Aposel 11:16 - Seimat

¹⁶ Tataen ien wanen nga nameni kakai tel Masiwi Jises, i ukek, ‘Jon baptaisi seilon ti kan, tuahe Haeu hani amuto Holi Spirit ti kapitiamuto.’

Aposel 11:16 Iomraidhean Croise

Matiu 3:11

“Nga baptaisi teka seilon ani kan ti kolaian ka laha lioiwen saun lialun tuahe *Jises Krais, tel i sohotuma muhik, i hani laha *Holi Spirit ti kapitialaha. Jises pamu masiwian tetak, masiwiaian ala i kum pon nga unauan.

Matiu 3:6

Laha kaxi ahuti lialui woulaha ape i baptaisi laha leili tehu kan Jodan.

Mak Meng solian ti Jises tataiai Mak 1:8

Nga baptaisi amuto ani kan tuahe taen i baptaisi amuto, i hani amuto *Holi Spirit ti kapitiamuto.”

Luk Meng solian ti Jises tataiai Luk 24:8

Ti tesol hehin hongoa, lato nameni aliake kakai Jises.

Luk Meng solian ti Jises tataiai Luk 3:16

Ape Jon kakane laha, “Nga baptaisi amuto ani kan tuahe tel i luluainima muhik, taen i baptaisi amuto i hani amuto *Holi Spirit ti kapitiamuto. I pamu masiwian tetak. Masiwiaian ala i kum pon nga unauan.

Jon Meng solian ti Jises tataiai Jon 1:26

Jon pahoi ukek, “Haeu sowini hani nga baptaisiai seilon ani kan tuahe ti wasolamuto tel seilon tuah amuto kum paxai tioi.

Jon Meng solian ti Jises tataiai Jon 1:33

Ape nga tioi i tetel nake Haeu, tel i taloma nga baptaisiai seilon ani kan, i kaxi hani nga ukek, ‘Tetel o ningahi Holi Spirit mos hanilih kapin i se tetel i hani seilon Holi Spirit ti kapitialaha.’

Jon Meng solian ti Jises tataiai Jon 14:26

Tuahe Holi Spirit tel hakuiamuto, tetel tel Tamak taloma ti hahitake axak, i hanau amuto lawe waliko ma i hanamena amuto hatesol waliko ti nga kaxi haniwen amuto.

Jon Meng solian ti Jises tataiai Jon 16:4

Tesol waliko ien nga kaxi hahani amuto aope ie lehe ti na i sohot, amuto nameni kakaiak. Nga tai kaxi hani amuto ti imat nake nga kapimuto ma tap tel aile halialu amuto.

Aposel 1:5

Jon baptaisi seilon ani kan tuahe pate ape sikole Haeu hani amuto Holi Spirit ti kapitiamuto.”

Aposel 20:35

Ti lawe waliko nga aile, nga kola hani amuto ka mewenae na kaha puas eliel kaha pon hualiai teka tap kuilaha. Nameniwa kakai Jises ti i ukek, ‘Pamu amuam lalap na amuto hani, i xoini ti na amuto uke.’ ”

1 Korin 12:13

*Baptais ti kako uke, Holi Spirit telawe hukumini hetekiewen kako hahitake axe Krais, kalak kako *Ju ma na kumahe Ju, kako unaui seilon ma tin kumahe unaui seilon. Ape Holi Spirit telawe pupuas leilokako hatesol ti hakuiakako masin kan ti seilon un lehe i moih kapita.

2 Pita 3:1

Teka soliai akikik ti *Krais, teik pasuk ie usiai teik nga tai hanimu amuto imat. Hahuaik hanamenaiamuto waliko ti teka kahikahi Krais hahanau lehe waxi i kungati namilomuto ti usiai namil sawisawin.