Aposel 10:38 - Seimat

³⁸ Amuto tioi Haeu hani Jises Holi Spirit ma poh. I nahih hani tesol tesol ailei puasain solian ma haewiai teka seilon *spirit lialun kapiti hahalialu nake Haeu kapin.

Aposel 10:38 Iomraidhean Croise

Matiu 12:15

Ti Jises hongoa ka lato hina namil ti teleian, i nahih salili tesol ien. Kilan wanen seilon nahih kakahiti i.

Matiu 12:28

Spirit ti Haeu axi nga poh ti usi xaxaweniai spirit lialun. I kola ka Haeu tel neiniamuto ape i tahiawen.

Matiu 9:19

Jises tu nahih kahiti i ape tesol kahikahin tin nahih usiwa i.

Matiu 9:35

Jises nahih kakalini taon ma toan tewau tewau. I hanau teka seilon leili *synagog. I kaxi meng solian ti Haeu neini seilon ma i aile haewia seilon ti hina nax tenen tenen.

Mak Meng solian ti Jises tataiai Mak 6:6

Pate i ongaini hawane ka lato tap namil xoxoan hani i. Ape Jises nahih hani toan tewau tewau hanaui teka seilon.

Luk Meng solian ti Jises tataiai Luk 3:22

Lokon ien Holi Spirit mos hani kapin hanowi tok pux. Ape tenen kinax wixima ti *tone Haeu i ukek, “O se Natuk pate nga waheni, nga amuke hawane o.”

Luk Meng solian ti Jises tataiai Luk 4:18

“Spirit ti Haeu tel Masiwi i kapik nake i kilamiwen nga kaxi ahutiai *meng solian ti Haeu hani teka laha tae ti usiai aweisali Haeu. I taloma nga hetekie kakain ka nga ahutiai teka kalabus ma oxoxiai seilon ti kawatan ti lialui woulaha. Nga haewia teka pulaxa ma haxewa seilon ti sale aweisali Haeu. Nga awai seilon ti teka liai aile halialu laha.

Luk Meng solian ti Jises tataiai Luk 9:42

Ti tel akaik nahih xohi haniwa kapi Jises, spirit lialun aile haputa hahaxexe i. Tuahe Jises usi xaxaweni spirit lialun ien ape i haewia tel akaik. Muhin ien i aliake tel akaik hani tel taman.

Luk Meng solian ti Jises tataiai Luk 9:56

Ape Jises ma tesol kahikahin nahih hani tewau toan liai.

Jon Meng solian ti Jises tataiai Jon 10:32

Tuahe Jises ukek, “Tel Tamak Haeu hapohea nga ailei kilan waliko solian ti hualiai seilon. Tenen ia ti tesol waliko ien i talesi amuto lehe pahamuto telei nga?”

Jon Meng solian ti Jises tataiai Jon 16:32

Tuahe tehu taun i luluainima, a se hoi liai i tahiawen, ti amuto ox salili nga hani tonamuto. Tuahe nga kumahe lioan nake tel Tamak se kapik.

Jon Meng solian ti Jises tataiai Jon 3:2

Ipong tehu i nahih hani kapi Jises ape i ukek, “Tel masiwi, amite tioi ka Haeu taloma o hanaui seilon. Tap tel seilon pon ailei kolakol lalap ti lawe o ailele, mewenae na i hina pohe Haeu.”

Jon Meng solian ti Jises tataiai Jon 3:34

Tetel Haeu taloma, i kakaxi kakai Haeu nake Haeu hani hatapo hawane i Spirit tetan.

Jon Meng solian ti Jises tataiai Jon 6:27

Amuto kum puas eliliel upiai an tetenen aneso i tapo. Puas upia elieliwa an tetenen i kum tapo. Haelieliwa ukei *tonain kapi Haeu ti tap tahi tapoan ti nga *tel Nati Seilon pon haniamuto. Tel Tamak Haeu hani nga ailei teik puasain ien.”

Aposel 10:37

Amuto tioi waliko ti i sohot kakalini Judia, hutui Galili ti Jon Baptis hone teka seilon lioi xaxaweniai saun lialun lehe i baptaisi laha.

Aposel 2:22

“Hongoa amuto tesol *Israel! Jises tetel ti Nasaret i aile waliko lalap tenen tenen ti pohe Haeu. I kola ka Haeu taloma i. Puki amuto tioiwen ma ningahiwen nake i sohotuen wasolamuto.

Hibru 1:9

O waheni lawe waliko solian ma watakai hatesol waliko lialun. Aile ape o tunahi amuam lalap ti nga tel Haeu tetam kilami o pamu masiwian ti teka tuaum.” (Ps 45:6-7)

1 Pita 5:8

Kewa namilomuto xewan ma kanipetiwa *Satan tel pahoxaiamuto. I masin tok oha lengean na i sasaxax teleiai anan.

1 Jon 2:20

Tuahe amuto kumahe masin laha. Amuto kewen *Holi Spirit ti kapitiamuto ape amuto tioi hawanewen kakain salan ti Haeu.

1 Jon 3:8

Seilon tetel na i to aile tatale saun lialun, tel seilon ien se nati *Satan, tetel i aile saun lialun lilian ti i tahiwa Haeu. Tuahe Haeu talo Jises Krais hani tehu pon itan ie ti halialu tamusukei pupuase Satan.