Hahatakei Haeu 2:8 - Seimat

⁸ Ape imuh i kakane nga ukek, “Tai haniwa tel engel ngahatiai teka kahikahik ti Simirna kewak. Ie se kakai tetel ti hutuiai ma tiliai lawe waliko, tetel i mat ape i moih aliawen.

Hahatakei Haeu 2:8 Iomraidhean Croise

Rom Teik pasi Pol hani teka kahikahi Jises Krais ti Rom 14:9

Nga kak ukek nake *Krais mat ape i moih alia lehe i to tel Masiwi ti kaha hatesol, teka moihin tutuen ma teka laha matewen.

Hahatakei Haeu 1:11

I ukek, “Waliko ti ape o ningahi, tai konginiwa ape hakau haniwa teka kahikahi Krais leili tepanim huohu taon ie: Epesus, Simirna, Pergamum, Tiatira, Sadis, Piladelpia ma Laodisia.”

Hahatakei Haeu 1:8

Haeu tel Masiwi ukek, “Nga se *Alfa ma *Omega, tetel ti hutuiai ma tiliai lawe waliko. Nga hoi liai ti imat, aope ma tin nga luluainima tutuen. Nga tel poh tapein.”

Hahatakei Haeu 2:1

Ape imuh i kakane nga ukek, “Tai haniwa tel *engel ngahatiai teka kahikahik ti Epesus kewak. Ie se kakai tetel i akekeni tepanim huohu kohot he minan manau ma i tau nanahih wasole tesol tepanim huohu tutuhi lul ani gol.

Hahatakei Haeu 22:13

Nga se *Alfa ma *Omega, tetel imat ma tetel tapeinan, tetel ti hutuiai ma tiliai lawe waliko.”