Jon Meng solian ti Jises tataiai Jon 1:51 - Seimat

⁵¹ Ape i hone lato, “Nga kakane hawane amuto, imuh amuto paxai tioi ka nga *tel Nati Seilon se aweisal ti hukuminiai Haeu ma seilon masin ti Haeu kolawen ti leili paxangoi *Jekop ti i ningahi teka *engel han haniwa *tone Haeu ma mos hanima itan.”

Jon Meng solian ti Jises tataiai Jon 1:51 Iomraidhean Croise

Matiu 25:31

Jises kak ulea ukek, “Taun ti nga *tel Nati Seilon alia hetekiema hatesol *engel ti Haeu, nga to Masiwi ti tesol tonain neiniai seilon hetekie poh ma xewai Haeu.

Matiu 26:24

Nga tel Nati Seilon imuh nga mat, masin ti kakai Haeu kakawen. Tuahe kawatan lalap tunahi tel seilon i hangaini nga hani laha telei. Pamu ewian na i tai takah!”

Matiu 3:16

Muhin ti Jises baptais kewa, i xaheale. Maun i hea ape i ningahi Spirit ti Haeu mos hani kapin hanowi tok pux.

Matiu 4:11

Ape Satan nahih salili Jises. Teka *engel ti Haeu tahia hani kapi Jises ape lato ngahati i.

Matiu 8:20

Tuahe Jises pahoi i ukek, “Sinen hina walun, manixux hina ingan a nga, *tel Nati Seilon, tap tuahe tesol na tone hanawaiak.”

Matiu 9:6

Nga aile kola lehe amuto tioi ka nga, *tel Nati Seilon, he tehu pon ie nga hina poh oxoxiai seilon ti kawatan ti saun lialun ti laha.” Ape i hone tel seilon tupuan maten, “Xahatawa, waxiwa enepam ape nahih haniwa tonam.”

Mak Meng solian ti Jises tataiai Mak 1:10

Ti Jises xaheale, i ningahi maun hea ape Holi Spirit mos hani kapin hanowi tok pux.

Mak Meng solian ti Jises tataiai Mak 14:62

Jises ukek, “Se nga. Imuh amuto ningahi nga tel Nati Seilon toto he tepaun mini Haeu sai manau neiniai seilon kapin ma tin amuto ningahi nga luainima he maun.”

Luk Meng solian ti Jises tataiai Luk 2:13

Tataen ien, kilan wanen engel ti Haeu take ulea hani kapi tel engel ien ape lato pak sameni Haeu ukek,

Luk Meng solian ti Jises tataiai Luk 2:9

Tel engel, spirit solian ti Haeu, i take hahutuia hani lato ape xewai Haeu i xeu kakalini lato. Pate lato mamata.

Luk Meng solian ti Jises tataiai Luk 22:43

Taen ien tel *engel, spirit solian ti Haeu, sohot hani kapin hakuian.

Luk Meng solian ti Jises tataiai Luk 22:69

Tuahe nga kakane amuto, tai kue nga tel Nati Seilon, nga to he tepaun min manau ti Haeu tel pohen wanen, neiniai seilon kapin.”

Luk Meng solian ti Jises tataiai Luk 24:4

Lato tataxini ape tua tu lalolal. Hua seilon take hahutuia hani kapi lato. Puxuaulalu xeu talepalep hawane.

Luk Meng solian ti Jises tataiai Luk 3:21

Ngain tehu ti Jon baptaisi teka seilon, tin i baptaisi hetekie Jises. Leilon ti Jises lolotu, maun hea.

Jon Meng solian ti Jises tataiai Jon 1:50

Jises ukek, “Nakon o soh tetak nake nga tioi ka o to nanamiloi kakai Haeu hahitake tea pata fig? Imuh o ningahi nga aile waliko tenen pamu lapan.”

Jon Meng solian ti Jises tataiai Jon 10:1

Jises kakane teka seilon ukek, “Nga kakane hawane amuto, tel na i kum soh non he aweing hani tone *sipsip a i soh muna hakokol, tel seilon ien i tel seilon xuxuina.

Jon Meng solian ti Jises tataiai Jon 10:7

Aile ape Jises kaxi haxewa hani laha i ukek, “Nga kakane hawane amuto, nga masin tewau aweing ti teka sipsip nahih soh.

Jon Meng solian ti Jises tataiai Jon 13:16

Nga kakane hawane amuto, tap tel unaui tel masiwi i pamu masiwian ti tel masiwi tetan. Tin masin tel kaui kakain, i kumahe pamu tuah ti tel taloan.

Jon Meng solian ti Jises tataiai Jon 13:38

Jises pahoi i, “Nga kum ukek. Nga kakane hawane o, imat ti tok mom wawan kokoini, o putini ka o kum tioi wanen nga uke he toluhu.”

Jon Meng solian ti Jises tataiai Jon 14:12

“Nga kakane hawane amuto, tel na namilon xoxoan tetak i pon ailei waliko ti nga ailele. Tin i pon ailei waliko pamu lapan, taen ti nga alia haniwa kapi tel Tamak.

Jon Meng solian ti Jises tataiai Jon 16:20

Nga kakane hawane amuto, amuto tang tahane taen ti teka seilon laha kumahe kahikahik laha amuam. Amuto to leili tatahan tuahe imuh tatahan ti amuto towiahu hani lalape amuam.

Jon Meng solian ti Jises tataiai Jon 16:23

Taun tehu ien, amuto kum kamei ulea nga na tenen. Nga kakane hawane amuto, tel Tamak Haeu aile hani amuto tuahe tenen na amuto kamei i ti hahitake axak.

Jon Meng solian ti Jises tataiai Jon 21:18

Nga kakane hawane o, lokon ti o uluha, lawe o aile waliko ti paham ma lawe o nahih hani tesol ti paham. Tuahe ti na o salaimatawa, teka liai waxi o hani tesol ti kumahe paham.”

Jon Meng solian ti Jises tataiai Jon 3:3

Jises hone i ukek, “Nga kakane o kakain salan, Haeu kum neini wanen seilon, mewenae na i takah ulea.”

Jon Meng solian ti Jises tataiai Jon 3:5

Jises pahoi ukek, “Nga kakane hawane o, tap tel seilon Haeu po neini, mewenae na i takah ulea ti i sohot seilon haun ti pohe *Holi Spirit.

Jon Meng solian ti Jises tataiai Jon 5:19

Jises hone teka masiwi ti teka Ju ukek, “Nga kakane hawane amuto, nga Nati tel Tamak Haeu, puki nga kum pon ailei tenen na waliko halik na nga ningahimu tel Tamak aile. Lawe waliko tel Tamak aile, nga tel Natun tin nga aile.

Jon Meng solian ti Jises tataiai Jon 5:27

Ape i haniwen nga paxai kolongeniai woi teka seilon nake nga *tel Nati Seilon, nga se *Krais.

Jon Meng solian ti Jises tataiai Jon 6:26

Tuahe Jises kak ukek, “Nga kakane hawane amuto, amuto upiup nga kumahe nake amuto xeu ti hui waliko ti nga aile ti kui pohek tuahe nake nga axi ahoi hawane amuto an.

Jon Meng solian ti Jises tataiai Jon 6:32

Jises hone ulei laha, “Nga kakane hawane amuto, kumahe Moses tetel i hani laha bret ti tone Haeu. Se hahaniai tel Tamak Haeu. I se tetel axiamuto an wanen.

Jon Meng solian ti Jises tataiai Jon 6:47

“Nga kakane hawane amuto, tel na namilon xoxoan tetak, hoi liai i to kapi Haeu lian tehue.

Jon Meng solian ti Jises tataiai Jon 6:53

Tuahe Jises ukek, “Nga kakane hawane amuto, amuto kum uke tonain kapi Haeu ti tap tahi tapoan, halik na amuto ani tupuak ma unumi kakauk tel Nati Seilon.

Jon Meng solian ti Jises tataiai Jon 8:34

Jises hone laha, “Nga kakane amuto kakain salan. Tel na i aile tatale saun lialun i se unauan.

Jon Meng solian ti Jises tataiai Jon 8:51

Nga kakane hawane amuto, tel na i puas usi kakaiak i kum mat wanen.”

Jon Meng solian ti Jises tataiai Jon 8:58

Jises kak pahoi laha, “Nga kakane hawane amuto, imat ti Abraham takah, nga se liai ien, tetel ti nga kakaxi.”

Aposel 10:11

Ape tenen waliko masin teik lalape maia tumun hahinalopaun xinotan mos hahanima kapin.

Aposel 7:56

I ukek, “Hongoa! Nga niningahi maun hea ape *tel Nati Seilon i tutu pape Haeu sai manau!”

2 Tesalonika 1:7

Ape i hapau hawane kako hatesol tataen ti tel Masiwi Jises tahiama ti *tone Haeu hetekie teka *engel pate kuin ma xekei ah kakalini lato.

2 Tesalonika 1:9

Tel Masiwi Jises axi laha kawatan tenen tap tahi tapoan. Teteka ien i selai xaxaweni laha tetan ape laha kum ningahi ma amuke pohen hetekie soliaian.

1 Timoti 3:16

Lawe waliko ti Haeu hatakei hani seilon sale Jises Krais se pate tuah ma salan wanen. Masin ti tenen pak i ukek, Jises Krais i sohot seilon wanen. *Holi Spirit kola hani kaha ka i tel Nati Haeu. Teka *engel ningahi i muhin ti Haeu xahateniwa i ti matean. Ti Haeu waxi i hani tonan, i kola lalape pohen ma soliaian. Teka kahikahi Krais kaxi sasawateni mengon hani teka seilon ti tesol tesol ape kilan ti laha soh tetan.

Hibru 1:14

Teka engel se tuahe unaui Haeu. Laha se spirit solian Haeu talo hualiai teka seilon tetan, teteka Jises awai ti lawe waliko lialun lehe laha to kapi Haeu lian tehue.

Jud Nauna ti Jud hani teka kahikahi Jises Krais 1:14

Enok tel ti kahi *Adam, i tepanim tel ti muhi Adam, i kak peleawen imat sale teka seilon ien. I kakaxi sale aliai Jises Krais ukek, “Hongoa, i aliama hetekie teka lawalawai engel, spirit solian ti Haeu.

Hahatakei Haeu 19:11

Muhin maun aheah i hea ape nga ningahi tok hos papaxaxun ti tone Haeu. Tel kiliwakean axan Namil Xoxoan ma Salan. Paxai kolongenian tetan ti woi seilon ma hilehile tetan pahoiai teka watakaian, se sawisawin.

Hahatakei Haeu 4:1

Muhi tesol waliko ien, *Holi Spirit hanamiloa ulea nga ape nga ningahi tewau aweing hean ti *tone Haeu. Tin nga hong ulea lalape tenen kinax masin tangiai suhusuh. I wix ukek, “Lua hanima kapik patul lehe nga kola hani o waliko ti na i sohot muhin.”