Aposel 22:3 - Seimat

³ “Nga tel *Ju ti Tarsus leili Sailisia tuahe nga lap ie leili Jerusalem. Gamaliel tel i hanau hatapo nga sale nauna ti teka tamakako ti imat ape nga hani hatapoen kuik ailei puase Haeu masin ti amuto.

Aposel 22:3 Iomraidhean Croise

Luk Meng solian ti Jises tataiai Luk 10:39

Tel tuai Mata axan Mary i to onote ae Jises tel Masiwi ape i to hongohong mengon.

Luk Meng solian ti Jises tataiai Luk 2:46

Ngain toluhu tamusua lalu tunahi i leili Ingi Haeu, toto kapi teka hanaui kakai Haeu ma saun ti teka Ju. I hongohong lato ma kakamei hina kamekame.

Luk Meng solian ti Jises tataiai Luk 8:35

Teka seilon nahih paxai waliko ti i sosohot. Ti laha xohi haniwa kapi Jises, laha ningahi ka tel seilon kemuk spirit lialun kapiti hahalialu, i toto kapi ae Jises. I hina puxux ma namilon tin ape solian. Ape laha mamata.

Aposel 11:25

Muhin Banabas lua hani Tarsus ti upiai Sol.

Aposel 15:23

Lato hakau tuaiwa lalu teik kakain i ukek, “Amuam ti amite tesol aposel ma teka masiwi ti teka kahikahi Jises ti Jerusalem, tesol akikimuto ahuma ti Jises haniwa amuto teka kumahe Ju leili Antiok, Siria ma Sailisia.

Aposel 15:41

Ti lalu lua hahaniwa Siria ma Sailisia, lalu kak hahakui xoxoi namili teka kahikahi Jises.

Aposel 21:20

Ti i kak kewa lato hatesol kak sameni Haeu. Tuahe lato ukek, “Tel akikimite ahuma ti Jises, kilan kilan wanen teka Ju laha sohot kahikahi Jises. O tioi ka laha hani hahatapo namilolaha usiai *nauna ti Moses.

Aposel 21:39

Pol kak pahoi, “Kumahe! Nga tel Ju ti Tarsus leili Sailisia, tehu taon lalap tuah. Ewi na nga kakane teka seilon ie?”

Aposel 23:34

Muhin ti i ridaiwa teik pas, i kamei Pol, “O ti lahe xux?” Pol pahoi ukek, “Ti Sailisia.”

Aposel 23:6

Ti Pol paxai tioiwa ka leili teka masiwi ien hina teka *Sadusi ma teka *Parisi i tilol hani lato, “Teka akikik, nga tel Parisi masin teka tamak ti matahaun. Nga tu ti sulusulu nake nga soh ka seilon maten laha moih alia.”

Aposel 26:5

Laha tioiwen nga lilian ti kuewen ape na pahalaha kaxi kakain salan, pon laha kak ka laha tioi ka nga tel ti teka *Parisi amite puas usi aluluini hatesol nauna ti Haeu.

Aposel 26:9

“Puki nga kemuk nga soh hawane ka ewi ti aile halialui teka kahikahi *Jises ti Nasaret.

Aposel 5:34

Tuahe tel ti lato axan Gamaliel, i tel *Parisi a tin tel hanaui nauna ti Moses, i tule ape i talo tesol aposel hanimu melal. Gamaliel pate lawe seilon hong kakaian.

Aposel 6:9

Tuahe hina seilon laha kak wawatakai Stiven. Teka Ju ti Sairini ma Aleksandria lato seilon ti tehu *synagog axan Oxoxai ma teka Ju ti Sailisia ma Asia, laha kak he hapatapat kapi Stiven.

Aposel 9:1

Lokon ien Sol pate pahan tutuen wanen teleiai teka *kahikahi Jises. I nahih hani kapi tel masiwi tapein ti hukuminiai Haeu ma seilon.

Aposel 9:11

Tel Masiwi kakane i ukek, “Nahih haniwa leili tehu ingi Judas he tewau aweisal axan Sawisawin ape kamea upiawa tel seilon akiki Tarsus, axan Sol. Aope ie i lolotu ien.

Aposel 9:30

Ti teka kahikahi Jises tioiwa, lato hakahita Sol hani Sisaria ape lato hakau i hani tehu taon Tarsus, tesol puki tonan.

Rom Teik pasi Pol hani teka kahikahi Jises Krais ti Rom 11:1

Teka ti amuto uke ape laha namiloi ka Haeu tale tehiton hani teka seilon tetan. Tap wanen. Paxaiwa, puki nga se tel Ju, kahi nati *Abraham. Nga nakua ahuma ti Benjamin.

2 Korin 11:22

Laha ukek laha se *Ju, kewak? Nga se tin. Laha kaxi laha ti *Israel. Nga tin. Na laha ukek laha kahi nati Abraham, nga tin kahi natun.

Galasia 1:14

Lokon ien nga xoini kilan teka lokok ti usiai saun ti lotu ti teka Ju ma tutuhak xoxoan ti usiai hatesol saun ti teka matahaun.

Galasia 1:21

Imuh nga lua hani huoxux xux Siria ma Sailisia.