Zozuwe 11:15 - SEBR SÕNGO

¹⁵ Soaala-Wẽnd sẽn da wilg b tʋʋm-tʋmd a Moyiiz bũmb ningã, a Moyiiz me ra taas-a-la a Zozuwe; la rẽ me la a Zozuwe tũ yã. A ka tol n bas noor a yembr meng a sẽn deeg a Moyiiz nengẽ n ka tũ-a zãng ye.

WẼNNAAM SEBRE 2014

¹⁵ Sẽn-Ka-Saab sẽn dag n yeel b tʋmtʋmd a Moyiis bũmb ningã, a Moyiis togs-a-la a Zozoe, la a Zozoe maana wa b sẽn yeel yẽnda wã. A Zozoe ka bas bũmb ning Sẽn-Ka-Saab sẽn wilg a Moyiisã tɩ vaal ye.

Zozuwe 11:15 Iomraidhean Croise

2 Kibayã 30:12

Yɩɩ Zɩɩda bala la Soaala-Wẽnd nek neba raabo tɩ b na n deeg dĩma ne a poorẽ dãmba noore sẽn ya Naaba-Wẽnd meng noorã.

Sõadga 33:50

Soaala-Wẽnd goma woto ne a Moyiiz Moab pʋ-weesẽ, Zʋrdẽ kʋɩlg noor, Zeriko yegende:

Sõadga 33:52

bɩ y menes y taoore tẽnga rãmb fãa, n menes b sẽn pees ne kuga, b sẽn dõog ne zũudu, n sãam zĩis niyns b sẽn dʋ n me b maan-kugã.

A Matiye Sõng 23:23

Yell na pak yãmba, Sɛb-mitba la Farizẽ, zãmb rãmba, yãmb sakd n kɩta dʋr a ye piig zugu, y zẽ-vãad la y zẽ-biis sẽn tar yũ-noodo n yaool n basd Noora sẽn wilg bũmb niyns wa pakre n yɩɩdã, wala zemsgo, nimbãan-zoeere la pʋ-peelem. Dẽ n segdẽ pipi tɩ sẽn keta yaool n wa paasẽ.

A Luk Sõng 11:42

La na pak yãmba, Farizẽ rãmba! Yãmb yãkda y zẽ-vãadã la y zẽ-biisa sẽn tar yũ-noogã n kõtẽ, dʋr a ye piig zugu, n yaool n yãk y toog ne pʋ-peelem la Wẽnnaam nonglem: y tog n pidsẽ la boto, la woto me ra ka togẽ n pa sãoog ye.

Tʋʋma 20:20

Y mii tɩ m baoo sẽn wat ne yõod yãmb yĩnga. M pa tar n leb poorẽ n mong-y y sẽn da tog n wʋmb bũmb ninga bɩ y sẽn da tog n zãms bũmb ninga, y zagsẽ bɩ y sɛk zĩisẽ ye.

Tʋʋma 20:27

M sɩd mao ne bũmb fãa; m wilg-y-la Wẽnd sẽn dat tɩ yɛla fãa pids to-to.

Yaoolem 31:3

Yaa Wẽnnaam y Soaala n na n lʋɩ y taoore la yaa bãmb n na n sɛɛs bɛɛba y taoore n deeg b tẽngã. Yaa a Zozuwe n na n yɩ y sɩleto, wala Wẽnd meng sẽn wilg yã.

Yaoolem 31:5

Soaala na dɩka Zʋrdẽ rʋʋnd dãmba n sagl y nusẽ la y na n maana ne-ba wala m sẽn wilg-y.

Yaoolem 31:7

A Moyiiz boola a Zozuwe n yeel-a, Israyɛl kamba fãa taoore: «Keng f sũuri, ra bas raood ye, tɩ yaa foo n na n kẽ tẽnga ne nin-bãmba, tẽng ning b sẽn kãab y yaab rãmba. Fo n na sõng tɩ b reeg tẽng sẽn ya b pʋɩɩre.

Yaoolem 4:2

M sẽn kõt-y noy-niynsã, gũus-y tɩ gomd da paas ye. Gũus-y me tɩ bũmb da yiis ye tɩ woto la y na n tũ d Soaala-Wẽnnaama raabo.

Yaoolem 4:5

Noy niyns y sẽn na n deeg zamaan woo zamaana, m wilgd-b-la yãmb wala Wẽnnaam, m Soaala, sẽn yet tɩ m wilg yã. Reeg-y la y tũ-ba tẽng ning y sẽn dabd n na n tɩ sooga pʋgẽ.

Yaoolem 7:2

F Soaala, f Wẽnnaama, sẽn wat n dɩk-ba n sagl f nusẽ tɩ f zab n tõog-ba, f na kãab b tẽnsa beedo. F kõn yõg zood ne b ye, f kõn bas n ka kʋ ye.

Zozuwe 1:7

N-ye! Wɩsg-f menga, keng f sũuri, la tũ neere Noor ning m sẽn kõ m tʋʋm-tʋmd a Moyiiz. Da kɩll goabga, da kɩll dɩtgo, tɩ woto f sẽn sɩng fãa na baas neere.

Zozuwe 11:12

A Zozuwe tõoga dĩm dãmba fãa ne b tẽnsã. A kood-b-la gilli, tɩ b ra wẽename tɩ b kõn kees bũmb b mens yĩng ye, wala Soaala-Wẽnd sẽn da wilg b tʋʋm-tʋmd a Moyiiz.

Zozuwe 11:14

A Israyɛl sẽn kees a meng yĩng tẽn-kãens pʋgẽ yɩɩ b laogã la b rũmsã. Sã n ya ninsaalba, b kood-b la fãa gill ne sʋʋse, b pa kell ned ba a ye ye.

Zozuwe 11:16

Woto wã, yɩɩ tẽnga zãng la a Zozuwe wẽe n deege: Tãnga zug rãmba, Negɛb, Gosen, Bãoogã, Yamsem Mogre, Israyɛl tãn-bɛd la a bãg-faase.

1 Sãmwɛlle 15:11

«M sẽn kɩt t'a Sol lebg dĩma ka le noom maam ye, t'a wẽnemdame n bas maam, la a pa sakd n deeg m noor ye.» A Samwɛl sũura sãama ali t'a yãbe ne Soaala-Wẽnd, yʋng kãnga.