Zozuwe 15:7 - SEBR SÕNGO

⁷ Toaaga sẽn yi be a le rʋʋ Debir n yegd Akor bãg-faagã n gõdg nug goabg n tees Gilgal sẽn tot Adumim kunkubrã, kʋɩl-bɛɛga rɩtgo. A sẽn yi be a tũuda Eyin-Semɛs bãgse n tat Eyin-Rogɛl.

WẼNNAAM SEBRE 2014

⁷ la toadgã kell n tũu Debɩɩr n yegl Akoor longã sẽn be rɩtgã n teesd Gilgall sẽnẽ, n kell n get Adumim rʋʋdgã sẽn be ko-soogã goabgã. A yegda Ɛn-Semees ko-bundmã, n tɩ tãag Ɛn-Rogɛlle.

Zozuwe 15:7 Iomraidhean Croise

2 Sãmwɛlle 17:17

A Abiyatar biig a Zonatã ne a Sadok biig a Ayimaas da solga Eyin-Rogɛl. Ko-bunem n da be be tɩ fu-pɛgdba wat n pekd b futu. Be la roog bi-pugl a ye ra tog n wa wilg-b yɛlã tɩ bãmb deeg n taas dĩm a Daviid. Bãmb da solgame, b ra pa tog n kẽ tẽnga pʋga tɩ ned wa yãend-b ye.

1 Rĩm-dãmbã 1:9

Daar a ye, a Adoniyas maana kibsa, yɩɩ pĩ-saalga zugu, pĩ saalg ning sẽn pẽ fu-pɛgdba bãkã. B kʋ piisi, niisi, nag-bi-nobdse. A boola a ba-biisã, a kẽem-dãmb la a yaopa la Zɩɩda neb niyns fãa sẽn da tʋmd-b dĩm a Daviid zakẽ.

A Ezayi 65:10

Sẽn na n lɛɛg-ba n kẽ maama Sariõ bãg-faagã n na n lebg b rũmsa wãbneg zĩiga, Akor bãooga la b na n wẽ yãgre b rũmsa yĩnga.

A Ooze 2:5

Ka rẽ mam na sẽk a fuugu n bas-a zaala wala a rogem daare; a tẽn-peelma na lebg zĩ-peen-daaga la ko-yũud na kʋ-a, a meng tẽngẽ.

Zozuwe 10:43

A Zozuwe ne a neba gilli lɛɛg n wa b sikẽ, Gilgal.

Zozuwe 15:15

Dẽ poore a taka zabre ne Debir dãmba. Debir la b sẽn da boond pɩnd tɩ Kiriyat-Sefɛr.

Zozuwe 15:6

Toaaga da rʋʋda Bɛt-Ogla, n basd Bɛt-Araba goabga n digd pĩig a ye sẽn boond t'a Boã pĩiga; a Rubẽ biig la a Boã.

Zozuwe 18:17

A le gõdgda be n digd Eyin-Semɛs la Gelilot sẽn tot ne Adumim. N yi be n sigd a Rubẽ biig, a Boã, pĩiga.

Zozuwe 4:19

Yɩɩ pipi kiuugã piig raare la Israyɛl dʋʋg kʋɩlgã. A ti-la a sik Gilgal, Zeriko yaanga.

Zozuwe 7:24

B talla a Zera biig a Akã n looge, yẽ ne wanzurfã, ne fu-yorgã la sãnem gilgã, n paas a kom-dibli la a kom-pugli, a loalga, a bõanga, a rũm bõonese, a rooga raad la pɛɛla la a sẽn da so fãa. Israyɛl zãma wã fãa yãag-a lame n tees Akor weoogo.

Zozuwe 7:26

B wʋka kug zembala n sam a zugu la kuga saongã keta ne rũnna. Yaa rẽ yĩng me la b pʋd zĩigã tɩ Akor, zu-beed tẽnga, la b ket n boond-a-la boto al ne rũnna. Dẽ marsã la Soaala-Wẽnd sũura maag yã.