Zozuwe 2:14 - SEBR SÕNGO

¹⁴ Dẽ la neb a yiibã leok-a: «Ad-d toga ne kũum d sã n ka yao foom f yel-sõmdã, la dẽn tɩ yãmb me tõog y noore n da wɩdg d sẽn waa n na n maan a soaba ye. Soaala-Wẽnd sã n wa bas tẽngã d nugẽ, d na maan pʋ-peelem ne foo la d kõn zã foo ne f buuda toog ye.»

WẼNNAAM SEBRE 2014

¹⁴ Raop a yiibã yeela yẽnda yaa: «Fo sã n ka wilg ned tõnd zĩiga, tõnd na n gẽnega d yõy yãmb yĩnga. Sẽn-Ka-Saab sã n wa n ning tẽngã tõnd nugẽ, d na n wilga foom d pʋ-peelem n maan-f neere.»

Zozuwe 2:14 Iomraidhean Croise

Sɩngrẽ 24:49

La marsã yãmb sã n dat n maan m zu-soaba neere bɩ y togs-ma. Y sã n ka rat me bɩ y togs-ma tɩ m bãng m sẽn lebdẽ, goabg bɩ rɩtgo.»

Sɩngrẽ 47:29

A Israyɛl sẽn waa mik t'a pãnga sɛɛ zãnga, a boola a Zozɛf n yeel-a: «Fo sã n ket n nong maam bɩ f kell n wilg-m tɩ f rat-m-la ne neere la f rɩk f nug n sɩɩs m gerã la f wẽen tɩ f kõn mum maam Ezipt tẽng ye.

2 Sãmwɛlle 2:5

A Daviid tʋma neba tɩ b tɩ yeel Yabɛs-Galaad dãmba: «Wẽnd na ning y barka! Yãmb sẽn puk y pʋ-peelem ne y dĩm a Sol, n bao zĩig n mum-a.

2 Sãmwɛlle 2:6

Bɩ Wẽnd kell n pʋg-y daar fãa ne b nonglem! La yãmb sẽn maan sõm ninga ne a Sol, mam me na maan-y neere.

2 Sãmwɛlle 9:1

A Daviid waa n yeelame: «Ned keta a Sol roogẽ tɩ m tõog n maan-a neere, m zooda ne a Zonatã yĩng bɩ?»

1 Rĩm-dãmbã 20:39

Dĩma sẽn wa n loogdẽ, a kelmame n yetẽ: «M zu-soaba, yãmb sõgna dag n zabda ne a bɛɛba, la ned n yi zabra zĩigẽ n tall ned a sẽn yõke n yeel-ma: ‹Gũ nin-kãnga t'a ra loog ye. A sã n zoe n põse, fo yõor la b na n deeg n ledg yẽ rẽnna sẽn põsã, ka rẽ bɩ f yao wanzurf gilgu.›

Yelbũna 14:22

Wẽng maaneg yaa bõe sã n ka tudgri, sẽn baood-b neere la Wẽnd nonga la b pʋgda.

Yelbũna 18:24

F sã n tar zo-rãmb wʋsgo, f ka le so f meng ye. Zoa ninga f nong-a lame n yɩɩd f ma-biiga.

A Matiye Sõng 5:7

Sũ-noog rãmb la sẽn zoet-b b taab nimbãanega, tɩ b na n zoee bãmb me nimbãanega.

Tʋʋma 23:22

Tãnsoaba basa biiga t'a looge; a yeel-a lame bala: «Da togs ned ba a ye tɩ f wɩdg-m la bũmb ye.»

Zozuwe 2:13

Kõ-y-m kaset vẽenega tɩ y na bas ne yõore, m ba la m ma, m yaop la m kẽem dãmba; bãmb ne b sẽn so fãa na paam n põs kũum.»

Zozuwe 2:15

A Raab bao wĩir tɩ neb a yiibã tũ võore n looge, t'a rooga ra mee n dogla lal-gũbrã.

Zozuwe 6:17

Y na n dɩka tẽnga ne a pʋgẽ teed fãa n kõ Soaala-Wẽnde. Pʋg-yoodr a Raab ne a zaka rãmb bala n na n põse, t'a Raab solga d sẽn da tʋm b rãmbã.

Zozuwe 6:22

A Zozuwe reng n yeela lɩɩsdb a yiibã: «Kẽng-y yã a Raab yira, n tɩ yiis-a ne a nebã wala y sẽn da kãabe.»

Zozuwe 6:25

A Zozuwe basa a Raab, pʋ-yoodrã, ne a ba wã zaka la a sẽn so fãa. A buud kell n paa Israyɛl sʋka n ta rũnna. La rẽ yɩ-la a sẽn solg a Zozuwe sẽn tʋm b rãmb tɩ b wa kaag Zeriko wã.

1 Sãmwɛlle 20:8

Wilg-a tɩ f sẽn yõg zood ne-m, Soaala yʋʋr yĩngã, f kõn bas tɩ zooda sãam ye. La sã n wẽnda m sɩd beegame, bɩ fo meng f toor kʋ-ma. Bõe tɩ b na n tall-m ta f ba taoore?»