Zozuwe 13:6 - SEBR SÕNGO

⁶ Ade, tẽns niyns sẽn zao tãmsa zutã, sẽn sɩng Libã n digd Misrefot-Mayim sẽn be nin-taoore, n paas Sidõ rãmbã, maam n na n dig-b fãa Israyɛl kamb taoore. Fo tʋʋmd yaa f reeg tẽnsã n poees Israyɛl kamb wala Naaba-Wẽnd n kõt-ba la wala m sẽn zoe n wilgã.

WẼNNAAM SEBRE 2014

⁶ n paas neb nins sẽn be-b tãmsã zutã, sẽn sɩng ne Libã n tɩ tãag Misrefot-Mayim, ne tẽms nins fãa Sɩdõ nebã sẽn so wã. Mam na n deesa tẽn-bãmbã fãa tɩ yɩ Israyɛll nebã pʋɩɩre. La bũmb sẽn be bala, pʋɩ tẽngã n kõ Israyɛll nebã tɩ yɩ b pʋɩɩre wa mam sẽn dag n yeel foomã.

Zozuwe 13:6 Iomraidhean Croise

Yɩɩn‑sõamyã 80:8

Soaala, Pãng-Soaba, le kẽes-y tõnd d soolmẽ, Bɩ y nenga vẽenem bui-du, tɩ d na paam fãagre.

Sõadga 33:54

Y na n poeesame n pʋɩ tẽngã, sak-saka. Saka neb sã n ya wʋsgo, a tẽn-peelma me na n yɩɩ wʋsgo; saka sã n ya bilfu a soolma me zemsdame bala. Ned kam fãa paada poeera sẽn kẽes-a; ned kam fãa paada a buuda pʋɩɩrẽ.

Zozuwe 1:6

Keng f sũuri, wɩsg f menga. Yaa foo n na n pʋɩ m nebã tẽng ning m sẽn kãab b yaab rãmbã.

Zozuwe 11:12

A Zozuwe tõoga dĩm dãmba fãa ne b tẽnsã. A kood-b-la gilli, tɩ b ra wẽename tɩ b kõn kees bũmb b mens yĩng ye, wala Soaala-Wẽnd sẽn da wilg b tʋʋm-tʋmd a Moyiiz.

Zozuwe 11:8

Soaala-Wẽnd sagl-b-la a Israyɛl nugẽ t'a tõog-ba n dig kẽer n ta Sidõ Na-tẽnga la Misrefot-Mayim, la Mispa bãg-fool sẽn be yaanga. Pãbra yɩɩ pãbr menga al tɩ nin-yend meng ka paam n zoe n põs ye.

Zozuwe 13:7

Wakat taame tɩ f na n kõ buudã b pʋɩɩre. Yaa buud a wẽ wã sẽn nan ka paam b rẽnna, n paas a Manase bogrã.»

Zozuwe 23:13

bãng-y tɩ wakat kãng tɛka Soaala, yãmb Wẽnnaam, kõn le rig-b yãmb taoor ye. La yãmb yĩnga b na lebga tãooga, n lebg bẽdgo, n lebg sãbsga y lugẽ, n lebg gõaag y nini al tɩ y wa tol n menem zãng, tẽn-sõng ning Soaala-Wẽnnaam sẽn kõ yãmba.

Zozuwe 23:4

Ade, m kõ-y-la wala y zu-noog pʋɩɩre, tẽns niyns y sẽn bas n pa wã wã, wala tẽns niyns m sẽn menes b nebã zãnga, Zʋrdẽ kʋɩlg n ta Mog kãsenga, wĩndga sẽn lʋɩtẽ.

Zozuwe 23:5

Wẽnnaam, y Soaala, n na n dig sẽn ket-bã y taoore. B na n pĩng-b-la yãmb taoore, y na n deega b tẽnsã n sooge wala b sẽn da kãab-y.