Hahatakei Haeu 7:9 - Seimat

⁹ Muhin nga ningahi teka kilai seilon mongohualaha kaha kum pon wexean. Laha ti lawe xux, nenex tehu tehu ma kakaialaha tenen tenen. Laha tutu mateiwai tetel Masiwi i toto he tehu totoan tuah ma totok *sipsip uluha kapin. Puxuaulaha papaxaxun a weluwelun ma laha akekeni kai hatoh.

Hahatakei Haeu 7:9 Iomraidhean Croise

Luk Meng solian ti Jises tataiai Luk 12:1

Lokon ien kilan wanen seilon apupuha. Pahalaha wanen laha ngasoha hani kapi Jises ape laha pisipis hawane. Jises kakanemu imat teka kahikahin. I ukek, “Lepeteniwa amuto ti teka *Parisi nake leholaha huoka.

Luk Meng solian ti Jises tataiai Luk 21:36

Amuto kum luhuluh. Amuto lotu elieliwa lawe ngain lehe Haeu huali amuto haxoxoi namilomuto tetan leili taun ti tesol kawatan ien. Na amuto aile ukek ien, amuto kum hienake woumuto taun ti nga tel Nati Seilon aliama ti hinitiai seilon.”

Jon Meng solian ti Jises tataiai Jon 12:13

Laha koti kai hatoh ape nahih titilol tengenian, “Kako haxawawa axe Haeu. Kako sameniwa ma amukewa tel i nahih hehetekiema poh ma solian ti Haeu! (Ps 118:25-26) Kako sameniwa ma amukewa tel Masiwi tapein ti *Israel!”

Rom Teik pasi Pol hani teka kahikahi Jises Krais ti Rom 11:25

Teka akikik ti *Krais, pahak amuto xeu aluawa waliko ti Haeu kola hatakeiwen sale teka Ju lehe tap amuto namiloi ka amuto pamu tuah ti laha. Ti ailai patulaha laha kum soh ti Jises Krais tuahe i kum hamalum ukek ien. Laha kum soh atengi tataen hatesol teteka kumahe Ju Haeu kilamiwen tetan laha sohoa ti Jises Krais.

Epesus 6:13

Aile ape hapuasa hatapoa waliko ti Haeu haniwen hakuiamuto ti hil pahoiai Satan lehe na kawatan tunahi amuto, i kum xoini amuto nake amuto tu xox tatale ti Krais. Ape na amuto aile hatapoa puasamuto, tin amuto tu xoxox.

Hibru 11:12

Aile ape kalak i salaimat kasiawen ti hatanoi akaik, kilan seilon laha nakuama tetan. Kilaialaha mongohuan kohot ti he maun ma puli hepekeun ti peixux.

Hibru 12:22

Tuahe amuto, sale xohiamuto hani Haeu pate liai tenen wanen. Amuto hanowi ka amuto nahih hani tehu Maunt *Saion, tehu Jerusalem haun, tetehu taon ti Haeu tel pate pohen. Ien masin ka amuto kapi Haeu ti tesol tonan. Ti ien kilan kilan wanen *engel lawe lato apuha amuam.

Hahatakei Haeu 11:15

Ti tel *engel tapeinan kuiniwa tehu suhusuhaun, kilan kinax tiloma tesol tone Haeu, laha ukek, “Haeu tel Masiwi ti kaha ma *Krais tetel i taloma, lalu sohot Masiwi tapein ti tehu pon ie ape lalu neini lawe seilon lian tehue.”

Hahatakei Haeu 22:3

Tap tenen na waliko ti Haeu watakai i po to leili tehu taon. Tehu totoan tuah ti Haeu ma tok sipsip uluha ien ape teka unaui Haeu lotu sasameni i.

Hahatakei Haeu 3:18

Na pahamuto wanen lehe amuto tapai hawane, haelieliwa usiak ti haxoxoi namilomuto ti Haeu. Ien se pate tuah masin gol laha lui hauniwen. Amuto usiwa soliai wouk lehe amuto sosoi maia papaxaxun i kola ka amuto ape haun hanowi seilon tenen i sosoi maia atuhian ti i makahul. Hong matainiwa kakaiak lehe amuto xeu hawane ti lawe waliko salan hanowi seilon tenen i hana marasin hani he pulan lehe i paxapax alua.

Hahatakei Haeu 4:4

Tin 24 totoan tuah liai kakalini i hetekie 24 masiwi toto ien. Puxuaulato papaxaxun ma patulato hin tah tenen ani gol.

Hahatakei Haeu 5:11

Ti nga to paxapax nga hong kinaxe teka kilai engel, mongohualaha kaha kum pon wanen wexean. Laha tu kakalini tehu totoan tuah, tetesol hinalo seilon ma tetesol 24 masiwi.

Hahatakei Haeu 5:9

Lato pakui tenen pak haun ukek, “O tapai hawane waxiai teik pepa tuah ma tosei papakat ti heian nake laha telei o ape ti mateam o uke kahi lialui woi seilon. O aile ukek ien lehe teka seilon ti lawe xux ma nenex, kakaialaha tenen tenen, laha sohot unaui Haeu wanen.

Hahatakei Haeu 6:11

Ape tel tel ti lato uke tehu puxux papaxaxun a weluwelun. Muhin Haeu hone lato ka nutomu atengi tataen ti teleiai teka akikilato ti *Krais, teka tuaulato ailei puase Haeu mongohualato i meiwa ti Haeu kilamiwen.

Hahatakei Haeu 7:8

Tehu nenex ti Sebulun 12,000 seilon, tehu ti Josep 12,000 ma tehu ti Benjamin 12,000.