Zeremi 4:8 - SEBR SÕNGO

⁸ Yeelg-y sũ-pa-noang futu, wilg-y y sũ-sãanga, kelem-y kʋʋre; Soaala-Wẽnd pa rat n bas-d taal ye: b sũura sɩd puuga wʋsgo.

WẼNNAAM SEBRE 2014

⁸ Woto yĩnga, bɩ y sẽgen bot n yãb n wiisi! Bala, Sẽn-Ka-Saab sũur ket n puuda ne tõnd n ka basdẽ ye.

Zeremi 4:8 Iomraidhean Croise

Yɩɩn‑sõamyã 78:49

B yĩma b sẽn bas tɩ b sũura puug n waag-ba, n bas-b ne sũ-beed la yɩɩre, n bas-b ne tẽn-kũum malɛgse.

A Ezayi 10:4

Paka y sulg n deeg y yembd wĩiri, keta y naag sẽn ki-bã n looge. Soaala sũ-puur ket n pʋgda y fãa gilli, b nug ket n zẽkame n na n wẽ.

A Ezayi 13:6

Wiis-y, kelem-y kʋʋre tɩ Soaala-Wẽnd daar kolgame! Yaa Soaala n wat n na n wã b wãabo.

A Ezayi 22:12

Ad-y marsã wã, dũni fãa Soaala da ratẽ lame tɩ y yãbẽ, n kelmẽ kʋʋre, n põngẽ y zugu la y sẽgnẽ sũ-pa-noang futu.

A Ezayi 32:11

Dig-y rabeem, ka yɛɛsd bũmb dãmba, dɩka mi rabeem dãmba? Yees-y futu, kẽne y bɩlgemde, mobg-y y sɛɛg ne sũ-pa-noang fuug bala.

A Ezayi 5:25

Wẽnd sũur yika ne b neba, tɩ b zẽk b nug n wẽ. Yaa zẽk-m-meng rãmba la b kʋ yã, b bilim-b lame n dʋʋg soya zutu. Ade Wẽnd sũur nan pa sig ye, b ket n zẽka b nugu.

A Ezayi 9:12

Ne rẽ fãa a Israyɛl pa lɛɛg n wa a poorẽ, a ka kẽ dũni fãa Soaal sẽn sɩbgd yẽnda wã ye.

A Ezayi 9:17

Sɩda wẽnem dɩta wa bugum; a na n sɩnga kãgre la gõose, n wa tat tʋga gilli, tɩ bug-zõos na n tão yĩngri, n tão wala sɩlmande.

Zeremi 25:34

Pʋd-y Sũ-sãang yɩɩlle la-n-kaas-y yã, yãmba, dũni soaalba. Lʋɩ-y n bilim-y tẽnga, yãmba, pe-kɩɩmba tɩ yãmb daar n ta tɩ b tat yãmb n dabd rũmsa kʋʋb zĩigẽ. B na n lub-y lame wala wubra pe-ra-nobdse. Taoor dãmba ka na n põs ye.

Zeremi 30:24

Soaala-Wẽnd sũura ka na n sigi tɩ b ka pids b sẽn da yalsa ye. Dẽ na waa n lebg vẽeneg y yĩnga, daar a ye!

Zeremi 48:20

Yaa woto la b leokda: Yãnd tara a Moab, a basa raood zãnga! Waas-y yã! Kelem-y yã! Moon-y Arno kʋɩl-bɛɛga noore t'a Moab wãame.

Zeremi 6:26

M buuda kamba, bao-y sũ-pa-noang fuugu n sẽgen y sɛɛga, bilim-y tompɛglmẽ. Kelem-y kʋʋre, bi-yend sẽn ki kʋʋre, pʋd-y kʋ-toog yɩɩlle, tɩ bɛ wã yika vugr bala n wat n na n wã-fo.

Kʋʋr yɩɩla 1:12

Yãmb-fãa, so loaadba, yaa a Siõ n gomd woto, yãmb fãa zẽk-y y neng n gese tɩ y zɩ n yãend toogo sẽn zem tõnd rẽnna ye, Soaala sẽn tool tõnd a soaba, b sũ-puura raara ye.

Ezekiyɛl 21:12

La b sã n sok tɩ yaa bõe tɩ f waasdẽ, f na leoke: ‹Kibar n na n wa, la sũur fãa na n kiuusame, nug na n digame, tɩ yam bondge, tɩ rũmd sao kalwaare. La ade yella taa-d lame n sɛ. Soaala-Wẽnd n yete.› »

Ezekiyɛl 30:2

«Ezekiyɛl, gom bãngr goama, taas neba maam, Naaba-Wẽnd sẽn yet tɩ f taas-b koees niynsã: ‹Yãb-y tɩ yel-beed n wat y zugu!

A Zowɛlle 1:13

Yeelg-y sũ-pa-noang futu la kelem-y yã, maan-kʋʋdba, maan-kugra sõgen-kamba. Yãmba, Soaala-Wẽnd sõgen-kamba, gãand-y wẽnd doogẽ n wiisi, n wilg y sũ-sãanga. Alkama la rãama ka le wat n kõt wẽnd doogẽ ye.

A Amoose 8:10

M na kɩt tɩ y kibs rãmba lebg sũ-sãanga, tɩ y yɩɩla lebg kũmkũm. M na sẽgen-y sũ-pa-noang futu, la zuta fãa zoobd na kõoge. Na n yɩɩ wala ma-bi-yend kʋʋre. Daara na n kell n yɩɩ sũ-beedo ne sũ-beedo!»

A Miise 1:16

Gʋs-y y zoobdo, põng-y y zugu, Zerizalɛɛm dãmba; bɩ y zuta kõog wa yɩbrgo rẽnna. Yãb-y y kom-nongdsã tɩ b na n looga pa-weer zĩ-zãorgẽ.

Sõadga 25:4

Soaala-Wẽnd yeela a Moyiiz: «Yõg buuda taoor dãmba la luul-b Wẽnd taoor zĩig sã n yẽege la woto Soaala sũ-puura na zãag ne b nebã.»