Zozuwe 18:16 - SEBR SÕNGO

¹⁶ A sigdame n teesd tãnga sɛtmẽ, tãng ning sẽn tot ne Ben-Inom sudgã sẽn be Refayitsa goabga. Toaaga ra sigda Inom sudga, Zebuzitsa goabga, n sigd Eyin-Rogɛl.

WẼNNAAM SEBRE 2014

¹⁶ Toadgã sig n tãaga tãng ning sẽn tees Bɛn-Hinom longã satmã sẽn be Refayim nebã longã sẽn be rɩtgã. Toadgã sig n tũnuga Hinom longã, n yegd Zebuus nebã tẽng goabga, n kell n tɩ tãag Ɛn-Rogɛlle.

Zozuwe 18:16 Iomraidhean Croise

2 Sãmwɛlle 17:17

A Abiyatar biig a Zonatã ne a Sadok biig a Ayimaas da solga Eyin-Rogɛl. Ko-bunem n da be be tɩ fu-pɛgdba wat n pekd b futu. Be la roog bi-pugl a ye ra tog n wa wilg-b yɛlã tɩ bãmb deeg n taas dĩm a Daviid. Bãmb da solgame, b ra pa tog n kẽ tẽnga pʋga tɩ ned wa yãend-b ye.

2 Sãmwɛlle 5:18

Filisti rãmba, taa Refayitsa tãnnaokã, n tong b tãb-biisã.

1 Rĩm-dãmbã 1:9

Daar a ye, a Adoniyas maana kibsa, yɩɩ pĩ-saalga zugu, pĩ saalg ning sẽn pẽ fu-pɛgdba bãkã. B kʋ piisi, niisi, nag-bi-nobdse. A boola a ba-biisã, a kẽem-dãmb la a yaopa la Zɩɩda neb niyns fãa sẽn da tʋmd-b dĩm a Daviid zakẽ.

2 Rĩm-dãmba 23:10

A Zoziyas gɩdga sagda yõogr Tofɛt boka sẽn da be Ben-Inom tãn-longã pʋga, woto ned ba a ye ka le yõog a bi-ribla bɩ a bi-pugl bugum, n waoog a Molok ye.

1 Kibayã 14:9

Filisti rãmba tʋg n wẽe Refayitsa, bãg-faagẽ.

2 Kibayã 28:3

A yõoga wisdu b yĩnga, Inom bãg-faagẽ. A yõoga a kamb bugum, wala bu-zẽmb niyns Naaba-Wẽnd sẽn dig n zãag a Israyɛl taoorã sẽn da maande.

2 Kibayã 33:6

Yaa yẽ n yõog a kamb bugum Inom bãg-faagẽ. A bʋga bagre, n sogs kɩɩmse, n kẽ tɩto. A maana bũmb ning fãa Soaala-Wẽnd sẽn get wa wẽnga la sẽn yikd b sũuri.

A Ezayi 30:33

Yaa al daar zãra la wʋnga segl n yɛsẽ, la a bugma wita Asiri rĩma yĩnga. Wʋnga segla zĩ-vɩʋʋgẽ, zĩ-yalengẽ, wʋnga kɩbga bog-zulungẽ. Buguma sẽn na n widgã raado manegame n tigim, n tigim ka tɛka. Soaala-Wẽnd na n fʋʋsa bugma la a na n widgame, n widg wala kidbri bugum.

Zeremi 19:11

Ad maam, Naaba-Wẽnde, dũni fãa Soaala, na n wãa tẽn-kãnga ne a nebã, wala b sẽn wãad yagd yʋʋre tɩ tɩɩm ka le beẽ ye. B na n muma neba Tofɛt, vɩʋʋg kaalem yĩnga.

Zeremi 19:2

Fo na n tũu Sapeesa noorẽ n dɩk Ben-Inom bãg-faaga sore.

Zeremi 19:6

Woto fãa yĩnga, la Soaala gomd tɩ daar n wate tɩ b ka na n le bool zĩ-kãnga tɩ Tofɛt bɩ Ben-Inom bãoogo, b na n bool-a lame tɩ nin-kʋʋr bãg-faaga.

Zeremi 32:35

B manega zĩiga, Ben-Inom bãoogẽ wã, b wẽn-naand a Baal yĩnga; b wẽnd a Molɛk yĩnga b maana b kom-dibli la b kom-pugli maando. M yaool n zɩ n kos-b bũmb a woto ye. Yell a woto buud da zɩ pɩʋʋg m yam ye. B sẽn maan yel-beed a woto fãa, b dogla yell kãseng a Zɩɩda zugu.

Zozuwe 15:63

A Zɩɩda kamb ka tõog n dig Zebuzitsa sẽn da be Zerizalɛɛm ye. Yaa rẽ yĩng la ba ne rũnna, Zebuzitsa ket n naag a Zɩɩda kamb n kẽed Zerizalɛɛm.

Zozuwe 18:28

Sela, Elef, Zerizalɛɛm, Zebuze rãmb na-tẽnga, Gibea, Kiriyat: tẽns piig la a naase ne b tẽn-toose. Woto n yɩ a Bẽnzame rooga pʋɩɩre.

Bʋ-kaoodba 1:21

A Bẽnzame kamba ka rig Zebuzitsa sẽn da kẽed Zerizalɛɛma ye, la al ne rũnna, Zebuze rãmb ket n bee Zerizalɛɛm ne a Bẽnzame kamba.

Bʋ-kaoodba 1:8

A Zɩɩda neba taka zabr ne Zerizalɛɛm dãmba. Bãmb n tõoge la b kooda tẽnga rãmb ne sʋʋse n lɛɛg n yõog tẽnga bugum.

Bʋ-kaoodba 19:10

Raoa zãgsame n yik n dɩk a sor ne yʋngo n ta Zebuze rãmb tẽnga. (B boond-a lame tɩ Zerizalɛɛm yɛsa.) Da yaa yẽ ne a paga la a yamba la a yaanwaoor bõeens a yiibu.