Aposel 11:27 - Seimat

²⁷ Ti lokon ien *teka kuluiai kakai Haeu ti Jerusalem lato lua hani Antiok.

Aposel 11:27 Iomraidhean Croise

Matiu 23:34

Nga kakane amuto, nga talo hani amuto teka kuluiai kakai Haeu, teka seilon aneso ma teka hanaui saun ti Haeu. Amuto telei teka, amuto tahi hakea teka he *kros, teka amuto heti leili synagog ape teka amuto usi haoxa hani toan tewau tewau.

Luk Meng solian ti Jises tataiai Luk 11:49

Nake ti tenen ien, ti anesoi Haeu hoi i kakawen ukek, ‘Nga talo teka kuluiai kakaiak ma teka *aposel hani teka *Israel. Laha telei teka ma aile halialu teka.’

Aposel 11:20

Tuahe teka ti lato ti Saiprus ma Sairini lua hani Antiok ape tin lato kakaxi meng solian ti Jises hani teka kumahe Ju.

Aposel 11:22

Tesol kahikahi Jises ti Jerusalem hong tunahiwa ape lato talo Banabas hani Antiok.

Aposel 13:1

Leili teka kahikahi *Jises ti Antiok, Banabas, Simeon tel laha axai i Polun, Lusius ti Sairini, Sol ma Manaen, tel i lap tuaima *Herod Antipas. Tesol seilon ien lato teka kaxi ahutiai *meng solian ti Jises ma hanaui seilon sale usian.

Aposel 14:26

Ti ien lalu lang alia hani Antiok ti Siria, tetesol ti lalu hutui ailei puasalalu. Lokon ti imat, teka kahikahi Jises ien laha kamei Haeu hualialalu ailei puasain ti ape lalu hatapoen.

Aposel 15:22

Tesol aposel, teka masiwi ti kahikahi Jises ti Jerusalem hetekie teka kahikahi Jises liai lato namiloi na hakau hina seilon hani Antiok akati Pol ma Banabas. Lato kilami Judas Basabas ma Sailas, huhua seilon ti teka kahikahi Jises sasameni.

Aposel 15:30

Ape lato lua hani Antiok. Lato apuhini teka kahikahi Jises ape hani laha teik kakain ien.

Aposel 15:32

Judas ma Sailas, huhua ti kaxi ahutiai meng solian ti Jises, tin lalu kak hakui xoxoi namilolaha ti Jises.

Aposel 18:22

I hasunga hani tehu taon Sisaria. Ti ien i lua hani Jerusalem paxaiai teka kahikahi Jises. Ape imuh i lua hani tehu taon Antiok.

Aposel 2:17

“Haeu ukek, ‘Leili taun imat ti tehu pon ie tapo, nga axi Holi Spirit hani seilon tenen tenen. Natumuto wawan ma hehin laha kak kului kakaiak, teka natumuto uluha ma teka wawan salaimat nga hapaxangongo.

Aposel 21:4

Ti ien amite paxai ngah teka kahikahi *Jises ape amite to kapi lato puasain tehu. *Holi Spirit kak hatakei hani lato waliko ti na i sohot hani Pol ape lato hahongo i ka i kum lua hahani Jerusalem.

Aposel 21:9

Natun hehin hinalo lato tai sal, lato teka ti kuluiai kakai Haeu.

Aposel 6:5

Hatesol kahikahi Jises lato amuke teik namili tesol aposel ape lato kilami Stiven, tel seilon namilon xoxoan ti Haeu ma Holi Spirit kakapiti i. Tin lato kilami Pilip, Prokorus, Nikanor, Timon, Parmenas ma Nikolas ti Antiok, tetel i sohot tel ti usiai lotu ti teka Ju ape tin i sohot tel kahikahi Jises.

1 Korin 12:10

Teka, Holi Spirit hani kako poh ti ailei kolakol tenen lalap. Teka, i hanamiloa kako kuluiai kakai Haeu. Teka, i hani kako anesoin ti paxai kolongeniai puasain ti seilon ailele na i ahuma ti Haeu ma na kumahe. Teka, Holi Spirit hanamiloa kako ape kako kakak kakai xux liai ti kako tai hanau ape teka i axi kako anesoin ti haxewai kakain ien.

1 Korin 12:28

Leili teka kahikahi Krais, Haeu kilamiwen puasakako tel tel. Imat teka *aposel, ape *teka kuluiai kakai Haeu, teka hanaui seilon, teka ailei kolakol lalap hahitake axan, teka haewiai seilon, teka hualiai seilon, teka masiwi ti nahikei ingi lotu ape teka laha kakak kakain liai tenen ti laha tai hanau.

1 Korin 14:32

*Teka kuluiai kakai Haeu laha konginiwa kakaialaha atengiwa taun ti laha kak.

Galasia 2:11

Ti Pita lua hanima Antiok, nga tumei i ti puli teka seilon nake waliko ti i ailele kumahe wanen sawisawin.

Epesus 4:11

Krais tetel i hani anesoin ti puasain tenen tenen. Teka laha sohot *aposel, teka laha kuluiai kakai Haeu, teka liai laha kaxiai *meng solian ti Jises Krais ape teka laha sohot seilon ti ngahatiai teka kahikahi Krais ma hanaualaha.