Zozuwe 2:24 - SEBR SÕNGO

²⁴ B yeela a Zozuwe: «Soaala-Wẽnd basa tẽnsa fãa d nugẽ la ad-a Israyɛl poorẽ, neba rigda rabeem wʋsgo.»

WẼNNAAM SEBRE 2014

²⁴ Bãmb yeela a Zozoe yaa: «Sɩd hakɩɩkã, Sẽn-Ka-Saab rɩka tẽngã zãng n ning tõnd nugẽ, hal tɩ tẽngã nebã fãa rigd ne rabeem, b sẽn wʋm tõnd kibarã yĩnga.»

Zozuwe 2:24 Iomraidhean Croise

Yikri 15:15

tɩ Edom dĩm dãmb saood kalwaare. Moab na-komse la Kanaã zãng fãa gilli lebga rigbu la yɩɩre.

Yikri 23:31

Toaag ning m sẽn na n toog f tẽnga la woto: Rudum Mogrã n tãag Filisti rãmb mogre, Efrat kʋɩlga n ta zĩ-peen-daaga. M na n basa tẽnga rãmb fãa f nugẽ tɩ f sẽeg-b zãnga.

Yelbũna 25:13

Wala saag sẽn maagd pemsem tigsgu wakato, sẽn taasd-a koe noogo me yaa boto. Sẽn tʋm-a yẽnda wã sũur na n bʋkame.

Zozuwe 1:8

Bɩ m Noora sebr da zãag ne f ye, a goama biis pa f no-gãnnẽ. Walem-a f noorẽ, wĩndig la yʋngo, n wa tõog n tũ-a zãnga. F sã n maan boto la f tʋʋma na tũ rẽ n baas neere.

Zozuwe 2:23

Lɩɩsdba yaool n sigame n dʋʋg kʋɩlgã n leb a Nun biig, a Zozuwe, nengẽ. B togsa a Zozuwe b sẽn yãend fãa.

Zozuwe 5:1

Amoritsa dĩm dãmba sẽn be b Zʋrdẽ nin-taoore la Kanaã dĩm dãmb sẽn be Mog Kãsenga noore wʋmame tɩ Soaala-Wẽnd kʋɩɩsa Zʋrdẽ kʋɩlga Israyɛl kamba taoore n tãag b fãa gill sẽn waa n dʋʋge. Ad-y b sũura digemdame la b vʋʋsma tulgame.

Zozuwe 6:2

Naaba-Wẽnd yeela a Zozuwe: «Gese, m basda f nugẽ, Zeriko ne a dĩma la a gãndaadã.

Zozuwe 8:1

Soaala-Wẽnd yeela a Zozuwe: «Da zoe rabeem ye, da yɛɛs ye. Yi ne tãb-biisa fãa n tak zabre ne Ayi rãmba. Ade, m sagenda f nugẽ Ayi dĩma, a nebã, a tẽngã, a soolma.

Bʋ-kaoodba 1:2

Tɩ Soaala-Wẽnd leok: «Na n yɩ-la a Zɩɩda; m na rɩk tẽngã n sagl a nugẽ.»

Bʋ-kaoodba 18:10

Y sã n wa kẽ tẽngã y na mik tɩ tẽnga rãmb ka zĩi n yɩɩdẽ ye. Gɩdgr buud kõn gɩdg-y tẽnga kõom ye, tɩ Soaala-Wẽnd dɩk-a lame n sagl y nugẽ. Tẽn-kãng gãe ne kood buud fãa.»

Bʋ-kaoodba 7:9

A Zedeõ sẽn kẽ gõeem, Soaala-Wẽnd yeel-a lame: «Yik n sig Madiã sikẽ tɩ m dɩk-a lame n ning f nugẽ.