Jon Meng solian ti Jises tataiai Jon 1:3 - Seimat

³ Haeu hapuasa i ti tanomiai lawe waliko. Na Haeu kum hapuasa i, tap wanen tenen waliko tanomawen.

Jon Meng solian ti Jises tataiai Jon 1:3 Iomraidhean Croise

Jon Meng solian ti Jises tataiai Jon 1:10

I hoi lawe kapi Haeu ape Haeu hapuasa i tanomiai tehu pon itan ie tuahe ti i tahiama, teka seilon kum paxai tioi i.

Jon Meng solian ti Jises tataiai Jon 1:2

Uli hutui lawe waliko i hoi liai kapi Haeu.

1 Korin 8:6

Tuahe kako teka kahikahi Krais kako soh ti Haeu telawe, tel Tamakaha. Lawe waliko i ahuma tetan. I tetel kako hani hahatapo i tupuakako ma lolotui. Masiwi ti kako tin telawe, *Jises Krais. Nake ti i, Haeu tanomi lawe waliko. Haeu taloma i lehe waxi kako uke tonain solian kapin.

Epesus 3:9

Haeu kilamiwen nga ti nexi haxewai namilon ti sale puase Krais hani lawe seilon. Ti imat, lilian ti Haeu tanomi lawe waliko, i tai kola hahatakei tenen namilon ien hani laha.

Hibru 11:3

Xoxoi namilokako ti Haeu kako tioi ka i tanomi hatesol waliko ti tuahe kakain. I hapuasa waliko ti kaha kum pon ningahian tanomiai waliko ti kaha niningahi.

1 Jon 5:1

Teteka laha soh ka Jises i tetel *Krais ti Haeu taloma, laha se nati Haeu. Na kaha waheni tel na seilon, tin kaha waheni hetekie natun.

Hahatakei Haeu 3:14

Imuh i kakane nga ukek, “Tai haniwa tel engel ngahatiai teka kahikahik ti Laodisia kewak. Ie se kakai tetel i lawe salan. I tel unaui Haeu wanen ma waliko ti i kakak sale Haeu mewenae salan. Nake ti i, Haeu tanomi lawe waliko.

Hahatakei Haeu 4:11

“Haeu tel Masiwi ti amite, tapai hawane amite haxawa axam ma sameni lalape pohem nake o tetel tanomiai lawe waliko. Lawe waliko ti o tanomiwen i ahuma ti puki namilom.”