Zozuwe 3:16 - SEBR SÕNGO

¹⁶ ad-y kooma sẽn da zoetã yalsa zĩig pʋgẽ n lebg wa bõn-taoko, n lebg wa lalg woto, n zãag zĩiga, n ta al Adam tẽnga sẽn yegd Sartã. Koom ninga sẽn digd Yamsem Mogrã pasgame n yals tɩ neba rʋʋg, Zeriko yegende.

WẼNNAAM SEBRE 2014

¹⁶ koomã sẽn yit zugẽ n watẽ wã sẽn ta Ãdem sẽn pẽ Sartanã wã yalsame n tãoos n kuil yĩngr n lebg wa lalga. La koom ning sẽn zoet n sigd n dabd Araba ne yamsem ko-kãsengã sẽnẽ wã welg n looga zãnga. La nebã pɩʋʋga kʋɩlgã Zeeriko sẽnẽ n kẽng rʋʋndã.

Zozuwe 3:16 Iomraidhean Croise

Sɩngrẽ 14:3

Dĩm bãmb ra tog n sega taaba Sidim, yamsem mogra bãg-faagẽ.

1 Rĩm-dãmbã 4:12

a Baana, a Ayilud biiga, Taanak, Megido la Bɛt-Seã rãmb yĩnga. Bɛt Seã tɩ yega Sartã, Zizreyɛl tẽngre, al Abɛl-Meola n ta Yokneam.

1 Rĩm-dãmbã 7:46

Yaa Zʋrdẽ sɛɛgẽ la a rõog teedã, Sukot ne Sartã sʋka. Yagd da ka tuud n kong be sẽn na n maan teeda gãag-lung ye.

Yɩɩn‑sõamyã 114:3

Mogra yãee rẽ n kʋɩ tĩiga, tɩ Zʋrdẽ zoe tula.

Yɩɩn‑sõamyã 114:5

Bõe tɩ f zoetẽ, mogre? Bõe tɩ f kẽnd tula, Zʋrdẽ kʋɩlga?

Yɩɩn‑sõamyã 29:10

Saag niid n ka yoogdẽ wã, Wẽnd-Pãng n tõe rẽnna. Soaala la rĩma, zamaan woo zamaana!

Yɩɩn‑sõamyã 33:7

bãmb n kaad kooma la b bɛɛd a soya, bãmb n wat n pag-a mog-bɛd pʋgẽ.

Yɩɩn‑sõamyã 66:6

Bãmb n welg tẽn-koɛɛnga ne mogre, n kɩt tɩ kʋɩls kʋɩ n bas sore la woto seka kibs maanego.

Yɩɩn‑sõamyã 74:15

Yãmb kɩtame tɩ ko-nin pusi n kɩt tɩ kʋɩls zoe ne pãnga, n kɩt tɩ kʋɩls niyns sẽn da pid n daannẽ, lebg kʋɩl wagdo.

Yɩɩn‑sõamyã 77:19

Saaga tãsame la a naag n yãge t'a vẽenema reeg zĩig n yãmbe, tɩ tẽnga na n yɛɛs la a miimi.

Yɩɩn‑sõamyã 78:13

mogra koom waa n yik n yalsa wa lalga goabg la rɩtgo tɩ b loog sʋka.

Yikri 14:21

A Moyiiz tẽega a nug mogra zugu. Yʋnga tõre Soaala-Wẽnd kɩtame tɩ yaang sob-raoog fʋʋs mogrã n kʋɩɩs a kooma; kooma yalsa goabg la rɩtgo, n bas sʋka koɛɛnga.

Yikri 14:22

Israyɛl kamba dʋʋga mogra nao-koɛɛnga, b kẽna sʋka, tɩ koom yɛs wa lalga, b rɩtgo la b goabga.

Yikri 14:29

Sa n ya a Israyɛl kambã, bãmb paamame n dʋʋg nao-koɛɛnga, tɩ koom yɛs wa lalg b goabg la rɩtgo.

Yikri 15:8

Wẽnd sẽn tĩs b tĩsga, koom sũu taaba, koom yalsa a meng wa lalga, Kooma taa ko-sʋka, n ka wa baafo.

A Ezayi 50:2

M sẽn wa yirã, yaa bõe yĩng la m pa yãe neda? Bõe tɩ m bool tɩ ned pa leok-ma? Yao ligd n deege yaa toog ne maam bi? M konga pãng sẽn na n fãag-y bi? M gomd a ye bala tɩ mogr kʋɩ, m gomd a ye bala tɩ kʋɩlg lebg dasempʋɩɩga, m gomd a ye bala tɩ zĩma kong koom, n ki ko-yũudu n põoge.

Ezekiyɛl 47:8

Raoã yeel-m lame: «Ko-kãnga rigda yaanga, Araba foole la a tũud n kẽed yamsem Mogrã la a sẽn kẽed Mogrã a kooma na n lebga sõma.

A Nahum 1:4

B tãsda mogrã t'a kʋɩ, n tãs kʋɩlsã tɩ koom fẽbge. Bazã la Karmɛl yamda moogda wa sũtu, Libã puuda sʋʋgdame.

Abakuk 3:8

Soaala, yaa ne kʋɩlsã la yãmb sũura fõt bɩ? Yaa ne mogrã, la yãmb sũur puug bi? Yaa y sũurã n puugi tɩ y zomb sawatã wa wiidi, n zomb-b wa b soga bilim-bilm, tɩ y na n zab y raood zabre bɩ?

Sõadga 34:3

Nug rɩtg toaaga yaa Sin we-raoogo, n yegd Edom. Yaanga toaaga sɩngda Yamsem mogrã sɛtmẽ.

Yaoolem 1:1

Seb kãnga togsda sagls niyns a Moyiiz sẽn sagl Israyɛl kamba fãa b sẽn waa n nan ka rʋʋg Zʋrdẽ kʋɩlgã, n be Suf pʋ-weesẽ, Parã we-raoogẽ. B ra bee tẽn-bãmba sʋka: Tofɛl, Labã, Aserot la Di-Zaab.

Yaoolem 3:17

Nin-taoor toaaga rɩka Zʋrdẽ foolle, Zenezarɛt mogre n ta Yamsem mogre, n tat Pisga tãng sẽn zao yaanga.

Zozuwe 12:3

A ra soo Zʋrdẽ bãooga bogr ning sẽn tees yaanga, n paas Zenezarɛt Mogrã, nug goabg sẽnẽ, n ta Yamsem Mogre, Bɛt-Yesimot yegende la Pisga tãng weoogo, nug rɩtg sẽnẽ.

Zozuwe 15:2

B toaag kãng da sɩngda Yamsem mogrã, zĩig ning tẽnga sẽn maan wa a yiisa a zelemd Negɛb n na n leg kooma,

Zozuwe 16:7

n yi be n digd Atarot la Naara, n tãagd Zeriko la Zʋrdẽ.

Zozuwe 3:13

Yaa maan-kʋʋdb n zɩt kuga wala koglgo; ad-y bãmb naoor sã n tabg Zʋrdẽ kooma, kooma na n welga a yiibu. Kooma sẽn zoet n watẽ wã na n yaasa wa lalga.»

Zozuwe 4:22

Y na wilg-b woto: ‹A Israyɛl dʋʋga kʋɩlgã t'a nao ka mad ye,

Zozuwe 5:1

Amoritsa dĩm dãmba sẽn be b Zʋrdẽ nin-taoore la Kanaã dĩm dãmb sẽn be Mog Kãsenga noore wʋmame tɩ Soaala-Wẽnd kʋɩɩsa Zʋrdẽ kʋɩlga Israyɛl kamba taoore n tãag b fãa gill sẽn waa n dʋʋge. Ad-y b sũura digemdame la b vʋʋsma tulgame.

Bʋ-kaoodba 7:22

Bardã sẽn waa n peebdẽ wã, Soaala-Wẽnd zablga bɛɛba ne taab tɩ b lɛɛg n kẽ taab ne sʋʋse. B zoe gilli n ta Bɛt-Sita, Sereda sẽnẽ, n ta Avɛl-Meola kʋɩlg noore, Tabat sɛɛgẽ.