Aposel 13:36 - Seimat

³⁶ David kumahe i kakak alia i nake ti i aile hatapoa puase Haeu lokon ti i masiwi ti teka Israel, i mat ape laha tihini i kapi teka taman ti matahaun ape tupuan i koha.

Aposel 13:36 Iomraidhean Croise

Matiu 25:16

Tel unauan i waxi tom tepanim, i hapuasa hulutini tesol moni ien ape kiliwan wanen i hasohotu tom tepanim liai.

Jon Meng solian ti Jises tataiai Jon 11:39

I hone lato, “Hulini xaxaweniwa tehu pot.” Tuahe Mata ukek, “Tel Masiwi, poun ape kohan. I leili amal kewen ngain hinalo.”

Aposel 13:22

Muhin ti Haeu xaxaweniwa i masiwi ti lato, i kilami *David. Haeu kakak sale David ukek, ‘Nga amuke hawane David, tel nati *Jesi. I aile hatapo waliko tenen pahak.’ (Sam 13:14)

Aposel 2:29

Pita kak tatale ukek, “Amuto tesol akikik, nga kaxi hawane hani amuto ka tel masiwi David, tetel matahaun ti kako, i matewen ape laha tihiniwen. Aope ie, amalun tutuen kapi kako.

Aposel 20:27

Nga tai pupuluhini lawe waliko ti Haeu pahan amuto tioiwa ma ailewa.

Aposel 7:60

I aleal put hani itan ma tang ausini hani Haeu, “Oxoxiwa lato ti kawatan ti saun lialun ti lato ailele!” Ti i kak kewa ape i mat.

Aposel 8:1

Sol paxai waheni ti laha telei Stiven. Ti ngain tehu ien teka seilon hutui axiai kawatan tenen lialun wanen hani teka *kahikahi Jises leili Jerusalem. Aile ape hatesol kahikahi Jises ox hani tesol tesol ti Judia ma *Samaria tuahe tesol *aposel lato hamalum Jerusalem.

1 Korin 15:18

Na masin ien, hatesol kahikahi Krais laha matewen, laha toto tetesol ti kaui kawatan ti tap tahi tapoan.

1 Korin 15:6

Muhin ien lape tehue i take hani teka kahikahin liai kilaialato sai 500 hani patul. Teka ti lato laha tapoen tuahe pamu kilaian teka moihin tutuen.

1 Tesalonika 4:13

Tesol akikimite ti Krais, pahamite amuto xeu aluawa sale teka seilon laha tapoen lehe amuto kum to tatale leili tatahan hanowi teka laha kum soh ka seilon moih alia.