Zozuwe 8:31 - SEBR SÕNGO

³¹ wala Soaala-Wẽnd tʋʋm-tʋmd a Moyiiz sẽn da wilg Israyɛl kamba la a sẽn da gʋls a noora sebrẽ. Maan-kugra mee ne kug sẽn ka pees ne lar ye. Yũ-noog maand la b kʋ yã, n paas laafi kosg maand, maand sẽn na n dɩ ne sũ-noog Wẽnd taoore.

WẼNNAAM SEBRE 2014

³¹ Yẽnda mee tẽn-kugrã wa sẽn zems Sẽn-Ka-Saab tʋmtʋmd a Moyiis sẽn dag n yeel Israyɛll nebã tɩ be a Moyiis tõodã sebr pʋgẽ wã: Yaa tẽn-kugr sẽn maan ne kug-mum kut sẽn nan ka tol n sɩɩs-b ye. La b maana maand sẽn yõogd bugum zãng tẽn-kugrã zug Sẽn-Ka-Saab yĩnga, la b maan zems-n-taar maand beenẽ.

Zozuwe 8:31 Iomraidhean Croise

2 Rĩm-dãmba 14:6

A pa kʋ b kamb ye, tɩ wala sẽn gʋls a Moyiiz noora sebr pʋgẽ, dẽ ra kisame. Naaba-Wẽnd da yeelame: Ba rãmba kõn kʋ, b kamb beegr yĩng ye, kamb me pa kʋʋd, b ba rãmb beegr yĩng ye; b kʋʋda neda a meng yel-wẽnd yĩng bala.

2 Rĩm-dãmba 22:8

Maan-kʋʋd kãsenga a Ilkiya yeela sɛb-gʋlsda a Safã: «Mam yãenda Noora sebrã wẽnd doogẽ.» La a Ilkiya kɩsa a Safã sebra t'a karem.

2 Kibayã 25:4

A yaool n pa kʋ b kamb ye tɩ gʋlsa Noora pʋgẽ, a Moyiiz sɛba pʋgẽ, sebr ning a sẽn da paam Soaala-Wẽnd nengẽ. Ad sebra sẽn da yete: «Ba rãmb ka tog n ki b kamb beegr yĩng ye, kamba me ka tog n ki b ba-rãmb beegr yĩng ye; f kũum tũuda f meng beegre.»

2 Kibayã 35:12

B ninga toore, rũmsã, la sẽn yɩɩda lolsa sẽn da tog n kʋ yũ-nood maando Soaala-Wẽnd yĩnga. Rũms kãens yaa Israyɛl sagsa toor-toor sẽn da tog n wa ne wala sẽn gʋls a Moyiiz noora sebrẽ.

Esdras 6:18

Wala a Moyiiz noora sẽn date, b pʋɩɩ maan-kʋʋdba b raare, n wilg Levitsa ned kam fãa a tʋʋmde, Naaba-Wẽnd waoogr yĩnga.

A Neemi 13:1

B waa n karma woto a Moyiiz sebra pʋgẽ tɩ b ra saag n deeg Amonitga la Moabitga neb niyns sẽn waoogd-b Israyɛl Wẽnnaama buudẽ ye.

Yikri 18:12

A Zetro, a Moyiiz rɛɛmba, kʋ yũ-noog maoongo la maand a taaba. A Aarõ la a Israyɛl nin-kẽemba waa n naaga ne a Zetro tɩ b rɩ, Soaala-Wẽnd taoore.

Yikri 24:5

A tʋma Israyɛl kom-bɩɩba tɩ b kʋ yũ-noog maand Soaala yĩnga la b kood lol-bõonese tɩ b lagem taab n dɩ Soaala taoore.

A Matiye Sõng 12:26

Sʋtãan sã n digd a sʋtãan taaga, a welga a yiibu, a naam na n yɩɩ wãn n vigli?

Yaoolem 27:2

Y sẽn na n dʋʋg Zʋrdẽ kʋɩlga raare, n dʋʋg-a n tees tẽng ning Wẽnnaam, y Soaala, sẽn kõt yãmbã, y na wʋk kug bɛda n sel, n fẽ goore.

Yaoolem 27:8

Gʋls-y noy kãensa goama kuga zutu. Rɩgl-y-b tɩ b karenga yɩ naana.»

Zozuwe 1:8

Bɩ m Noora sebr da zãag ne f ye, a goama biis pa f no-gãnnẽ. Walem-a f noorẽ, wĩndig la yʋngo, n wa tõog n tũ-a zãnga. F sã n maan boto la f tʋʋma na tũ rẽ n baas neere.