Zozuwe 7:15 - SEBR SÕNGO

¹⁵ B sẽn na n mik bũmb ning rɩkr sẽn kisa ned ning teedẽ, b yõogda a soab bugmẽ, yẽnda ne a sẽn so fãa, t'a sãama Soaala-Wẽnd zoodo, n maan wɩɩbdo, Israyɛl tẽmpeelmẽ.»

WẼNNAAM SEBRE 2014

¹⁵ La b sẽn na n yãk ned ning n wilg tɩ yaa yẽnda n wa ne kãab-wẽngã, b na n yõog-a-la bugum, yẽnda ne bũmb nins fãa a sẽn so wã. Bala, a kɩɩsa kaool ning Sẽn-Ka-Saab sẽn kãabã, n maan sẽn kisi, n wa ne yell Israyɛll zugu.»

Zozuwe 7:15 Iomraidhean Croise

Sɩngrẽ 34:7

A Zakoob kamba wẽneg n yii bãoogẽ n wa la b wʋma yellã tɩ b sũur puug wʋsgo; b wʋmame t'a Sikɛm tʋma wẽnga n sãam a Zakoob bi-pugla la b fãa yeelame tɩ rẽ ka segd ye.

2 Sãmwɛlle 13:13

Mam na n deega yãnd a woto n kẽ ye? La yãmb na n lebga nin-yaalg Israyɛl pʋgẽ. Marsã m kotame tɩ y gom ne dĩma, tɩ b kõn gɩdg d kãadem ye.»

Zozuwe 7:11

Ad-a Israyɛl n maan wẽnga n sãam m zoodã. N-ye! Bũmb rɩkr sẽn kis la b rɩk yã, bũmb la b zuk yã n solg b teedẽ wã.

Zozuwe 7:16

A Zozuwe sãda beoogo n kɩt tɩ neba kolg roog-roogo la yɩ-la a Zɩɩda rooga zugu la yella lʋɩ yã.

Bʋ-kaoodba 20:10

Israyɛl sak fãa pʋgẽ, neb piig koabg zugu, neb koabg neb tusr zugu, neb tusr neb tus piig zugu tɩ b tɩ wa ne rɩɩbo tãb-biisa sẽn na n tɩ zab ne Gibea rãmb yĩnga. B na zabame n wa tol n yẽes wɩɩbda sẽn wɩɩb a Bẽnzame tẽn-peelmẽ.»

Bʋ-kaoodba 20:5

Gibea rãmb yika yʋngo n gũbg m sẽn sig yir ningã. B da rat n kʋʋ maam. Sã n ya ne pagã b maan-a-la pãnga tɩ wa tol n tũ ne a yõore.

Bʋ-kaoodba 20:6

M yaool n dɩka m pagã n beese, n tool Israyɛl sagsa fãa tɩ yaa wɩɩbdo n maane, bũmb sẽn wat ne buuda yʋ-sãanga.

1 Sãmwɛlle 26:21

A Sol yeelame: «M maana yel-wẽnde; m biiga a Daviid, lebg n wa tɩ m kõn le maan-f wẽng ye, tɩ dũnna daarã fo gesame tɩ mam vɩɩm bee yõodo. Mam maana wa yalma: m tudga wʋsgo.»