Aposel 9:11 - Seimat

¹¹ Tel Masiwi kakane i ukek, “Nahih haniwa leili tehu ingi Judas he tewau aweisal axan Sawisawin ape kamea upiawa tel seilon akiki Tarsus, axan Sol. Aope ie i lolotu ien.

Aposel 9:11 Iomraidhean Croise

Jon Meng solian ti Jises tataiai Jon 4:10

Jises pahoi i, “O kum paxai tioi waliko ti Haeu pahan i hani o ma tin o kum paxai tioi nga. Na o tioila, o katewen ape ala nga axiwen o tenen kan wanen.”

Aposel 11:13

Konilius kaxi hani amite ka i ningahi tel *engel ti Haeu leili ingan. Tel engel kakane i, ‘Taloa teka seilon haniwa Jopa ape hakahitama tel seilon axan Saimon Pita.

Aposel 11:25

Muhin Banabas lua hani Tarsus ti upiai Sol.

Aposel 2:21

Taen ien, teka laha upia huhual ti tel Masiwi, i waxi auni laha lian tehue.’ (Joel 2:28-32)

Aposel 21:39

Pol kak pahoi, “Kumahe! Nga tel Ju ti Tarsus leili Sailisia, tehu taon lalap tuah. Ewi na nga kakane teka seilon ie?”

Aposel 22:3

“Nga tel *Ju ti Tarsus leili Sailisia tuahe nga lap ie leili Jerusalem. Gamaliel tel i hanau hatapo nga sale nauna ti teka tamakako ti imat ape nga hani hatapoen kuik ailei puase Haeu masin ti amuto.

Aposel 8:22

Towiahua ti tenen saun lialun ien, ape kameiwa Haeu oxoxiam ti kawatan ti lialui namilom.

Aposel 8:26

Ngain tehu tel *engel ti Haeu hone Pilip, “Nahih haniwa tewau aweisal sai haiup he lohong ti i luainiwa Jerusalem hani Gasa.”

Aposel 9:30

Ti teka kahikahi Jises tioiwa, lato hakahita Sol hani Sisaria ape lato hakau i hani tehu taon Tarsus, tesol puki tonan.