen ka i se tetel i awai lawe seilon ti kawatan ti lialui woulaha!”

Jon Meng solian ti Jises tataiai Jon 6:69

Amite hong soh kakaiam ma amite tioi ka o tel seilon sawisawin wanen ti Haeu.”

Jon Meng solian ti Jises tataiai Jon 7:41

Teka liai ukek, “I se Krais.” Tuahe teka liai ulea ukek, “Tap wanen nake i se seilon ti Galili.

Aposel 10:36

Amuto tioi tenen meng solian ti Jises Haeu haniwen amite tesol seilon ti *Israel. Jises, Masiwi ti lawe seilon, i aile hasolia wasolakaha hani Haeu.

Aposel 13:23

“Ti leili teka kahi nati David, Haeu hani teka Israel Jises, tel awaialato ti kawatan ti saun lialun ti lato, masin ti i kakawen.

Aposel 17:3

I kaxi haxewa kakai Haeu ape i nexi hani lato ka hoi liai ti kuewen Haeu namiloiwen ka *Krais kau kawatan ma moloan ma i xahat alia ti matean. Pol ukek, “*Jises, tetel nga kaakane amuto, i se Krais, Haeu taloma ti awaiakako ti kawatan ti saun lialun ti kako.”

Aposel 2:36

“Aile ape amuto hatesol Israel tioi kewak, tetel Jises amuto teleiwen, se tetel Haeu kilamiwen Masiwi ti amuto ma i tin Krais, tetel Haeu taloma!”

Aposel 5:31

Haeu waxi i hani papan tepaun manau ape i sohot tel Masiwi ti neiniai seilon ma tel ti awaiai seilon ti lengei Haeu ti saun lialun ti kaha. Haeu aile ukek ien lehe kako teka seilon ti Israel hina aweisal ti towiahu ti saun lialun ape Haeu oxoxi kako ti kawatan ti lialui woukako.

1 Korin 15:47

Tel seilon imat wanen Adam, Haeu tanomi i ani pekeun ti tehu pon ie. Tuahe Jises Krais tetel i sohotuma imuh, i ahuma ti tone Haeu.

Pilipai 2:11

Ape lawe seilon kaxi hei ka Jises Krais i tel Masiwi tapein. Ti laha aile ukek ien, se laha hahaxawa axe Haeu tel Taman.

Pilipai 3:8

Salan, lawe waliko tap pupuasan na nga kolongeni hani solian ti tioiai Jises Krais tel Masiwi tetak. Nga paxai ukek waliko ien tuahe masin masiap. Nake ti Jises Krais, nga lioi hatapo tesol waliko ien lehe nga sohot hawane seilon tetan ape nga pakata xox hawane hani kapin.

Kolosi 2:6

Aile ape amuto hong usi tatalewa Jises Krais, tel amuto hanawen Masiwi ti amuto.

1 Jon 4:14

Amite tesol *aposel paxai hawanewen Jises Krais ma pupuasan ape aope ie amite kakaxi ka Haeu talo i tel Natun awaiakaha ti kawatan ti lialui woukaha.

1 Jon 5:1

Teteka laha soh ka Jises i tetel *Krais ti Haeu taloma, laha se nati Haeu. Na kaha waheni tel na seilon, tin kaha waheni hetekie natun.