Luk Meng solian ti Jises tataiai Luk 13:11 - Seimat

¹¹ Ti ien tel hehin *spirit lialun kapiti hahalialu. Leili ahang 18 tehiton kakawin ma i kum hokaha uke.

Luk Meng solian ti Jises tataiai Luk 13:11 Iomraidhean Croise

Matiu 4:23

Jises nahih hani tesol tesol ti Galili hahanau teka seilon leili *synagog, ing ti apuhai teka *Ju. I kakaxi meng solian ti Haeu neini seilon ape i aile hasolia teka hina nax tenen tenen.

Mak Meng solian ti Jises tataiai Mak 9:21

Jises kamei tel taman, “Lokon wanen tenen waliko ie tunahi i?” Tel taman ukek, “Lilian ti kokolen.

Luk Meng solian ti Jises tataiai Luk 13:12

Ti Jises ningahiwa, i tiloi tel hehin ape i ukek, “Nga aile haewia o.”

Luk Meng solian ti Jises tataiai Luk 13:16

Tel hehin ie, tel kahi nati *Abraham, *Satan kapiti hahalialu leili ahang 18. Nakon lialun ti oxoxiai tel hehin telao Sabat?”

Luk Meng solian ti Jises tataiai Luk 21:28

Ti waliko ien sosohotule, amuto tu xoxoa nake Haeu tel awaiamuto i xohiwen ti ape i waxi auni amuto lian tehue.

Luk Meng solian ti Jises tataiai Luk 8:2

Tin hina hehin kapin. Kemuk i haewia lato ma xaxaweni *spirit lialun ti lato. Leilolato Mary Magdalen, tetel Jises xaxaweni tepanim hua spirit lialun leilon.

Luk Meng solian ti Jises tataiai Luk 8:27

Ti lato tahia haniwa peixux, Jises mosua ape i apatuini tel seilon spirit lialun kapiti hahalialu. Pate kuewen i tai sosos maia ma tin i kum toto ixux, totonan he amal.

Luk Meng solian ti Jises tataiai Luk 8:43

Ti leili kilai seilon, tel hehin i hina nax ti sale tapunaun leili ahang huopanim huohu. I paxaiwen kilan dokta. Moniun tua tapo ti ukei huhual tuahe i to lialu tatalewa.

Aposel 3:2

Lalu ningahi tel seilon aen lialun lilian ti i takahama. I toto pape tewau aweing axan Solian. Lawe ngain teka akikin kau hatona i hani pape tewau aweing ien lehe i kat moni ti teka seilon na laha soh hani Ingi Haeu.

Aposel 4:22

Tel seilon i ewike pohe Haeu, ahangun akulai 40.