Aposel 5:42 - Seimat

⁴² Ape lawe ngain lato nahih hani Ingi Haeu ma ingi teka seilon ti hanaualaha ma kaxiai meng solian ka Jises i se Krais, tel Haeu taloma.

Aposel 5:42 Iomraidhean Croise

Luk Meng solian ti Jises tataiai Luk 21:37

Tesol ngain ien Jises nahih hani Ingi Haeu hanaui teka seilon ngain hatehu. Ape lawe ipong i matih he tehu Maunt Oliv.

Luk Meng solian ti Jises tataiai Luk 22:53

Lawe ngain nga hahanau teka seilon leili Ingi Haeu a amuto tai xoti nga. Tuahe ie taun ti Haeu haniwen amuto xotiak. Teik taun kukunun Haeu sowini hani Satan neini amuto aile halialuak.”

Aposel 11:20

Tuahe teka ti lato ti Saiprus ma Sairini lua hani Antiok ape tin lato kakaxi meng solian ti Jises hani teka kumahe Ju.

Aposel 13:32

“Ape amili kaxi hahani amuto meng solian ie.

Aposel 17:18

Tesol seilon Epikurian ma Stoik laha teteka hanaui sale totone seilon, tin laha kak hapatapat kapi Pol. Teka ti laha ukek, “Tel seilon ie tua kak lalolal.” Teka liai ukek, “Tanoman i kakak haeu tenen kako kum tioi.” Laha kak ukek ien nake Pol kakaxi sale puase Jises ma xahataian ti matean.

Aposel 17:3

I kaxi haxewa kakai Haeu ape i nexi hani lato ka hoi liai ti kuewen Haeu namiloiwen ka *Krais kau kawatan ma moloan ma i xahat alia ti matean. Pol ukek, “*Jises, tetel nga kaakane amuto, i se Krais, Haeu taloma ti awaiakako ti kawatan ti saun lialun ti kako.”

Aposel 2:46

Lawe ngain lato apuha hetekie ti namil teikawe leili *Ingi Haeu. Lato ang bret nameniai matei Jises ma amuam ti he axiax an leili ingalato.

Aposel 20:20

Amuto tioi nga tai puluhini teik na kakain tenen i pon hualiamuto. Nga hahanau amuto sale puase Jises leili kilan seilon ma ti ingi tel tel.

Aposel 4:20

Amili kum kongini uke kaxiai waliko ti puki amili ningahiwen ma hongoen.”

Aposel 4:29

Tel Masiwi, ti tenen ien paxai tioiwa kakain ti laha kak hahamatau amite ape aile hamatuawa amite teka unauam ti kaxiai kakaiam.

Aposel 8:35

Ape Pilip kaxi haxewa hani i hutui ti teik kakain ien ma i kaxi ahuti hani i meng solian ti Jises.

Aposel 8:5

Pilip nahih hani tehu taon lalap leili Samaria ape i kaxi hani teka seilon ka Jises se *Krais, tel Haeu taloma.

Aposel 9:20

Taen ien i soh hani synagog tehu tehu kakaxi ka Jises i tel Nati Haeu.

1 Korin 2:2

Nga ailewen namilok ka nga kakak mewenae *Jises Krais ma tehu matean he *kros ti awaiakaha.

Galasia 1:16

Ape i kola hatake hani nga tel Natun lehe nga kaxi tenen meng solian tetan hani *teka kumahe Ju. Nga tai kamei paxai namili tel na seilon.

Galasia 6:14

Tuahe ti puki nga, nga kum sameni tenen na waliko, mewenae ti Jises Krais tel Masiwi mat he kros ti ukei totonakako. Nake ti tenen ien, nga aile lioiwen saun tenen teka laha kum soh ti Krais ailele. Aile ape laha kum namiloi waxi waliko ti nga ukek pate tuah.

2 Timoti 4:2

Kaxi ahutiwa *meng solian ti Jises Krais, kalak laha hong ma na laha kum hong waxi, ti leili taun solian ma na lialun. Kak hasawi elieliwa teteka laha ailele saun lialun tuahe kum leng kokosea. Kak haxoxoa teka seilon ti o hanau mamatuhini laha sale Jises Krais.