Hibru 10:5 - Seimat

⁵ Aile ape imat ti *Krais lua hanima tehu pon ie, i kakane tel Taman Haeu ukek, “Waliko ti laha to aile hahani o, i kum hewi tiam. Aile ape o aile hasohotu tupuak lehe nga hani hatapo o.

Hibru 10:5 Iomraidhean Croise

Matiu 11:3

Ape lato kamei i ukek, “Nakon o se Krais, tel amite to atetengi Haeu taloma, a amite atetengi tel seilon liai?”

Luk Meng solian ti Jises tataiai Luk 1:35

Tel engel kak pahoi i ukek, “Ti pohe Haeu, Holi Spirit atuhi halihu o ape o pet akaik. I hani hatapo tupuan ailei puase Haeu ape laha axai i Nati Haeu.

Luk Meng solian ti Jises tataiai Luk 7:19

I talo lalu hani kapi Jises tel Masiwi kameian na i se *Krais, tetel teka Ju to atetengi na Haeu taloma, ka lato atengi tel seilon liai.

Jon Meng solian ti Jises tataiai Jon 1:14

Tetel i Kakain i sohot seilon hanowi kaha ape i luama to kapi kaha ti tehu pon itan ie. Kaha ningahi lalape pohen ma soliaian, tel pate tuah wanen i luama ti Haeu tel Taman. Tap tel soliaian masin tetan. Ti soliaian i kola lalape wawahen ti Haeu hani kaha ape i kola hatakei lawe waliko salan ti Haeu.

Galasia 4:4

Tuahe ti i meiwa tehu ngain Haeu kilamiwen, i taloma tel Natun i takahama ti tel hehin. I takahama tel *Ju hahitake *nauna ti Moses.

1 Timoti 3:16

Lawe waliko ti Haeu hatakei hani seilon sale Jises Krais se pate tuah ma salan wanen. Masin ti tenen pak i ukek, Jises Krais i sohot seilon wanen. *Holi Spirit kola hani kaha ka i tel Nati Haeu. Teka *engel ningahi i muhin ti Haeu xahateniwa i ti matean. Ti Haeu waxi i hani tonan, i kola lalape pohen ma soliaian. Teka kahikahi Krais kaxi sasawateni mengon hani teka seilon ti tesol tesol ape kilan ti laha soh tetan.

Hibru 1:6

Lokon ti Haeu taloma tel Natun pate tuah hani tehu pon ie i ukek, “Hatesol engel tetak haxawawa axan.” (Deut 32:43)

Hibru 10:10

Ie se waliko ti namili Haeu. Jises Krais nuhi hauni leilokako ti i mat ukei kawatan ti lialui woukako. Matean tehue wanen ti kaui kawatan ien. I tua ponoa tehu matean ien.

Hibru 10:7

Aile ape nga kakane o, ‘Nga ie ti ailei waliko ti paham. Masin ti laha tai kaxiwen nga ti leili pepaum.’ ” (Ps 40:6-8)

Hibru 10:8

Namiloi paxaiwa. Ti imat Jises Krais ukek, “I kum hewi uke o ti laha hani o manihuh luian ma na kakaun ti xaxaweniai lialui woulaha.” I kak ukek ien kalak tesol waliko ien i usima nauna ti Moses.

Hibru 2:14

Nake kako teka nati Haeu se seilon, Jises tin i takah hanowi kaha seilon lehe pon i mat ukei totonakaha. Ti matean i halialu tamusuke *Satan, tetel nenein tetan mewenae kane matemate.

Hibru 5:7

Lokon ti Jises toto he tehu pon ie, lawe i lotu hani Haeu. Ti lehe ape i kau kawatan lalap, i lotu eliel hani Haeu ti leili tangitangi ma kawate tian. I lotu eliel hani tetel i pon awaian ti tehu matemate. Nake ti Jises hong tamani kakai Haeu, Haeu hong waxi lotu tetan a i aile hapoponowi puki namilon.

Hibru 8:3

Lawe masiwi tapein ti hukuminiai Haeu ma seilon ti laha kilami he tehu pon ie, lato lelei manihuh ti teka seilon kauma haniai Haeu ti kahuiai lialui woulaha. Aile ape Jises Krais tel masiwi tapein ti hukuminiakaha hani Haeu tin i axi Haeu waliko.

1 Pita 2:24

Puki Jises Krais hani tupuan lehe i mat he *kros ti kaui kawatan ti lialui woukaha. I aile ukek lehe kaha lioi xaxaweni saun tenen lialun ma kaha hana namilokaha ti ailei waliko tenen sawisawin. Nameniwa, Haeu haewiawen amuto nake Jises Krais uke totonamuto ti kaui kawatan.

2 Jon 1:7

Nga kak ukek ien nake ape kilan teka woinakon hanaui seilon kakai Haeu. Laha kum paxai tioi ka Jises Krais i sohot hawanewen seilon hanowi kaha ti i he tehu pon ie. Laha pupuluti seilon ma pahoxai puase Jises Krais.