Aposel 2:47 - Seimat

⁴⁷ Lato kak ma pak sameni Haeu ape lato amuke saun solian seilon liai aile hani lato. Lawe ngain Haeu hasoho palahi seilon hani kapi teka kahikahi Jises, teteka i awai laha ti kawatan ti lialui woulaha.

Aposel 2:47 Iomraidhean Croise

Luk Meng solian ti Jises tataiai Luk 19:48

Tuahe laha kum pon nake kilan seilon kapi Jises laha hong mamataini kakaian.

Luk Meng solian ti Jises tataiai Luk 2:52

Jises lap hetekiele anesoin ti sale Haeu. Amukean ti Haeu ma ti seilon hani i to lap ahe tatalele.

Aposel 11:21

Pohe Haeu huali lato ape kilan seilon hong soh meng solian ti Jises. Laha towiahu ti saun lialun ape usi Jises Krais tel Masiwi.

Aposel 11:24

Banabas hina namil xoxoan ti Jises. I tel seilon solian nake Holi Spirit kakapiti i. Kilan seilon soh ti Jises ti laha hongoa kakai Banabas.

Aposel 13:48

Ti teka kumahe Ju hongoa, pate laha amuam ape laha sameni kakai Haeu. Teteka ti Haeu kilamiwen laha ukei tonain kapin ti tap tahi tapoan, laha hong soh meng solian ti Jises.

Aposel 14:1

Ti Ikonium Pol ma Banabas nahih hani tehu *synagog. Lalu kakak hetekie pohe Haeu, aile ape kilan teka *Ju ma *teka kumahe Ju laha hong soh *meng solian ti Jises.

Aposel 14:21

Ti Derbe, Pol ma Banabas kaxi meng solian ti Jises ape kilan seilon laha sohot kahikahi Jises. Muhin ien lalu alia hani Listra, Ikonium ma Antiok.

Aposel 16:5

Aile ape teka kahikahi Jises namilolato i xox ahe tetan ape lawe ngain kilan seilon laha soh papalahiwa teka kahikahin.

Aposel 17:12

Aile ape kilan teka Ju, teka hehin Grik axalaha lalap ma teka Grik wawan, laha soh ti Jises.

Aposel 2:39

Haeu kakawen ka i hani amuto, natumuto ma tin hani teka seilon ti xux liai, hatesol teteka ti i kilamiwen.”

Aposel 2:41

Teteka seilon lato hong soh kakai Pita, teka kahikahi Jises baptaisi lato. Telao ien 3,000 seilon soh palahi teka kahikahi Jises.

Aposel 4:21

Teka masiwi kum tunah huan ti kalabusiai Pita ma Jon. Laha tua kak hahamatau lalu ape hanahi nake lawe seilon laha sameni Haeu ti waliko i sosohot telao ien.

Aposel 4:33

Hetekie lalape poh, tesol *aposel kaxi tatale xahatai tel Masiwi Jises ape Haeu to hasolia hahani lato.

Aposel 4:4

Tuahe kilan teka laha hong meng ien, laha soh. Mongohe *kahikahi Jises han hani sai 5,000.

Aposel 6:1

Ti ape mongohe teka *kahikahi Jises kikilale, teka *Ju kakaialaha *Grik laha wiliki teka Ju kakaialaha Arameik ma Hibru nake laha kum sei hapono waliko hani teka hehin kakaialato Grik axoalato matewen.

Aposel 6:7

Ape *meng solian ti Jises i sawat tatale. Mongohe kahikahi Jises leili Jerusalem kila kosea hawane. Lokon ien kilan teka *masiwi ti hukuminiai Haeu ma seilon laha sohot kahikahi Jises.

Aposel 9:31

Tataen ien teka kahikahi Jises ti Judia, Galili ma *Samaria lato tunahi tonain solian nake tap seilon aile hahalialu lato. Haeu hakui lato ape Holi Spirit aile hasolia hawane lato. Teka kahikahi Jises laha kila ti laha aile usi lawe waliko ti Jises hanauen laha.

Aposel 9:35

Lawe seilon ti laha toto Lida ma Saron paxaiwa waliko ti i sohot hani Enias, laha towiahu ti lialui woulaha ape usi Haeu tel Masiwi.

Rom Teik pasi Pol hani teka kahikahi Jises Krais ti Rom 14:18

Na kako aile pupuase Krais usi tesol waliko ien, Haeu paxai amuke kako ape seilon tin laha paxai waheni kako.

Rom Teik pasi Pol hani teka kahikahi Jises Krais ti Rom 8:30

Ti Haeu kilamiwa kako, i ilowi kako ti usian ma i aile wasolakako kapin i sawi. Ape kako uke tuai i waliko solian tetan ti i kakawen.

Rom Teik pasi Pol hani teka kahikahi Jises Krais ti Rom 9:27

*Aisaia, tel kuluiai kakai Haeu kak eliel sale teka Israel ukek, “Kalak teka seilon ti Israel kilaialaha mongohuan puli hepekeun ti peixux, pate palai teteka Haeu awai.

1 Korin 1:18

Nga tioi ka teteka laha tale hawanewen tehitolaha hani Haeu ape laha kane *tesol kaui kawatan ti tap tahi tapoan, laha ukek ka matei Jises Krais he kros tap wanen pupuasan. Tuahe teteka kako soh ti tenen meng ien ape kako kane tesol kapi Haeu lian tehue, kako ukek ka ien se aweisal ti Haeu kola kuiai pohen ti awaiakaha.