Jon Meng solian ti Jises tataiai Jon 18:4 - Seimat

⁴ Jises hoi i tioi lawe waliko ti lehe i sohot hani i. Kakanua i nahih kouke hani mateiwaulaha ape i kamea, “Amuto upiup aita?”

Jon Meng solian ti Jises tataiai Jon 18:4 Iomraidhean Croise

Matiu 16:21

Lokon ien Jises hutui kakane tesol kahikahin ukek, “Nga nahih hani Jerusalem. Ti ien teka masiwi ti teka *Ju, teka masiwi tuah ti hukuminiai Haeu ma seilon, ma *teka hanaui nauna ti Moses, laha axi nga kawatan ma moloan lalap. Laha telei nga tuahe muhi ngain toluhu nga xahat alia.”

Matiu 26:2

“Amuto tioi ka *Pasova, tehu angiain lalap ti laha telei *sipsip wawan uluha, i hutui muhi ngain huohu. Tataen ien laha hangaini nga hani laha telei. Laha tahi hakea nga *tel Nati Seilon hani he *kros.”

Matiu 26:21

Ti lato angiang, Jises ukek, “Nga kakane amuto, tel ti amuto hangaini nga hani mini teka laha watakai hawane nga.”

Matiu 26:31

Jises hone lato, “Ti ipong tetehu amuto hatesol kiliwau salili nga, masin ti kakai Haeu kakawen, i ukek, “ ‘Nga telei tel ngahatiai sipsip ape teka sipsip kiliwau silahota!’ ” (Zech 13:7)

Luk Meng solian ti Jises tataiai Luk 24:44

Muhin i hone lato, “Ti nga tutuen kapimuto nga honewen amuto ka waliko ti laha taiwen leili pepai Moses, teka kuluiai kakai Haeu ma leili pepai *Salm i kakak nga, liai i sohot poponowi.”

Jon Meng solian ti Jises tataiai Jon 13:1

Sikole ngain ti *Pasova ape Jises ma tesol kahikahin ang apuha hetekie. Jises tioi ka se ape taun ti i salili tehu pon ie ape alia hani kapi tel Taman Haeu. I waheni hawane tesol kahikahin, seilon tetan ape i kola lalape wawahen tetan hani lato.

Jon Meng solian ti Jises tataiai Jon 13:11

Jises ukek ka kumahe hatesol kahikahin haun nake i tioi ka tel ti lato hangaini i hani teka teleian.

Jon Meng solian ti Jises tataiai Jon 18:5

Laha ukek, “Jises ti Nasaret.” Ape Jises kak pahoi, “Se nga.” Judas tetel hangainian tin i tutu kapi laha ien.

Jon Meng solian ti Jises tataiai Jon 18:7

Jises kamei ulea laha, “Amuto upiup aita?” Laha ukek, “Jises ti Nasaret.”

Jon Meng solian ti Jises tataiai Jon 19:28

Jises tioi ka hatesol puasain ti tel Taman talo i aile ape i hatapoen. Lehe kakain ti pepai Haeu i sohot poponowi, Jises ukek, “Kinawek paxepaxen, pahak nga un.” (Ps 22:15, 69:21)

Jon Meng solian ti Jises tataiai Jon 6:64

Tuahe teka ti amuto laha kum hong soh nga.” Jises kak ukek ien nake hoi i tioiwen teteka laha soh tetan. Tin i tioi seilon tetel imuh i hangaini i hani mini teka seilon teleian.

Aposel 2:28

O kola haniwen nga aweisal ti ukei tonain solian. Ti o kapik, nga amuam.’ ” (Ps 16:8-11)

1 Pita 4:1

*Krais kau moloan ti i he tehu pon itan ie. Aile ape kum nonomuha kaui kawatan masin ti i kauen. Na amuto kau kawatan nake amuto kahikahi Krais, i kola ka amuto talewen tehitomuto hani saun lialun.