Biblia Todo Logo
Bìoball air-loidhne

- Sanasan -




Hahatakei Haeu 15:4 - Seimat

4 Lehe aita tel na tap lon tetam? Lehe aita tel na kum haxawa axam? Mewenae o tetel sawisawin tapein. Hatesol seilon lotu sameni o nake laha ningahiwen sawisawiai pupuasam.”

Faic an caibideil Dèan lethbhreac




Hahatakei Haeu 15:4
44 Iomraidhean Croise  

Ape tin lehe *teka kumahe Ju sameni Haeu ti lalape tatahan tetan nake i huali hetekie laha. Tenen ien i hapoponowi waliko ti leili pepai Haeu kakawen. *David kakane Haeu ukek, “Nga haxawa o kapi teka kumahe Ju. Nga pak sameni axam.” (2 Sam 22:50; Ps 18:49)


Puki i kakawen leili teik pepaun i ukek, “Sohot elieliwa seilon tenen sawisawin tapein nake nga tel sawisawin tapein.” (Lev 11:44-45)


Ti tel *engel tapeinan kuiniwa tehu suhusuhaun, kilan kinax tiloma tesol tone Haeu, laha ukek, “Haeu tel Masiwi ti kaha ma *Krais tetel i taloma, lalu sohot Masiwi tapein ti tehu pon ie ape lalu neini lawe seilon lian tehue.”


I kak eliel ukek, “Kolawa lomuto haniwa Haeu ma haxawawa axan nake taun i xohiwen ti i paxai kolongeni woi lawe seilon ma i axi kawatan hani teka seilon lialun. Lotu sameniwa i, tel i tanomi maun aheah, tehu pon itan, kanitax ma lawe kan ti tehu pon ie.”


Ape nga hong tel engel masiwi ngahatiai lawe kan ti tehu pon itan ukek, “Haeu, tel sawisawin tapein, o hoi liai ti imat ma aope. Haniai tesol kawatan ie se sawisawin nake paxai kolongenian tetam ti woi seilon se sawisawin.


Lokon ien nga hong tenen kinax wixima tesol *tone waliko ti haniai Haeu, i ukek, “Haeu tel Masiwi tel pohen tapein, salan wanen ka paxai kolongenian tetam ti woi seilon se sawisawin. Aile ape tesol kawatan o hahani ie se sawisawin.”


Paxai kolongenian tetan ti woi seilon se salan ma sawisawin. I axi hawane kawatan hani *Babilon nake laha masin tel hehin weli ailei saun lialun. Laha neini hakalala kilan seilon ti ailei waliko ti Haeu watakai. I kahui aliake hani laha nake laha telei teka unauan.”


I pupuxui maia solian tenen pate papaxaxun ma i talehaleh.” Puxuaun ien i kikilami soliai woi seilon ti Haeu.


Imuh i kakane nga ukek, “Tai haniwa tel engel ngahatiai teka kahikahik ti Piladelpia kewak. Ie se kakai tetel i sawisawin tapein ma lawe salan. I tel Masiwi tapein. Masin ti lokon tel masiwi *David neini teka *Ju, i tetel neiniai lawe seilon. Na i sowini tenen na waliko, tap tel pon halinian. Na i halini tenen, tap tel pon sowinian.


Lato tel tel hina paulato masin pai manixux tuahe paulato tepanim tehu. Kilan pulalato he paulato, patul ma hahitakan. Ngain ma ipong lato to kakak ukek, “Haeu tel Masiwi i sawisawin tapein ma tel poh tapein. I hoi liai ti imat, aope ma tin i luluainima tutuen!”


Lato tilol eliel hawane ukek, “Haeu tel Masiwi tapein, tel sawisawin tapein ma salan wanen, malehe ape kuehuan ia na o paxai kolongeni woi lawe seilon ti tehu pon ie ape o kahui aliake hani teka laha telei amite?”


Lean sinn:

Sanasan


Sanasan