Aposel 5:12 - Seimat

¹² Teka aposel aile hasohotu kilan kolakol tenen pate lalap ape teka seilon ningahi pohe Haeu. Hatesol *kahikahi Jises lawe lato apuha hetekie ti tesol Totone Solomon pape *Ingi Haeu.

Aposel 5:12 Iomraidhean Croise

Mak Meng solian ti Jises tataiai Mak 16:20

Tesol kahikahin lato kaxi sawateni meng solian tetan hani tesol tesol. Pohe Haeu pupuas hualialato. Haeu haxoxo tenen meng ti lato kakaxi ape i kola ka kakaian salan wanen, usiwa waliko tenen lato ailele ti kui pohen.

Jon Meng solian ti Jises tataiai Jon 10:23

Jises tau nanahih tesol Totone Solomon kapi Ingi Haeu.

Jon Meng solian ti Jises tataiai Jon 4:48

Jises kakane tel seilon, “Alahan pahamuto paxaimu puase poh ti nga ailele lehe amuto soh tetak?”

Aposel 1:14

Lato hatesol lawe lato apuha lotu hetekie namil tenenawe kapi tesol hehin ma Mary tel tini Jises hetekie tesol ukale Jises.

Aposel 14:3

Pol ma Banabas to kue ien ape lalu kaxi matuke ka ti *lalape soliai Haeu i hani teka seilon Jises. Haeu kola ka kakaialalu salan ti i hani lalu poh ti aile hasohotui kilan kolakol tenen lalap.

Aposel 16:18

Kilan ngain i aile saun tin tetenen ape Pol lon manomano. I tohea paxai tel hehin ape i kakane tel spirit lialun leilon i ukek, “Ti poh Jises haniwen nga, nga hone o ahutawa ti tel hehin ie.” Tataen ien wanen tel spirit lialun ahuta salili i.

Aposel 19:11

Haeu hani Pol poh ti ailei waliko tenen lalap wanen.

Aposel 2:46

Lawe ngain lato apuha hetekie ti namil teikawe leili *Ingi Haeu. Lato ang bret nameniai matei Jises ma amuam ti he axiax an leili ingalato.

Aposel 28:9

Muhin ien laha atoheni teka tinun hani kapi Pol ape i haewia laha.

Aposel 3:11

Hatesol seilon ongaini hawane ape laha kiliwau hani kapi tesol axan Totone Solomon, tetesol ti tel seilon kemuk aen lialun pohi amumuke Pita ma Jon.

Aposel 4:30

Hanima amite pohem ti haewiai seilon ma hasohotui kolakol tenen lalap hahitake axe tel unauam Jises.”

Aposel 9:33

Ti ien i tunahi tel seilon axan Enias. Ahang tepanim toluhu i tua engeeng nake tupuan maten.

Aposel 9:40

Muhin ti Pita talo hasohotua laha ti tesol ien, i lokuha ape i kamei huhual ti Haeu. I tale matan hani tel maten ape i ukek, “Tabita xahatawa!” Ti tel hehin haxepale pulan, i ningahi Pita ape i xahat to.

Rom Teik pasi Pol hani teka kahikahi Jises Krais ti Rom 15:19

Nga itini waxaini laha ti kilan kolakol lalap nga aile ti pohe Holi Spirit. Ti nga aile pupuasak ien, nga lua hani kilan taon hutui Jerusalem hani tataen texux xux Ilirikum. Ti ien, nga kaxi hatapoen meng solian ti Jises Krais.

2 Korin 12:12

Ti nga kapimuto, nga kolawen ka salan nga tel aposel wanen. Nga aile tatale kilan kolakol ma waliko tenen lalap ti pohe Haeu, kalak waliko tenen tenen pahoxai nga.

Hibru 2:4

Haeu kola hawanewen ka kakain ien se salan. Ti haxoxoan i aile kilan kolakol ma waliko tenen lalap ti pohen. Tin i hani hetekie *Holi Spirit lehe i hapohea seilon tetan ti ailei puasain tenen tenen usiai namilon.