Zozuwe 3:1 - SEBR SÕNGO

¹ Yaa tõd-beoog la a Zozuwe yik ne Israyɛl kamba n yi Sitim n ta Zʋrdẽ la yaa kʋɩlga noor la b wẽ b sikã n gãand n gũ beoog vẽegre, n yaool n dʋʋg-a.

WẼNNAAM SEBRE 2014

¹ A Zozoe ne Israyɛll nebã fãa yika yibeoog pĩnda, n yi Sitim n kẽng n tɩ sig Zʋrdẽ kʋɩlgã noore. La bãmb gãanda beenẽ yʋn-kãng sẽn deng kʋɩlgã rʋʋgre.

Zozuwe 3:1 Iomraidhean Croise

Sɩngrẽ 21:14

A Abraam tõda beoogo n bao buri la ko-waooga n kõ a Agar. A Agar zombga biiga gʋbla, t'a Abraam na n yiis-ba. A Agar sẽn yi, a tɩ sɩnga saab Beerseba zĩ-pɛɛlẽ.

Sɩngrẽ 22:3

A Abraam yika tõd-beoogo n loe a bõang gaare, n nek a rakõap a yiibu ne a biiga Izaak. A wɩɩsa raada sẽn na n tall n yõog maoongã la a rɩka sor ning Wẽnnaam sẽn wilg-a.

Yɩɩn‑sõamyã 119:60

M kẽna ne yãgbo, m ka vʋʋs ye, la yaa y sora bala la m dɩk yã.

Zeremi 25:3

A goma woto: «Sẽn sɩng a Amon biig a Zoziyas naam deegre yʋʋm piig la a tãab soaba n tãag dũnna, ad-y m sõta yʋʋm pisi la a tã la Soaala-Wẽnd sẽn yõk goam ne maam tɩ mam me ka vʋʋsd ne m deeg b goama n taas yã. Yãmb bala m pa kelgde.

Zeremi 26:5

la reeg-y m bãngdba la m sõgen-kamba, sẽn togsd yãmba wa bũmb sẽn tog kelgre. M tʋm-b-la yãmb nengẽ wakat buud fãa la yãmb pa kelg-b ye.

Zeremi 7:13

M yet-y lame, Soaala n gomde, y tʋma wẽng wa pĩnd dãmbã. M wilgame n le wilg n paase la y pa kelg ye. M bool-y lame la y pa sak ye.

A Miise 6:5

M buudu, maan tẽegre! Moab dĩm a Balak sẽn waa n dat n tʋm beedã, tẽeg-y yã a Beor biig, a Balaam, sẽn yeel-a. Tẽeg-y tɩ m yãag-y-la al Sitim n tãag Gilgal tẽnga. Woto wã y tõog n yãenda kũun niyns m sẽn sudg-y, maam, y Soaala-Wẽnnaam.»

Sõadga 25:1

A Israyɛl wẽe sik Sitim. Neba yika yoob ne Moab kom-pugli.

A Mark Sõng 1:35

Tõd-beoog pĩnda, zĩig sẽn waa n ket n ya pʋlum-pʋlum, a Zezi yikame n kẽng weoogẽ la b ra bee be n pʋʋsdẽ.

Zozuwe 2:1

A Nun biig, a Zozuwe, yiisa neb a yi Sitim tẽnga n tʋm-ba tɩ b tɩ soos n bãng tẽnga pʋg la a yɩnga. Woto la a yeel-ba: «Kẽng-y n tɩ kaag-y Zeriko tẽnga n wa togs ma a sẽn ya-la.» B kẽngame la yaa pʋg-yoodr a ye yir la b sig yã. Paga ra boondame t'a Raab. A Raab zakẽ la b yõg gãag-soabendo.

Zozuwe 6:12

Tõd-beoog pĩnda, a Zozuwe kɩtame tɩ maan-kʋʋdba tʋk kuga walsa koglgã.

Zozuwe 6:15

Dasem a yopoe soaba, b yika pĩnda n sɩng gilgri wa rasem-kam la b gilga naoor a yopoe. Yaool n yɩɩ ba raar bal la b gilg naoor a yopoe.

Zozuwe 7:16

A Zozuwe sãda beoogo n kɩt tɩ neba kolg roog-roogo la yɩ-la a Zɩɩda rooga zugu la yella lʋɩ yã.

Zozuwe 8:10

Vẽkẽmbeoogo a yika pĩnda n ges a nebã, n dɩk Ayi sore tɩ nin-kẽemb be a taoore.

Bʋ-kaoodba 20:19

Vẽkẽmbeoogo, a Israyɛl bobame la yaa Gibea noorẽ la a wẽe a sika.

1 Sãmwɛlle 17:20

A Daviid yika yibeoog pĩnda, n bas a piisã ne rũm-kɩɩma, n tʋk toaalã, n maan wa a ba sẽn yeele. A taa tãb-sikã. Segame tɩ tãb-biis ra yita tãb-sikã n tees zabra sẽn zabdẽ, n kelemd b kɛlenga.