Aposel 14:1 - Seimat

¹ Ti Ikonium Pol ma Banabas nahih hani tehu *synagog. Lalu kakak hetekie pohe Haeu, aile ape kilan teka *Ju ma *teka kumahe Ju laha hong soh *meng solian ti Jises.

Aposel 14:1 Iomraidhean Croise

Mak Meng solian ti Jises tataiai Mak 7:26

Tel hehin ien i kumahe Ju, i hehin Grik, i takah Penisia taon ti Siria. Pahan wanen Jises xaxaweniwa spirit lialun ti leili tel natun.

Jon Meng solian ti Jises tataiai Jon 12:20

Tesol ti teka *Grik tin lato nahih lotu hani Jerusalem ti tehu apuhain lalap ti Pasova.

Jon Meng solian ti Jises tataiai Jon 7:35

Teka masiwi ti teka Ju he kakak alia laha, “Kaie i nahih kelak lehe kako kum pon tunahian? Nakon i nanamiloi na i nahih salili xuxukako hani kapi teka akikikako Ju kakaialaha *Grik? Sohin uke pahan i hanau teka Grik.

Aposel 11:21

Pohe Haeu huali lato ape kilan seilon hong soh meng solian ti Jises. Laha towiahu ti saun lialun ape usi Jises Krais tel Masiwi.

Aposel 13:43

Muhin ti laha heisawa lotu, kilan teka laha soh kakai Pol, teka Ju ma teka kumahe Ju, laha kahiti Pol ma Banabas. Lalu kakak kapi laha ape hakui laha ti tu xox tatale ti xoxoi namilolaha hani Jises nake ti *lalape soliai Haeu i hani laha tel Natun.

Aposel 13:46

Tuahe Pol ma Banabas kak matut, lalu ukek, “Haeu taloma amili kaxiai meng solian ti Jises hanimu amuto teka Ju, tuahe amuto kum hong soh. Ien i kola ka amuto kumahe solian ti i tapai amuto uke *tonain kapi Haeu ti tap tahi tapoan. Aile ape aope ie amili kaxi meng solian ti Jises hani teka kumahe Ju.

Aposel 13:5

Ti lalu tahia haniwa tehu taon Salamis, lalu kaxi ahuti kakai Haeu leili *synagog. Jon Mak tin kapi lalu, i huali lalu ailei puasain.

Aposel 13:51

Aile ape Pol ma Banabas tapahi hepekeun ti he anele aelalu, i kola ka Haeu kum amuke teka seilon ien. Ape lalu lua hani tehu taon Ikonium.

Aposel 14:19

Muhin ien tesol ti teka Ju ti Antiok ma Ikonium lato tahiama ape itini namili teka seilon ti Listra hani tepaun ti lato. Laha hokai Pol pot ape itini leleteni i hani melal ti taon. Laha sokok i matewen.

Aposel 14:2

Tuahe teteka Ju laha kum hong soh, laha hahika teka kumahe Ju ti watakaiai Pol ma Banabas.

Aposel 14:21

Ti Derbe, Pol ma Banabas kaxi meng solian ti Jises ape kilan seilon laha sohot kahikahi Jises. Muhin ien lalu alia hani Listra, Ikonium ma Antiok.

Aposel 16:1

Pol ma Sailas lua hani tehu taon Derbe ape imuh hani tehu taon Listra. Ti ien tel kahikahi *Jises axan Timoti. Tel tinan i tin tel *kahikahi Jises, i akiki teka *Ju. Tuahe tel taman i akiki teka *Grik.

Aposel 16:2

Teka kahikahi Jises ti Listra ma Ikonium kak sasameni Timoti.

Aposel 17:12

Aile ape kilan teka Ju, teka hehin Grik axalaha lalap ma teka Grik wawan, laha soh ti Jises.

Aposel 17:17

Aile ape leili synagog i to kakaxi meng solian ti Jises hani teka Ju ma teka Grik laha lolotui Haeu. Lawe ngain i nahih hani tesol tone apuhai teka seilon ape tin i kaxi meng solian ti Jises hani teka na laha ien.

Aposel 17:4

Teka ti tesol Ju lato soh kakai Pol ape lato sohot *kahikahi Jises. Ape kilan teka *Grik laha lolotui Haeu ma teka hehin axalaha lalap tin laha sohot kahikahi Jises.

Aposel 18:4

Lawe *Sabat Pol nahih hani leili *synagog. I tohongi itiniai namili teka Ju ma teka *Grik lehe laha soh ti *Jises.

Aposel 18:8

Krispus, tel ti teka masiwi ti tehu synagog, i sohot *kahikahi Jises hetekie hatesol seilon ti lohe ingan. Kilan seilon ti Korin tin laha hong soh meng solian ti Jises ape laha uke baptais.

Aposel 19:10

Ti leili ahang huohu i kaxi ahuti meng solian ti Jises hani teka Ju ma *teka kumahe Ju laha toto leili texux xux Asia. Ape kilan ti laha hong soh kakaian.

Aposel 19:17

Hatesol teka Ju ma teka kumahe Ju laha toto Epesus, laha mamata hawane ti laha hongoa waliko ti i sosohot ape laha sameni hawane axe Jises tel Masiwi.

Aposel 19:8

Ti leili pangapang toluhu, Pol lawe i nahih hani *synagog. I kak matuke ahutiai *meng solian ti Jises ape i tohongi itiniai namili teka *Ju ti sale nenein ti Haeu.

Aposel 2:47

Lato kak ma pak sameni Haeu ape lato amuke saun solian seilon liai aile hani lato. Lawe ngain Haeu hasoho palahi seilon hani kapi teka kahikahi Jises, teteka i awai laha ti kawatan ti lialui woulaha.

Aposel 20:21

Nga hahanau teka Ju ma *teka kumahe Ju tenenawe ti nga kakane laha ka laha towiahua ti lialui woulaha ape usiwa Haeu ma sohoa ti Jises tel Masiwi.

Aposel 21:28

Ape laha tilol, “Seilon ti *Israel! Hualima amite xotian! Tel seilon ie i tel ti lawe i nahih tapai tesol tesol hahanau seilon watakaiai seilon ti Israel ma nauna ti Moses hetekie tehu Ingi Haeu ie. Ape tin i hakahita teka seilon kumahe Ju hani Ingi Haeu ape aile haloloa.”

Aposel 9:20

Taen ien i soh hani synagog tehu tehu kakaxi ka Jises i tel Nati Haeu.

Rom Teik pasi Pol hani teka kahikahi Jises Krais ti Rom 1:16

I kum hahiena nga kaxiai meng solian ti Jises Krais nake taen seilon hong soh, ti kui pohe Haeu i awai laha hatesol ti kawatan ti lialui woulaha. I awaimu teka *Ju nake laha hongoi imat ape imuh teka kumahe Ju.

Rom Teik pasi Pol hani teka kahikahi Jises Krais ti Rom 10:12

Tenen ien i puas leili teka Ju ma *teka kumahe Ju. Laha hatesol, Masiwi ti laha telawe Jises Krais, tetel i aile hasolia hawane hani hatesol teka na laha kamei i huhual.

Galasia 2:3

Saka lato hong waheni kakaiak. Kalak Taitus, tetel kapik i tel *Grik, lato tai hone lungei i ailei *teik kikilam ti kotiai uli walikoun usiai saun ti teka *Ju.

Galasia 3:28

Nake ti xoxoi namilokako ti Krais, kako pakata hawane hahitake Krais, kako masin ka seilon telawe. Aile ape tap tel i pamu tuah ti liai tel, Ju ma na kumahe Ju, wawan ma na hehin, unaui seilon ma na kumahe.

Kolosi 3:11

Aile ape teka laha sohot kahikahi Krais, tap tel i pamu tuah ti liai tel. Tel *Ju i aile usi saun ti kikilam ti kotiai uli walikoun i kumahe pamu tuah ti tel kumahe Ju, tetel i kum usi saun tenen ien. Tel unaui seilon i kumahe pamu naun ti tel i kumahe unaui seilon ape tel seilon kaliap i tin kumahe pamu naun ti tel seilon pono. Na amuto kahikahi Krais, tap liai tenen na amuto akiki xux liai ma na kumahe. Waliko tenen pamu tuah se Krais ape i pupuas leili hatesol seilon tetan.

2 Timoti 3:11

O tioi ka seilon axi nga kawatan nake ti tenen puasain ien ma tin nga kau hehetekie kawatan liai. O nanameni lawe waliko ti i sohot haniwen nga ti Antiok, Ikonium ma Listra. Laha aile halialu hawane nga tuahe nga tu xoxox tutuen ti ailei puasak ape Haeu tel Masiwi awai tatale nga ti hatesol waliko ien.