Aposel 22:5 - Seimat

⁵ Tel masiwi tapein ti hukuminiai Haeu ma seilon ma hatesol masiwi liai pon kaxi haniamuto ka kakaiak salan. Nga kema pas ti lato haniai teka masiwi ti tesol *synagog leili Damaskas, i kaxi ka nga pon xotiai teka kahikahi *Jises ape hakahita kalabusialaha hani Jerusalem.

Aposel 22:5 Iomraidhean Croise

Luk Meng solian ti Jises tataiai Luk 22:66

Ti letua teka masiwi tenen tenen ti teka Ju, laha apuha hukuma. Leilolaha tesol masiwi tuah ti hukuminiai Haeu ma seilon ma tesol hanaui nauna ti Moses. Ape laha ati Jises hani mateiwaulaha.

Aposel 1:15

Ngain telao, sai 120 kahikahi Jises laha apuha ape Pita tua i ukek,

Aposel 13:26

“Amuto teka kahi nati *Abraham ma *teka kumahe Ju amuto lolotui Haeu, tenen meng solian ti Jises awai kako ti kawatan ti saun lialun, Haeu hani kako hatesol.

Aposel 2:29

Pita kak tatale ukek, “Amuto tesol akikik, nga kaxi hawane hani amuto ka tel masiwi David, tetel matahaun ti kako, i matewen ape laha tihiniwen. Aope ie, amalun tutuen kapi kako.

Aposel 22:1

Pol ukek, “Amuto teka akikik, teka masiwi ma teka lokok, hongoa kakain ti ape nga kaxi nexi hani amuto waliko ti i sohotuen.”

Aposel 23:1

Pol pax sawi hani hatesol masiwi ien ape i ukek, “Teka *Ju akikik. Nga ilameni tioi ka pupuasak ti Haeu sawisawin wanen.”

Aposel 23:6

Ti Pol paxai tioiwa ka leili teka masiwi ien hina teka *Sadusi ma teka *Parisi i tilol hani lato, “Teka akikik, nga tel Parisi masin teka tamak ti matahaun. Nga tu ti sulusulu nake nga soh ka seilon maten laha moih alia.”

Aposel 26:10

Se pupuasak wanen ti leili Jerusalem. Na teka masiwi tuah ti hukuminiai Haeu ma seilon sowiniwa, nga xoti teka *kahikahi Jises ape hana hani kalabus. Tin nga waheni na telei lato.

Aposel 26:11

Nga nahih hani *synagog tehu tehu ti aile halialualato ape lungei lato kak halialui Haeu. Kalak tataen ti taon ti teka kumahe Ju nga kum sosokol aile halialualato.

Aposel 26:12

“Telao nga lua hahaniwa Damaskas ailei tenen puasain ien ti teka masiwi tuah ti hukuminiai Haeu ma seilon sowini haniwen nga.

Aposel 28:17

Muhi ngain toluhu ti amite Rom, Pol ilowi teka masiwi ti teka Ju hani tehu apuhain. Ape i kakane lato, “Amuto teka akikik, nga tai aile teik na waliko lialun hani tel na seilon ma nga tai tahi teik na saun ti tesol tamakako ti matahaun. Tuahe ti nga Jerusalem, laha xoti nga ape hana nga hani mini teka Rom ti kalabusiak.

Aposel 28:21

Ape lato kak pahoi ukek, “Amite tai uke teik na pas ti Judia hahongoamite sale huam ma tin tap tel ti teka kahikahi Jises tahiawen ie ape kaxiwen ka o ailele waliko tenen lialun.

Aposel 3:17

“Teka soliai akikik, nga tioi ka amuto ma tesol masiwi ti amuto kum paxai tioi waliko tenen auha aile haniwen Jises.

Aposel 4:5

Taen kewa ngain liai tehu, teka masiwi ti teka Ju tenen tenen ma *teka hanaui nauna ti Moses laha apuha Jerusalem.

Aposel 5:21

Ti i letule lato nahih hani Ingi Haeu ape hahanau teka seilon ien. Letuan tin tetehu, tel masiwi tapein ti hukuminiai Haeu ma seilon ma hatesol masiwi ti *Israel lato apuha hetekie. Lato talo teka unaualato nahih waxiai tesol aposel lehe teka masiwi kamei lato hina kamekame.

Aposel 9:14

Ape aope i nahih hanima Damaskas nake teka masiwi tuah ti hukuminiai Haeu ma seilon sowini haniwen i xotiai teka seilon laha lolotui o.”

Galasia 1:13

Amuto hongoen wouk ti imat, lokon ti nga usiusi saun ti lotu ti teka *Ju. Nga eliel hawane axiai kawatan hani teka kahikahi Jises Krais ma tohongi lalali ti halialu tamusukealaha.

Pilipai 3:6

Namilok i eliel hawane ti ailei puase Haeu. Ti xoxoi namilok ien nga aile halialu teka kahikahi Krais nake nga sokok i hamuamua Haeu. Tap tel pon tieniak ti tenen na waliko nake nga usi hatapo hahawane hatesol nauna ma saun ti teka Ju.

1 Timoti 4:14

Aile tatalewa tenen puasain ien pake Haeu huali o ailean masin ti Holi Spirit hanamiloa teka masiwi kakaneam lokon ti laha hana minalaha patul tetam ti lotu hualiam.