Luk Meng solian ti Jises tataiai Luk 2:1 - Seimat

¹ Lokon ien Augustus tel masiwi tapein ti *Rom, hone teka unauan waxi hatapoi axe seilon ti Rom ma lawe xux hahitake ngahat ti Rom lehe i tioi mongohe seilon towiai moni hani Rom.

Luk Meng solian ti Jises tataiai Luk 2:1 Iomraidhean Croise

Matiu 22:17

O namiloi ukek ia? Ewi na kako hani Sisa moni ti pahan?”

Matiu 24:14

Ape teka kahikahik kaxi ahuti meng solian ti Haeu neini seilon hani hatesol xux. Taen ien tehu pon ie i tapo.

Mak Meng solian ti Jises tataiai Mak 14:9

Nga kakane hawane amuto, tesol tesol ti laha kaxi *meng solian ti Haeu tin laha kaxi waliko ti tel hehin aile hahani nga lehe seilon nameni i.”

Mak Meng solian ti Jises tataiai Mak 16:15

Jises kakane tesol kahikahin ukek, “Lua tapaiwa lawe xux ti itan ie ape kaxi sawateniwa *meng solian ti Haeu haniwa lawe seilon.

Luk Meng solian ti Jises tataiai Luk 2:3

Lawe seilon lua hani tone tamalaha hanai axalaha.

Luk Meng solian ti Jises tataiai Luk 2:5

Josep hakahita hetekie Mary, tel hehin laha otei haniwen axoan ape i hana ati axalalu. Lokon ien Mary hoi i petiwen akaik.

Luk Meng solian ti Jises tataiai Luk 3:1

Leili ahang 15 ti Taiberius masiwi tapein ti *Rom, Pontius Pailat i masiwi ti Judia, *Herod Antipas i masiwi ti Galili, tel ukalan Pilip i masiwi ti Iturea ma Trakonitis ape Lisanias i masiwi ti Abilene.

Aposel 11:28

Tel ti lato axan Agabus tule leili tehu apuhain lalap ape hetekie huhual ti Holi Spirit i kak kilami tehu hitolo lalap i sohot hani hatehu pon ie. Ape imuh i sohot hawane, lokon Klodius masiwi tapein ti *Rom.

Aposel 25:11

Na nga ailewen tenen saun lialun ti i pon nga mat, nga kum salini uke. Tuahe na tap kakain salan ti lato sului nga, tap tel pon hangainiak hani lato. Katekate tetak ka Sisa tel masiwi tapein ti Rom hong paxaiai kakain ti suluak.”

Aposel 25:21

Tuahe Pol pahan Sisa hong paxaiai kakain ti suluan. Aile ape nga kongini hamalumini i leili kalabus atengi tataen na nga hakau uke i hani Sisa.”

Rom Teik pasi Pol hani teka kahikahi Jises Krais ti Rom 1:8

Hutuiai kakaiak nga kak kemulik hani Haeu tel Masiwi ti kako ti lawe waliko Jises Krais aile haniwen amuto. Nga kak kemulik nake ti tesol tesol seilon kakaxi sale xoxoi namilomuto ti Jises Krais.

Pilipai 4:22

Ape hatesol kahikahi Jises liai tin laha hakaua amuam ti laha, kasinan teka laha pupuas leili ingi *Sisa tel masiwi tapein ti *Rom.