Zozuwe 23:12 - SEBR SÕNGO

¹² Y sã n sak wɩɩbdo n tɩ fãoog ne buud niyns sẽn yeg b yãmbã, n kẽ b buudẽ, tɩ b lebg y reem dãmba, tɩ y kẽed b tẽnsẽ tɩ bãmb me kẽed y tẽnsẽ,

WẼNNAAM SEBRE 2014

¹² Yãmb sã n wẽnemd n naag buud a taabã sẽn be yãmb sʋkã, la y bao zood ne-b n dɩgs b kom-pugli wã n maan y pagba, la y maan lagem-n-taar ne bãmba,

Zozuwe 23:12 Iomraidhean Croise

Sɩngrẽ 2:24

Rẽ n so tɩ rao basda a ba ne a ma n zĩ ne a paga n lebgd yĩng a yembre.

Sɩngrẽ 34:3

A yam da kẽe a Zakoob bi-puglã, a Dina; a da nonga bi-pugla wʋsgo, bi-pugla ra taa a yam zãnga.

1 Rĩm-dãmbã 11:2

Buud kãens poorẽ Soaala-Wẽnd da yeela a Israyɛl: «Da kẽng-y b nengẽ ye. Ka rẽ b na wẽnemd y yam la y sũuri n tees b wẽnd-naandsã.» A Salomo yaool n basame t'a yam kẽ bu-zẽna; bu-zẽna pagb yamleoog yõk-a lame.

1 Rĩm-dãmbã 11:4

A Salomo sẽn waa n kʋʋle, a pagba kɩtame t'a yam gãd wẽnd-naandse, woto a sũura ka pa zãng ne Naaba-Wẽnd wala a ba a Daviid sũur ye.

Yɩɩn‑sõamyã 125:5

Sẽn tũud-b so-wẽnse la sẽn baood-b taab bõne, pĩng-y-ba n yiisi, Soaala. Kõ-y y buud a Israyɛl laafi!

Yɩɩn‑sõamyã 36:3

Nin-wẽng pẽgda a menga n ka nee a wẽnem ye, a pa tẽed t'a beegame n tog n tuub ye.

A Ezayi 1:4

Bʋk ne foo, bʋk ne foo, yel-wẽn-maandb tẽnga! Fo neba yaa neb sẽn pid ne wẽnem, yaa bi-bees buudu, yaa buud sẽn sãame. B basa Soaala-Wẽnde, b paooga a Israyɛl Nin-sõngo, b wẽnemda b kãare n tees bãmba.

Ezekiyɛl 18:24

La nin-tɩrg sẽn bas burkĩndlem, n tʋm wẽnga, n dɩk nin-wẽng nao, yãmb tẽed t'a na vɩɩnd bi? M pa tẽed ye. B na yĩm tʋʋm sõma niyns a sẽn tʋma. A sẽn beege n kɩɩs noorã n maan yel-wẽndã, rẽ bal n na n wa ne a kũum.

Sofoni 1:6

M na n menesa sẽn zãagd-b ne maam, Naaba-Wẽnde, n pa kot m sõngre, n pa kot m vẽnegre.

A Matiye Sõng 12:45

T'a na n lɛɛg n wa ne a sʋtãan taas a yopoe sẽn yɩɩd yẽ ne wẽnem, tɩ b wa kẽ-a. Bãng-y tɩ nin-kãng yell lebgda wẽng n yɩɩg pĩnda. Dũnna zamaan yooka yell na n yɩɩ boto.»

A Zã Sõng 6:66

Wakat kãng tɛka, karen-biis wʋsg leba b poorẽ n pa le tũud bãmb ye.

Rom Dãmba 12:9

Modg-y tɩ belgr da zĩnd taab nonglma pʋgẽ ye, kisg-y wẽnga la tabend-y sẽn ya neer mepi!

Yaoolem 6:15

F Soaala-Wẽnnaama be-la f sʋka wa Wẽnd sẽn mi sũ-kiiri. Gũus tɩ f Soaala, f Wẽnnaama, sũur da yik ne-fo, tɩ b wa yiis-f saaga tẽngr ye.

Yaoolem 7:3

F kõn sar yikãadem sard ne b ye, f kõn dɩk f bi-pugla n kõ b bi-ribl ye, f kõn deeg b bi-pugla n kõ f bi-ribl ye.

Yaoolem 7:4

Ka rẽ, b na gɩdg f bi-ribla t'a ka le tũ-m ye. A wat n bas-m lame n na waoog wẽn-naandsa tɩ m sũura wẽneg n fudg, tɩ me yiis-b moog zãnga.

Zozuwe 23:11

Y sã n dat n põse bɩ y modg n nong Soaala, y Wẽnnaam.

1 Zã 2:9

Sẽn gomd-a t'a bee vẽenemẽ n yaool n ket n kis a saam-biiga, ket n bee likẽ.

Bʋ-kaoodba 14:3

La a ba ne a ma naag a taab n yeel-a: «Pagb n ka be f saam-biisa kom-pugli wã sʋka la f buudẽ wã bɩ? Yaa bõe tɩ f na n bao nin-dẽgd kamba? La a kell n yeela a ba: Yaa yẽ la m dat tɩ y bao kõ-ma tɩ yẽ n ta mam yam.»

Bʋ-kaoodba 3:6

A Israyɛl kẽe kãadem ne bãmb kom-pugli, n dɩk a kom-pugli n kõ-ba, n pʋg b wẽn-naandsã.