Zeremi 7:6 - SEBR SÕNGO

⁶ Yãmb sã n ka maan sãan pãnga, bɩ kɩɩba, bɩ pʋg-kõore, yãmb sã n ka raagd pʋ-peelem soab zɩɩm zĩ-kãnga, la y sã n ka pʋgd bu-zẽmba wẽn-naandsã, tɩ yaa wẽn-naandsa pʋgb n wãad yãmba,

WẼNNAAM SEBRE 2014

⁶ la y ka nams sãambã ne kɩɩbsã la pʋg-kõapã, yãmb sã n ka raag bʋʋm dãmbã zɩɩm zĩ-kãngã, la y ka pʋg bu-zẽms wẽnnaam-dãmb n wa ne toog y meng zugu,

Zeremi 7:6 Iomraidhean Croise

2 Rĩm-dãmba 21:6

A kɩtame t'a biig a ye pɩʋʋg bugum, a boola zĩn dãmba, a kẽe tẽn-kuga, a zĩndga neb sẽn sogsd kɩɩms la bagba. A sãama Soaala-Wẽnd sũuri ne a manes yoodã.

2 Rĩm-dãmba 24:4

Leb n yɩ-la a sẽn daag nin-sõma wã zɩɩm n pids Zerizalɛɛm la Naaba-Wẽnd pa tʋlg n kõ sugri.

Yɩɩn‑sõamyã 106:38

B raaga zɩɩm sẽn ka tog n daag ye, b raaga b kom-dibli la b kom-pugli zɩɩm, Kanaã wẽn-naandsa yĩnga, la zɩ-kãng n dẽgem tẽnga zãnga.

Yelbũna 23:10

Da viig kʋdem-wẽnnẽ toaag kugri ye, da ko n kẽ kɩɩb vẽenemẽ ye.

A Ezayi 59:7

Y nao wã sẽn tõe yaa wudg tao-tao n tɩ maan yelle, yaa zoe tao-tao n tɩ raag zɩɩm, n daag sẽn ka tara a toorẽ yell zɩɩm. Y ka bilgd bũmb a to tɩ ka wẽng bilgri ye, y sẽn tũ sor ninga yaa sãoongo la wãabo.

Zeremi 13:10

Nin-bãmba sẽn tõdge tɩ b ka na n kelg mam goama, nin-bãmba sẽn tũud b sũ-wẽnga sẽn kʋɩ wa kugri, la b zoet n pʋdg wẽn-naandse n wõgemd b taoore n waoogd-ba, mam me na n kɩtame, tɩ b lebg wala sẽbdg kãnga sẽn põog n ka leb n tar võor yɛsã.

Zeremi 19:4

Sɩda, Zɩɩda rãmb basa maam, b tedga zĩ-kãnga nenga; b kʋʋ maando n kõ wẽn-naandse, yaa wẽn-sãamse, bãmb da ka mi-ba, sẽn deng-b bãmba da ka mi-ba, Zɩɩda rĩm dãmba me ra ka mi-b ye. B pidsa zĩ-kãnga ne neb sẽn ka tar b toorẽ yell zɩɩm.

Zeremi 2:30

Mam sɩbga yãmba la yaa zaalem bala; yãmb pa reeg m saglga ye. Y tol n yika wa bõnyẽese n kʋ y bãngdbã.

Zeremi 2:34

al tɩ b ne f futa zugu neb sẽn ka tar-b toorẽ yell zɩɩm. F pa ling-ba tɩ b kaood kʋɩlens ye. Ne rẽ fãa, fo raaga b zɩɩm,

Zeremi 26:15

La bɩ y pĩnd n bãng neere tɩ yãmb sã n kʋ maan, yaa ned sẽn ka tar a toorẽ yelle la y kʋ yã la y na rɩ m zɩɩma taale, yãmb ne y tẽnga, tɩ bala, yaa Soaala meng n tʋm maam tɩ m wa togs-y koees niyns fãa mam sẽn togs yãmba, tɩ yãmb meng tʋbr wʋma.»

Zeremi 26:23

B sẽn ta be, b yãee a Uriya n tall-a n wa kɩs dĩm a Zoakim. Dĩma kõo noore tɩ b kʋ-a ne sʋʋga n dɩk a n tɩ lob tẽnga rãmb yaadẽ.

Zeremi 35:15

M tʋm-y-la naoor ka tɛka bãngdba, m sõgen-kamba tɩ b yeel yã: bas-y y so-yoodã, vɩɩnd-y wala sẽn segde, zãag-y y mens ne wẽn-naandsa pʋgbo la b waoogre, tɩ sã n ya woto y na tõog n vɩɩnd tẽn-kãnga pʋgẽ, tẽng ning m sẽn kõ y yaab rãmba ne b yagense. La yãmb pa maan gũusg ye, yãmb pa kelg ye.

Zeremi 5:28

B nobame n pidi; b wẽnema ka be tɛk ye. B ka kaood bʋʋd ne sɩd ye; b bʋʋd zĩigẽ b zãmbda kɩɩba, ka rẽ kɩɩbã n soẽ bʋʋm. Yaa rẽ yĩng la b paam n lebg arzɛk rãmba. B zãmbda naong rãmba.

Zeremi 7:5

Tall-y y mens neere, vɩɩnd-y wa sẽn segde. Neb a yiibu sã n bool taab bʋʋdo y taoore bɩ y bʋ tɩrga.

Zeremi 7:9

Sɩda, y zuudame, n kʋʋda, n yooda, n kãabdẽ n yaool n ka pidsdẽ, n kẽnd a Baal taoore ne y maando, n pʋgd wẽn-sãamse la m yaool n ka ne bũmb ninga sẽn be yãmb ne bãmb sʋk ye.

Kʋʋr yɩɩla 4:13

La rẽ fãa yaa bãngdba yɛl kɛga yĩnga, yaa maan-kʋʋdba tʋʋm beeda yĩnga, tɩ tẽnga pʋgẽ b raaga pʋ-peelem dãmb zɩɩm.

Ezekiyɛl 18:6

A ka rɩt maanda rɩɩb tãmsa zut ye; a toog ka be ne Israyɛl wẽn-naandsã, a bõn-dẽgdã ye; a ka baood a to paga, la a yõgda a menga a pag kiuug wakato.

Ezekiyɛl 22:7

Israyɛl pʋgẽ, biig sãbsda a ba la a ma, n namsd sãana, n yũud kɩɩb la pʋg-kõor zɩɩm.

Maan‑kʋʋre 19:33

Sãan sã n nok yãmba, bɩ y ra tall-a toog ye.

Maan‑kʋʋre 25:17

Ned ba a ye da wẽd a to ye, la y fãa zoe Soaala-Wẽnd nifu, tɩ yaa maam la yãmb Wẽnnaam, rũnda la beoogo.

Malasi 3:5

Dũni fãa Soaala gomda woto: «M na n wa zĩnda y sʋka n kao-y bʋʋdo. M sẽn na n bool bʋʋda pipi, yaa sẽn tʋmd-b bag-tʋʋma, sẽn yoaad-ba, sẽn ka pidsd b pʋlengo, sẽn ka yaood b tʋʋm-tʋmdba, sẽn namsd b pʋg-kõap la kɩɩb-bi la sãamba, neb niyns fãa sẽn vɩ wa b toog ka be ne maama.»

A Matiye Sõng 27:25

B le naaga taab n yeele: «Bɩ a zɩɩma taal pa d zug la d kamba zugu.»

A Matiye Sõng 27:4

n yetẽ: «Ade, m kongame n kɩt tɩ b na n daag ned sẽn ka tar a toorẽ yell zɩɩm.» La b yeel-a lame: «Dẽ ka pak tõnd ye, foo n na bãnge.»

Yaoolem 11:28

Yaa kãab beedo la m kãabd-y, y sã n pa reeg Wẽnnaam, y Soaala, noore n bʋdg sor ning m sẽn wilgd yãmb dũnna la y pʋg wẽnd-dãmb y sẽn da ka mi.

Yaoolem 24:17

Da wẽg sãan bɩ kɩɩb bil ye. Da reeg pʋg-kõor fuug ye.

Yaoolem 27:19

‹Wẽnd na sãam ned ninga fãa sẽn wẽgd sãana, kɩɩba la pʋg-kõore!› Tɩ neba fãa na n leoke: ‹Ami!›

Yaoolem 8:19

F sã n saag n yĩm Soaala, f Wẽnnaam, yelle, f sã n pʋgd wẽn-naandse, n wõgemd b taoore n waoogd-ba, m wẽend tɩ Israyɛl ne a kamba na menem zãnga.

Zake 1:27

Wẽnnaam d Ba wã tũudem akɩka la woto: kɩɩb bɩ la pʋg-kõap yell gesgo, la b zu-loees yolsgo n paas zãag-m-meng ne zamaana rẽgd buud fãa.