Hahatakei Haeu 4:1 - Seimat

¹ Muhi tesol waliko ien, *Holi Spirit hanamiloa ulea nga ape nga ningahi tewau aweing hean ti *tone Haeu. Tin nga hong ulea lalape tenen kinax masin tangiai suhusuh. I wix ukek, “Lua hanima kapik patul lehe nga kola hani o waliko ti na i sohot muhin.”

Hahatakei Haeu 4:1 Iomraidhean Croise

Matiu 3:16

Muhin ti Jises baptais kewa, i xaheale. Maun i hea ape i ningahi Spirit ti Haeu mos hani kapin hanowi tok pux.

Mak Meng solian ti Jises tataiai Mak 1:10

Ti Jises xaheale, i ningahi maun hea ape Holi Spirit mos hani kapin hanowi tok pux.

Luk Meng solian ti Jises tataiai Luk 3:21

Ngain tehu ti Jon baptaisi teka seilon, tin i baptaisi hetekie Jises. Leilon ti Jises lolotu, maun hea.

Jon Meng solian ti Jises tataiai Jon 16:13

Tuahe tataen Holi Spirit tahiama, tetel i kola lawe waliko salan sale Haeu, i neini amuto ti tioiai Haeu. Kumahe i kakak ti puki namilon, i kakaxi waliko tenen i hong ti Haeu ape i kakane amuto waliko ti luluainima tutuen.

Aposel 10:11

Ape tenen waliko masin teik lalape maia tumun hahinalopaun xinotan mos hahanima kapin.

Aposel 7:56

I ukek, “Hongoa! Nga niningahi maun hea ape *tel Nati Seilon i tutu pape Haeu sai manau!”

Hahatakei Haeu 1:10

Tehu ngain ti kako teka kahikahi Krais nameni xahatai Jises, Holi Spirit hanamiloa nga ape nga hong lalape kinax tenen masin tangiai suhusuh i wixima sai tehitok.

Hahatakei Haeu 1:12

Nga towiahu paxai ape nga ningahi tepanim huohu tutuhi lul ani gol.

Hahatakei Haeu 1:19

“Aile ape tai konginiwa waliko ti o papaxai, waliko ti i sosohot aope ma i po sohot imuh.

Hahatakei Haeu 11:12

Muhin lalu hong tenen kinax tiloma tesol *tone Haeu, “Lua hanima patul.” Ape teteka seilon watakaialalu laha papaxai ti lalu luluainiwa he teik maun hani tesol tone Haeu.

Hahatakei Haeu 11:19

Muhin tehu Ingi Haeu ti tesol tonan i hea ape lawe seilon pon ningahiai *tehu lohe kakain tuah ti Haeu xinotiwen kapi teka seilon tetan. Ape usil xepaxep, kuhuh tonuton, xux nuea eliliel ma puli akah lalap tenen pate waiwain i put hahani itan.

Hahatakei Haeu 16:17

Ti tel engel tapeinan tihiwa lohe tehu kapieun haniwa he maun, tenen kinax lalap wixima ti tehu totoan tuah ti Haeu leili Ingan. I ukek, “Ape i tilawen.”

Hahatakei Haeu 19:11

Muhin maun aheah i hea ape nga ningahi tok hos papaxaxun ti tone Haeu. Tel kiliwakean axan Namil Xoxoan ma Salan. Paxai kolongenian tetan ti woi seilon ma hilehile tetan pahoiai teka watakaian, se sawisawin.

Hahatakei Haeu 22:6

Muhin tel engel kakane nga ukek, “Hatesol kakain ie salan wanen. Pon hawane lawe seilon soh. Haeu tel Masiwi, tel i hanamiloa teka kuluiai kakaian, i taloma tel engel tetan kaxi haniai teka unauan waliko ti lehe i sohot.”