Aposel 15:1 - Seimat

¹ Tesol seilon ti Judia lato lua hani Antiok ape lato hutui hanaui teka *kahikahi Jises ukek, “Amuto ailewa *teik kikilam ti kotiai uli walikoumuto usiwa *nauna ti Moses. Na amuto kum aile ukek ien, Haeu kum awai amuto ti kawatan ti saun lialun ti amuto.”

Aposel 15:1 Iomraidhean Croise

Jon Meng solian ti Jises tataiai Jon 7:22

Tuahe puki amuto pupuas telao ngain Sabat ti amuto aile *teik kikilam ti kotiai uli walikoi natumuto wawan usiai *nauna ti Moses. Tenen saun ien hoi imat ti Moses, lokon ti *Abraham tel matahaun ti kako.

Aposel 1:15

Ngain telao, sai 120 kahikahi Jises laha apuha ape Pita tua i ukek,

Aposel 15:22

Tesol aposel, teka masiwi ti kahikahi Jises ti Jerusalem hetekie teka kahikahi Jises liai lato namiloi na hakau hina seilon hani Antiok akati Pol ma Banabas. Lato kilami Judas Basabas ma Sailas, huhua seilon ti teka kahikahi Jises sasameni.

Aposel 15:23

Lato hakau tuaiwa lalu teik kakain i ukek, “Amuam ti amite tesol aposel ma teka masiwi ti teka kahikahi Jises ti Jerusalem, tesol akikimuto ahuma ti Jises haniwa amuto teka kumahe Ju leili Antiok, Siria ma Sailisia.

Aposel 15:24

“Amite hongoen ka hina seilon ti leilomite lua haniwen kapimuto ape laha aile hahataxina ma hanamiloa hakila amuto. Tesol seilon ien kumahe amite taloa.

Aposel 15:3

Ti lato lua hahaniwa xux ti Penisia ma *Samaria kane Jerusalem, lato kaxi hahani teka kahikahi Jises aweisal ti *teka kumahe Ju laha sohot kahikahi Jises. Tenen meng ien aile hamuamua hawane teka kahikahi Jises ien.

Aposel 15:32

Judas ma Sailas, huhua ti kaxi ahutiai meng solian ti Jises, tin lalu kak hakui xoxoi namilolaha ti Jises.

Aposel 15:5

Muhin ien teka kahikahi Jises lato tepaun ti teka *Parisi lato tua ape lato ukek, “Teka kumahe Ju laha usi hatapoa hatesol nauna ti Moses. Laha ailewa teik kikilam ti kolakol ka laha seilon ti Haeu.”

Aposel 21:20

Ti i kak kewa lato hatesol kak sameni Haeu. Tuahe lato ukek, “Tel akikimite ahuma ti Jises, kilan kilan wanen teka Ju laha sohot kahikahi Jises. O tioi ka laha hani hahatapo namilolaha usiai *nauna ti Moses.

Aposel 6:14

Amite hong i ukek ka tetel Jises ti Nasaret i hamanana tehu Ingi Haeu ma i sohi saun ti Moses hakouta hanima kako.”

Galasia 2:1

Ahang huopanim hinalo tamusua nga lua alia hani Jerusalem. Nga ilowi hetekie Banabas ma Taitus kahitiak.

Galasia 5:6

Haeu kum namiloi ukek ka seilon sawisawin na laha usi tetenen saun ti kikilam ti kotiai uli walikoulaha ma na kumahe. Waliko lalap ti Haeu na seilon soh hawane ti Krais ma kola xoxoi namilolaha ien ti saun ti wawahen.

Galasia 6:12

Teteka pahalaha teka *Ju liai paxai amukewa laha, laha lungei amuto ti ailei saun ti kikilam ti kotiai uli walikoumuto. Laha aile ukek ien nake pahalaha saliniai kawatan ti teka Ju liai axi teteka laha hahanau seilon ka *Jises Krais mat he *kros ti awaiakaha ti kawatan ti lialui woukaha.

Kolosi 2:16

Aile ape amuto kum nam wawaxi teka laha howini amuto nake amuto kum usi saun tenen i halini aniai hina an ma unum. Tin amuto kum nanamiloi na laha kak wawatakai amuto nake amuto kum amuke akati laha ngain lalap ti laha, masin ti lawe suhui pangapang ma na usiai saun ti tehu ngain *Sabat hanowi ti laha usiusi.

Kolosi 2:8

Amuto lepetawa uke seilon hakalala amuto hani usiai kakain ti tenen kumahe salan sawisawin ti sale Haeu. Laha aile ti puki anesoi seilon, laha tua kak tanomi, tap salangawan. Laha hanau seilon usiai nauna tenen ti seilon tua aile tanomi, kumahe laha kema ti Krais.