Zeremi 8:4 - SEBR SÕNGO

⁴ Fo na n togs-b lame tɩ Soaala-Wẽnd n sokde: Ned lʋɩtame n zãgs yikr laa? Ned tudgda sore n zãgs a poorẽ lebr laa?

WẼNNAAM SEBRE 2014

⁴ Yeel-b tɩ maam a Sẽn-Ka-Saab sokdame yaa: «Ned lʋɩtame n ka yik bɩ? Bɩ ned sã n bʋdge, a ka lebgd n wa sor zugu?

Zeremi 8:4 Iomraidhean Croise

1 Rĩm-dãmbã 8:38

sẽn ya bũmb ning fãa yĩng la y buud a Israyɛl biig pʋʋsd la a yõkd y sɛɛga, a sã n wa bãng yell ning sẽn pak-a n tees do-kãnga n zẽk a nugu,

Yelbũna 24:16

Nin-sõng lʋɩ naor a yopoe me a na n yikame, nin-wẽng yẽ paada a wẽnemẽ.

A Ezayi 44:22

M yẽesa f beegra, n yẽes f yel-wẽna wa sobg sẽn loogd ne sawadgo. Lebg n wa mam nengẽ tɩ m yaoome n deeg-fo.

A Ezayi 55:7

Bɩ nin-wẽng yi a so-wẽng pʋgẽ, tɩ yel-wẽn-maand bas a tags wẽnse. B sã n lɛɛg n wa Soaala-Wẽnd nengẽ, Wẽnd na n zoe-la b nimbãanega, tɩ tõnd Soaala-Wẽnda sũur yalma, la b pa mongd b sugr ye.

Zeremi 23:14

La m sẽn yãet bũmb ning bãngdba nengẽ Zerizalɛɛma pʋgẽ, n yɩɩd ne wẽnem: yoobo, zirẽ yagbo, fãadba pirsgu. B pa basd tɩ ned ba a ye tõog n vʋʋs ne wẽng maaneg ye. M sẽn get-ba, b wẽnda Sodom dãmba, la Zerizalɛɛm dãmba pa são Gomor dãmb ye.

Zeremi 3:1

Soaala-Wẽnd goma ne maam n yeel: «Ned sã n dig a paga, tɩ paga yi n tɩ rɩk sɩd a to, sɩda tõe n le reeg-a-la a nengẽ bɩ? Ka tõe ye, ka rẽ, yaa tẽngã n dẽgemde. La foo, Israyɛl, yaa Soaala-Wẽnd n gomde, fo saka yoob ne neb wʋsgo, n ket n dat tɩ m le reeg-fo. M sok n ges na tõoge?

Zeremi 3:22

Lebg-y n wa-y yã, wa-y n pʋg maam, bi-beese, m na sãoog y tʋb-pa-wʋmdma. Ade, tõnd wata y nengẽ, tɩ yaa yãmb bala, Soaala, la tõnd Wẽnde.

Zeremi 36:3

Daar ninga Zɩɩda rãmb na wʋm sɩbgr ninga mam sẽn dat n sɩbg bãmbã, n bas so-wẽng ninga bãmb sẽn dɩkã. Tɩ sã n ya boto, mam na tõog n kõ b yel-wẽna sugri, la m bas b tʋʋm wẽnsã taale.»

Zeremi 4:1

Israyɛl, ad-f sã n leb poorẽ, yaa Soaala n gomde, f tõe n le wa-la m nengẽ. Fo sã n zãag ne maam f wẽn-naan-yoodã, f kõn le baood n na n zoe ye.

Ezekiyɛl 18:23

Mam yam la nin-wẽng kũum bɩ? Maam n yete, maam, Naaba-Wẽnde, m daaba yaa a bas a zʋg wẽngã la a paam n vɩɩnde.

A Ooze 14:1

Samari rãmb zẽka b zugu ne b Wẽnde, woto wã b tog n deega b beegra sɩbgre. B na n paa zabrẽ, b na n kʋ-la b kamba, b na n dadga pag fãa sẽn tʋte.»

A Ooze 6:1

Y gomda woto: «Wa-y tɩ d leb Wẽnd nengẽ. Sãmpogra yaa bãmb sãmpogre, la b na le sãoog-d lame; b sɩbg-d lame la b na n loe-la d noadã.

A Ooze 7:10

A Israyɛl zẽk-m-menga n sãamd-a, a ka lɛɛgd n wat maam a Wẽnda nengẽ ye. Yɛla lʋɩ-la a zug toor-toore, la b pa bao m zĩig ye.

A Amoose 5:2

A Israyɛl lʋɩɩme, a kõn le yik ye, a Israyɛl gãee tẽnga la a meng tẽngẽ a kõn paam tɩ ned wa yik-a ye.

A Miise 7:8

La yãmba, m buuda bɛɛba, da laa-y tõnd yel-beeda ye! D sã n lʋɩ me, d na le yiki. D sã n be likẽ me Soaala-Wẽnd la d vẽenem.