Zeremi 4:7 - SEBR SÕNGO

⁷ We-naaba yi-la a tʋgrẽ, dũni wã tẽn-wãada yikame n dɩk sore; a yi-la a sẽn da sorẽ la a wat n na n zɛ-la y tẽnsã. Y tẽnsa na n lebga raboodo, ned ba a ye kõn le pa b pʋgẽ ye.

WẼNNAAM SEBRE 2014

⁷ Gɩgemd fão n yi a gãagẽ, sẽn sãamd-a soolem-dãmbã yi a zĩigẽ n watẽ. A na n sãama y tẽngã, a na n kɩtame tɩ y tẽmsã lebg raboodo. Ned ka na n tol n leb n zĩnd b pʋsẽ ye.› »

Zeremi 4:7 Iomraidhean Croise

2 Rĩm-dãmba 24:1

A Zoakim zamaanẽ, a Nabikodonozor, Babilon dĩma, yiisa tãpo; a Zoakim saka a noore, yʋʋm a tã, n yaool n wa yik n giri.

2 Rĩm-dãmba 25:1

A Sedesiyas naama yʋʋmd a wɛ soaba, kiuug piig soaba, kiuuga piig daare, Babilon dĩma a Nabikodonozor, waa ne a tãb-biis fãa n kaoog zabre ne Zerizalɛɛm, a gãnega a tãpo tẽngã noore n tu boko n gũbg-a.

A Ezayi 1:7

Y tẽnga fãa lebga we-raoogo, y zagsa fãa yõoga bugum, la ad tẽn-zẽng rãmba sẽn sãamd y pʋto tɩ y zĩi n getẽ.

A Ezayi 5:9

Wẽnd sẽn walem m tʋbrẽ la woto: Yaa rot ka tɛka n na n dʋʋge, dot sẽn tar yalem la neerem; nin-vɩɩg ka ket sẽn na n kẽ-b ye.

A Ezayi 6:11

Dẽ la m sok yã: «Na n talla woto n tãag wakat bʋgo, Soaala?» La b leok-m lame: «M na gũu tẽnsã sẽn wat n lebg vɩɩdo, tɩ ned ba a ye ka le kẽed-b ye, tɩ pʋʋg ba a ye pa le tar koaad ye.»

Zeremi 2:15

B yik n yɛsa ne-a wa bõnyẽese, b tees-a lame n wũundẽ, b kɩtame t'a tẽnga lebg zĩ-pɛɛla, a tẽn-bɛda fãa rɩɩ bugum, tɩ ned ba a ye ka ket b pʋgẽ ye.

Zeremi 22:6

Sɩda, yaa woto la Soaala-Wẽnd gomd Zɩɩda naaba roog poorẽ: Ne m sẽn get-fo tɩ f neerma pida wa Galaad googo, wala Libã zug-tẽnsʋka, ad-m kãabdame tɩ m na kɩte tɩ f lebg zĩ-peen-daaga, f na lebg raboogo.

Zeremi 22:7

Fo yĩnga m na tigs tẽn-wãadba, m na yiis-b ne wãab te-bɛda b na kɛ y kʋgsã, y tɩ-neebã, la b na n ning-b-la bugum.

Zeremi 25:38

Yaa wa gɩgemd sẽn mi n yi a tʋgrẽ tɩ fãa lebg sɩɩ. Tẽnga fãa lebga zĩ-peelle. La zabra tẽn-kũuma n wa ne rẽnna, Soaala sũura sẽn puugã n wa ne rẽnna.»

Zeremi 25:9

ade, mam na tʋmame tɩ b kẽng n tɩ bool goabg rãmba fãa la b bool m tʋʋm-tʋmd a Nabikodonozor, Babilon dĩma. M na n kɩtame tɩ b wa zab ne tẽn-kãnga nebã la a yagsã sẽn ya bu-zẽmba. M na naag bãmb ne yãmb n wã zãnga, la m na n kɩtame tɩ tẽnga lebg raboogo, la sẽn na n yãend-a na n yɛɛsame la a fɩɩle n wilg a sũ-beedo. Yaa maam, Naaba-Wẽnd n gomd woto.

Zeremi 26:9

Yaa bõe yĩnga tɩ fo yet tɩ Soaala n kõ-f noore tɩ f togs tɩ wẽnd do-kãnga na n wãa wala Silo, tɩ tẽn-kãnga me na n wã, la ned kõn leb n zĩnd a pʋgẽ?» Sẽn da be-b wẽnd doogẽ wã wa n gũbga a Zeremi, n zabd-a.

Zeremi 27:8

Tẽng ninga fãa, bɩ rĩung ninga fãa sẽn ka na n kẽ a Nabikodonozor, Babilon dĩma, la a tẽeg a yubla tɩ Babilon dĩma palg nag-koodsa raoogã, m na n kɩtame tɩ b pa zabrẽ, tɩ kom lʋɩ b tẽngẽ, tɩ bã-longdem yõk-ba. M na kɩt tɩ Babilon dĩma sõng-ma tɩ m menes tẽn-kãnga.

Zeremi 33:10

Woto la Soaala gomda: Zɩɩda rãmba, yãmb saad n pordame tɩ b wʋka y tẽnga laog fãa n looge, ned ka kete, rũng ka kete. Yaa sɩda, Zɩɩda tẽnse la Zerizalɛɛm soya lebga vɩɩdo, nin-vɩɩg ka kete, ninsaal bɩ rũnga. Bãng-y tɩ tẽn-kãens pʋgẽ b na n le wʋma

Zeremi 34:22

Ad-y m na bool-b tɩ b lɛɛg n wa tẽn-kãnga, n zabe, n lub-a, n yõog-a bugum. La mam na n tedga Zɩɩda tẽnsã tɩ b lebg we-raoog sẽn kẽesd rabeem. Maam, Naaba-Wẽnd, n gome.»

Zeremi 4:29

Kɛleng n kelme tɩ b baad bilim-bilm, tɩ b baad tãbda rãmba. Tẽnga neba fãa sɩnga zoees bala. Kẽer soonda tʋgẽ, tɩ kẽer dʋʋd pĩisi. Tẽnsa fãa lebga vɩɩdo, ned ba a ye ka le ket b pʋsẽ ye.

Zeremi 44:2

Dũni fãa Soaala, a Israyɛl Wẽnnaam n togsde: «Yãmb yãee yel-beed niyns fãa mam sẽn tak Zerizalɛɛm la Zɩɩda tẽns fãa zugu. Ade, dũnna b lebga raboodo, neb ka leb n be be yɛs ye.

Zeremi 46:18

Ad-y Soaala, dũni fãa Wẽnd, wẽendame: «Bɛ wã na n waame, dẽ yaa bũmb sẽn ya sɩda wa sẽn ya sɩda tɩ Tabor yaa tãnga n leb n ya sɩda tɩ Karmɛl sulgd n geta mogrã.

Zeremi 49:19

Ade, m na n yɩɩ wa bõnyẽega, sẽn yit Zʋrdẽ kãgrẽ n tees rũms wãbneg-zĩiga, Yaa Soaala-Wẽnd n gomde, la vugr bala m na n sẽega fãa. Dẽ poore m na n ninga m yam sẽn dat a soab be. Ãnna n zem maam? Ãnna n tõe n bool maam bʋʋdo? Nin-naab a bõe n tõe n yaas mam taoore?

Zeremi 5:6

Yaa rẽ yĩnga la bõnyẽeg yit tʋgrẽ n yõgd-ba, yaa rẽ yĩng la digd-n-yĩidg tõsd-ba, tɩ ãbg wat n sor b tẽnsa noore, la a sɩɩgd sẽn yit-a fãa. Kato, b sẽn tar tõdgr la b sẽn tare, b zãmba ka be tɛk ye!

Zeremi 50:17

Israyɛl da yaa pe-yãang sẽn da menem, pe-yãang bõnyẽes sẽn da rigdi. Sẽn yɩ-a pipi soaba n yĩig-a, yaa Asʋr dĩma. Yẽ poore yɩ-la a Nabikodonozor, Babilon dĩma, la dĩm kãnga pãba a kõabã n bõgse.

Zeremi 50:44

Ade, m na n yɩɩ wa bõnyẽega, sẽn yit Zʋrdẽ tʋgrẽ n wat rũms wãbneg zĩigẽ. Tao bala, bũmb fãa na menem. M na kẽes Babilon dĩm ning m sẽn tũusa soolmẽ. Ãnda n tõe n mak a meng ne maam, ãnda n na sok maam m sẽn maande? Tẽng-soaal a bõe n tõe n yals m taoore?

Zeremi 8:16

Bɛ wã zoe n kẽe Dã, be rãmb wʋmda b wiidi wã sɛsga. B wed-daadã kɛleng miima tẽngã. B waame la bũmb kõn kell ye, tẽn-peelma ne a pʋgẽ teedo, na-tẽnga ne a kẽedba fãa.

Zeremi 9:11

Yam soaba a bõe n tõe n wilg yɛl kãensa võore? Sã n yaa Soaala n gom ne-a bɩ a wilg tẽnga wãab võore, n wilg bõe n kɩt t'a lebg we-raoogo tɩ ned ka le rat n tag a pʋgẽ.

Ezekiyɛl 12:20

Tẽnsã na n lebga vɩɩdo, pʋta na n lebga zĩ-pɛɛla la woto y na bãng vẽenega tɩ maam la Soaala-Wẽnde.› »

Ezekiyɛl 21:31

Ad-m sẽn yete maam, Naaba-Wẽnde: ‹B na deega sẽn wilgd tɩ f yaa rĩma, b na n fõka f pugla. Yɛla teemame. Sulg-m-meng rãmb la b na n zẽke la b sik pãng rãmba.

Ezekiyɛl 32:2

«Ezekiyɛl, maan kũmkũm yɩɩlle Ezipt dĩma yĩnga. Ad maam, Naaba-Wẽnd, sẽn yete: ‹Fo bee bu-zẽmba sʋka wa bõnyẽ-bila, la wakat kẽer me f manesma wẽnda wag-bãnda manesem; tɩ f be kʋɩlga naoorẽ n deemnẽ, tɩ f nao wã dẽgemd kooma, tɩ f bendgd kooma ne f ko-wiisi.›

Maan‑kʋʋre 26:31

M na n kɩtame tɩ y tẽnsa lebg raboodo, m na n zũndga y wẽnd dotã, m kõn le kok y maanda yũug ye.

Maan‑kʋʋre 26:33

M na n sẽeg-y-la nin-zẽmba sʋka, m na n tʋma bɛɛba tɩ b wa tak zabr ne-yã. Y tẽnga na n lebga zĩ-peen-daaga tɩ y rot lebg raboodo.