Jon Meng solian ti Jises tataiai Jon 19:6 - Seimat

⁶ Teka masiwi tuah ti hukuminiai Haeu ma seilon ma teka peteniai *Ingi Haeu paxaiwa Jises ape lato leng ausisini, “Tahi hakea i haniwa he *kros!” Tuahe Pailat ukek, “Puki amuto tahi hakeawa i. Nga tai upia tunah waliko tenen lialun i ailewen.”

Jon Meng solian ti Jises tataiai Jon 19:6 Iomraidhean Croise

Matiu 26:58

Pita nahih otioti Jises tamus hani mate ingi Kaiapas. I to akati tesol peteniai Ingi Haeu. Pahan i paxai waliko tenen na i sohot hani Jises.

Matiu 27:22

Pailat kamei laha, “Ape nga aile la hani Jises tel laha ukek Krais?” Laha hatesol pahoi i ukek, “Teleiwa i! Tahi hakeawa i he *kros!”

Matiu 27:24

Ti Pailat paxaiwa ka laha kum hong waxi i, ma tehu lape hile uke i sohot wasole teka seilon, i waxi kan ape nuhi minan he pulalaha. I ukek, “Tap teik kawatan tetak ti sale matei tel seilon ie, ien se waliko ti amuto!”

Luk Meng solian ti Jises tataiai Luk 23:4

Ape Pailat hone teka masiwi tuah ti hukuminiai Haeu ma seilon, ma teka laha apupuha, i ukek, “Nga tai tunah tenen na i pon suluiai tel seilon ie.”

Jon Meng solian ti Jises tataiai Jon 18:3

Ape Judas nahih hani tetesol kin. Kahitiwa i tesol seilon ti hile ti *Rom, tesol unaui teka masiwi tuah ti hukuminiai Haeu ma seilon ma tesol unaui teka *Parisi. Laha kakau paulaha, lul ma kamaialaha liai.

Jon Meng solian ti Jises tataiai Jon 18:31

Pailat hone laha ukek, “Kaien puki amuto waxi suluiwa i usiwa puki nauna ti amuto.” Laha kakane i ukek, “Amite hahalin wanen ti teleiai tel na seilon.”

Jon Meng solian ti Jises tataiai Jon 18:38

Ape Pailat kamei i, “A waliko la tenen salan?” Muhin ien Pailat nahih alia hani melal kapi teka seilon ape i hone laha ukek, “Nga tai upia tunah tenen ti i pon suluan.

Jon Meng solian ti Jises tataiai Jon 19:15

Laha tilol pahoi Pailat, “Teleiwa i! Teleiwa i! Tahi hakea i haniwa he kros! Pailat kamei lato, “Kaie pahamuto nga telei tel masiwi tapein ti amuto?” Teka masiwi tuah ti hukuminiai Haeu ma seilon pahoiwa, “Masiwi ti amite mewenae Sisa.”

Jon Meng solian ti Jises tataiai Jon 19:4

Pailat nahih ulea hani kapi teka seilon laha apupuha ape i kak ukek, “Nga atoheni i hani amuto. Tuahe amuto tioi kewak nga tai tunahi tenen na waliko lialun ti i pon suluan.”

Aposel 2:23

Tetel seilon ien, Haeu kak kilamiwen ka amuto hangaini hani teka seilon lialun ape laha telei. Laha tahi hakea i hani he *kros.

Aposel 7:52

Tamamuto aile halialu hatesol kuluiai kakai Haeu! Tin lato telei teka laha kak kilami sohotui tel seilon sawisawin ti Haeu, tel *Krais Haeu taloma, tetel amuto hangaini hani laha telei.