Jon Meng solian ti Jises tataiai Jon 13:5 - Seimat

⁵ I tihi kan hani tehu kapi ape i nuhi ae tesol kahikahin. I uke teik taol i xixioti luhuan ape i umeni hapaxe aelato.

Jon Meng solian ti Jises tataiai Jon 13:5 Iomraidhean Croise

Luk Meng solian ti Jises tataiai Luk 7:38

Ape i tu tehiti Jises sai aen. I tang ape kani pulan tuh hawaxexa ae Jises. I uke ukun umeni hapaxean ape i to asoasoi aen ma i tihi tehu sanda hani he aen.

Luk Meng solian ti Jises tataiai Luk 7:44

Jises xeisa paxai tel hehin ape i hone Saimon, “Paxaiwa tel hehin ie. Ti nga tahia hanima leili ingam o tai hani nga kan nuhiai aek, tuahe i nuhi aek kani pulan ape i uke ukun umenian.

Jon Meng solian ti Jises tataiai Jon 13:10

Jises ukek, “Seilon ti i kikanoen i kum kikan ulea. Tapai i tua nuhi aen ape i hau hawane. Tuahe kumahe amuto hatesol leilomuto haun.”

Jon Meng solian ti Jises tataiai Jon 13:6

Ti i tahiawa kapi Saimon Pita, Pita kamei i, “Tel Masiwi, lehe o nuhi aek?”

Jon Meng solian ti Jises tataiai Jon 13:8

Pita hone i ukek, “Tap wanen ka o nuhi aek.” Jises kakane aliake i ukek, “Na nga kum nuhi aem, o kumahe tel kahikahik wanen.”

Jon Meng solian ti Jises tataiai Jon 19:34

Tuahe tel ti tesol seilon ti hile tapuhi pope Jises tehu samen ape kaka ma kan xiweu ahuta hahutuia.

Aposel 22:16

Kum talitalia. Haxoxoa namilom haniwa Jises ape nga baptaisi o hahitake axan lehe Haeu oxoxi o ti kawatan ti lialui woum.’

1 Korin 6:11

Teka ti amuto, kemuk masin ien. Tuahe Haeu nuhi hauni leilomuto ti amuto towiahu ti lialui woumuto. Amuto sohot seilon tetan tataen ti amuto hani hatapoa i tupuamuto. Aile ape i namiloi ukek amuto seilon sawisawin. Haeu aile ukek ien nake ti waliko *Jises Krais tel Masiwi aile haniwen kako hetekie *Holi Spirit ti i hani kako i pupuas leilokako.

Epesus 5:26

I mat lehe kako sohot seilon tetan. Ti kako hong soh kakai Haeu ape kako uke *baptais, Krais xaxaweni lialui woukako ape i aile kako sohot seilon haun ti usian.

1 Timoti 5:10

Hualiwa teka hehin ien na axalaha lalap ti soliai pupuasalaha. Puasain tenen masin ie: auni hasoliai natulaha, ngahatiai teka soliwa, teheni aliakealaha ti aile kolai saun ti wawahen hani teka kahikahi Krais, hualiai teka laha leili kawatan ma ailei saun solian tenen tenen hani seilon liai.

Hibru 10:22

Aile ape kako xohi haniwa kapi Haeu ti he atekako wanen ma hana hatapoa namilokako haniwa i. Kako aile kewak ien nake Jises Krais xaxaweniwen hienaiakako ti i nuhi hauni kako ti lialui woukako. Ien masin na tel i nuhi hauni tupui tel liai ani kan tenen haun wanen.

1 Jon 1:7

Tuahe na nanahiakako leili xewan hanowi ti Haeu i leili xewan, i hukumini hawane kako ape Jises tel Natun, tel i mat ukei kahi lialui woukako, i nuhi hauni hatapo leilokako.

1 Jon 5:6

Tetel Jises ien, Haeu haxewa haniwen kako ka i tel Natun wanen, lokon ti Jon baptaisi i he kan ma ti matean. I kola ka i tel Nati Haeu kumahe mewenae ti Jon baptaisi i, tuahe hetekie ti i mat ukei kawatan ti lialui woukaha. Ape *Holi Spirit nexi ka salan wanen nake lawe i aile waliko tenen mewenae salan.

Hahatakei Haeu 1:5

Jises Krais i tetel Haeu hamoihamu imat. Waliko ti i kakak sale Haeu mewenae salan ma i tin pamu masiwian ti lawe masiwi ti tehu pon ie. Jises Krais waheni hawane kaha ape i mat ti awaiakaha ti kawatan ti lialui woukaha.

Hahatakei Haeu 7:14

Nga pahoi ukek, “Tel masiwi, nga kum tioi, puki o tioi.” Ape i kakane nga, “Teteka seilon ie laha waxainiwen kaui kawatan lalap. Puxuaulaha papaxaxun nake ti matei tok sipsip uluha i nuhi hauniwen laha ti lialui woulaha.