Aposel 21:13 - Seimat

¹³ Tuahe Pol ukek, “Kalahai amuto tangixi nga ma tohongi sohiai namilok? Nga hean wanen kumahe mewenae na nga kalabus leili Jerusalem tuahe hetekie na nga mat ti ailei puase Jises tel Masiwi.”

Aposel 21:13 Iomraidhean Croise

Aposel 20:24

Nga soh ka totonak tuah mewenae na nga aile hatapo puasain tenen Jises haniwen nga. I pahan nga kaxi sawateniwa sale lalape soliaian ma wawahen ti Haeu ti i hani kaha Jises, tel awaiakaha ti kawatan ti lialui woukaha.

Aposel 20:37

Lato akeni aumi Pol ape lato hatesol tang nake ape i salili lato.

Aposel 5:41

Ti tesol aposel nahih saliliwa teka masiwi ti teka Ju, pate lato amuke ti Haeu hani lato kau kawatan nake lato kahikahi Jises.

Aposel 9:16

Ape nga hanau i ka liai i tunahi kawatan ma moloan nake i tel unauak.”

1 Korin 15:31

Tesol akikik ti Krais, uke tuahe na telao seilon telei nga ti tenen puasain nga ailele. Ien se pate salan masin salan wanen ka nga amuke amuto nake amuto pakata xox kapi Krais tel Masiwi ti kako.

Pilipai 2:17

Ape nga amuam akati amuto, kalak na nga mat ti kaui kawatan nake ti kaxiai *meng solian ti Jises masin ti amuto kau kawatan nake ti hong sohoi tenen meng ien. Nga amuam nake kawatan ti nga kakau se hualiamuto.

Pilipai 2:26

Pahan wanen i alia hani tesol puki tonan ti paxaiamuto. Tian kawat hawane nake amuto hongoen ka i tinun.

Kolosi 1:24

Nga amuam ti nga kakau moloan ti hualiamuto. Ape nga kau tatale tesol kawatan ien masin ti Krais kauen kawatan lehe i huali teka seilon tetan, teteka ti Krais neneini masin ti pati seilon kapiti tupuan.

2 Timoti 1:4

Nga nameni tangiam ti nga ku salili o ape pahak wanen nga paxai uleamu o lehe nga amuam hawane.

2 Timoti 4:6

Nga tel unaui Haeu ti lehe laha telei nake nga ailele pupuasan. Mateak ape i xohi hawanewen.

2 Pita 1:14

Nga tioi ka tai kue ape nga mat nake Jises Krais tel Masiwi ti kako haxewa haniwen nga.

Hahatakei Haeu 12:11

Lato waxaini Satan nake *Jises Krais mat ukei kawatan ti lialui woulato. Tin lato waxaini i ti lato kaxi ahuhuti kakai Haeu. Ape lato kum nomuhini matealato ti kolai xoxoi namilolato ti Jises Krais.

Hahatakei Haeu 3:10

“Masin ti nga honewen amuto, saka amuto tu xox tatale tetak kalak kumahe malimun ti usian. Aile ape nga awai amuto ti tehu kawatan i luluainima ti lehe Haeu tohongi paxai woi lawe seilon.