Zeremi 4:2 - SEBR SÕNGO

² Zirẽ-beed sã n ka f noorẽ, tɩ f wẽen wa sẽn tog la sẽn zemse, n wẽen ne Soaala, vɩɩm naaba, ad bu-zẽmba mens na kos-ma tɩ m ning-b barka, la b na kils m yʋʋre.

WẼNNAAM SEBRE 2014

² yãmb sã n wẽen ne maam a Sẽn-Ka-Saab sẽn vɩ wã yʋʋr ne sɩd la tɩrlem ne zemsgo, buud a taabã na n kosa maam tɩ m ning-b barka, la b na n pẽga maam.»

Zeremi 4:2 Iomraidhean Croise

Sɩngrẽ 22:18

La buud a taaba na n tũ fo maasem n paam barka, fo sẽn deeg m noora yĩnga.»

1 Rĩm-dãmbã 3:6

T'a Salomo leoke: «Yãmb maana neer wʋsgo ne m ba, a Daviid. Yẽ me modgame n kẽn yãmb taoore, ne pʋ-peelem, ne zemsgo, ne sũ-tɩrga. Yãmb nonglem ka zãag ne-a ye, la y sõngame t'a biig a ye dʋ a naam zaoore.

Yɩɩn‑sõamyã 72:17

Bɩ dĩma yʋʋr da menem moog ye, a yʋʋra zẽk saaga tẽngre, tɩ ned fãa pʋd a yʋʋra ne pẽgre, tɩ neba fãa boola tɩ zu-noog soaba.

Yɩɩn‑sõamyã 99:4

Dĩm pãnga ya a nong zemsgo, yãmb n wilg bũmb ning fãa sẽn toge, Yaa yãmb n wilg a Zakoob buudã sẽn zems la sẽn segde.

A Ezayi 45:23

M wẽenda ne m menga, m noor sẽn yiis yaa sɩda, yaa gomd sẽn ka tõe n ka pidsi. Yaa mam taoor bala la rũmd fãa tog n yĩgimdi yaa ne mam yʋʋr bala la zelemd fãa na n wẽene,

A Ezayi 45:25

Wẽnd maasem yĩnga, a Israyɛl buuda na paam tõog la ziiri!

A Ezayi 65:16

B tẽngẽ wã, ned ninga sẽn dat-a n kãab a to kãab noogo, yaa bãmb b ye bal sẽn ya Wẽnda yʋʋre la b na n pʋde. Sẽn dat-ba n wẽene, yaa Wẽnde, sɩd Naaba, yʋʋr bal la b na n wẽene. N-ye! Yel-beed niyns sẽn loogã Soaala-Wẽnd na n yĩm-b lame, b na luda Wẽnd nifẽ. Yaa Soaalã n gomde.

Zeremi 10:10

Sã n ya Soaala-Wẽnde, bãmb sɩd yaa Wẽnnaam, b yaa Wẽnd sẽn vɩ, b yaa Na-kãsenga, daar fãa yĩnga. B sã n puug b sũuri, tẽnga fãa miimdame; b sã n puug b sũuri, bu-zẽmba fãa ka le tar daood ye.

Zeremi 12:15

M sã n yiis m nebã n sɛ, m na yaool marsã n zoe b yagsa nimbãanega, n kɩt tɩ ned kam fãa kẽng a soolmẽ, tɩ ned kam fãa leb a tẽngẽ.

Zeremi 12:16

B ra zãmsa m buuda t'a wẽend ne a Baal yʋʋre. La b sã n tõog n zãms n vɩɩnd wa m neba sẽn tog n vɩɩndã, b sã n wẽend ne Soaala, ne Vɩɩm Naaba yʋʋre, bãmb me na paam zĩiga m buuda sʋka.

Zeremi 16:19

Soaala-Wẽnde, yãmb la m pãnga, m teegd fãa-fãa, m gũuda, m soondg zĩiga m yɩɩr wakato! Ad-y bu-zẽmba na n yii zĩis fãa n wa yãmb taoore. B na n yeelame: D ba rãmba sẽn da pʋgd wẽnd niynsã yaa belgem-belgem bala, yaa sobgo, yaa zaalem.

Zeremi 3:17

Wakat kãng b na n boola Zerizalɛɛm tɩ Soaala-Wẽnd naam zaoore. Ninsaalb buud fãa na n tigma taab be, m waoogr yĩnga. B sẽn da keng b sũuri n tũud sor ningã, wẽnem la yalemd sorã, b kõn le rɩk so-kãng ye.

Zeremi 33:9

Dẽ marsã la m sũur na n yɩ noogo m sã n pʋt Zerizalɛɛm yʋʋre, a na n lebga m zu-zẽkre la m faongo ãndũni rãmba fãa taoore. B sã n wa bãng m sẽn segend n na n kõ-b kũun niynsã, b na n diga rabeem, b na n yɛɛsa b sẽn na n gale ne sũ-noog la arzɛk ningã.› »

Zeremi 5:2

Ad-y tẽnga rãmb sã n wẽenẽ la b yet woto: «M wẽend ne Soaala-Wẽnd, Vɩɩm Naaba,» b wẽena Soaala yʋʋr zaalem.

Zeremi 7:5

Tall-y y mens neere, vɩɩnd-y wa sẽn segde. Neb a yiibu sã n bool taab bʋʋdo y taoore bɩ y bʋ tɩrga.

Zeremi 9:24

Ad daar n wate, Soaala koɛɛga, tɩ m na n yik ne sẽn kẽ-a bãongo sẽn ya yĩng bãong bala.

A Ooze 2:19

M kõn sak tɩ Baal yʋʋr meng le yi f noorẽ ye. A wẽn-taasa yʋʋr meng kõn le pʋd ye.

A Zowɛlle 2:12

Maam, Naaba-Wẽnd, n gomd woto: «Y ket n tõe n lɛɛg n wa kẽe maam. Lɛɛg-y n wa-y yã ne y sũur fãa. Loe-y y noore, yãb-y la yõk-y m sɛɛga.

Zakari 8:8

M na n le tall-b lame n wa, tɩ b zĩnd Zerizalɛɛm tẽnsʋka. B na yɩɩ mam neba la mam me na n yɩɩ bãmb Wẽnnaam, tɩ m zã-b ne pʋ-peelem la zemsgo.»

Malasi 1:11

Sẽn sɩng dũni wã yaanga n wat taoore, neb sẽn ya buud toor-toore mi-la m pãnga. Zĩig zãnga b wata ne kũun sẽn tog ne ma. Zĩig zãnga b yõogda tɩdare m waoogr yĩnga. Bala m yʋʋra yaa kãsenga tẽnsã fãa yĩnga. Yaa maam n yet rẽnna, maam, dũni fãa Soaalã.

1 Korẽnt rãmba 1:31

Yɩɩ woto la sẽn gʋlsa pids yã: «Sẽn baood-a pẽgr bɩ a bao-a Wẽnd nengẽ.»

2 Korẽnt rãmba 10:17

Ned sã n baood a pẽgre, bɩ a bao-a Soaala nengẽ.

Galat Rãmba 3:8

Sebr sõng sẽn pĩnd n mi tɩ Wẽnd na n tũu tẽeb n fãag bu-zẽmbã, b pĩnd n togsa a Abraam kiba-noog kãngã: «Yaa fo maasmẽ la Adem biis na n paam barka.»

Yaoolem 10:20

Yãmb na n zoe Wẽnnaam, y Soaala, rabeem n deeg b noore, n nong-ba, n ka wẽen ne ned a to yʋʋr sã n ka bãmb dẽnna.

Yaoolem 4:30

Yell sã n wa pak-fo, Israyɛl, yel-beeda sã n wa lʋɩ f zugu, f na lɛɛg n wa Wẽnnaam, f Soaala, nengẽ, la f na kelg b koɛɛga.

Yaoolem 6:13

Modg n dig rabeem, n dig Wẽnnaam, f Soaala, rabeem; bãmb bal la f na n waoog, bãmb yʋʋr yĩng bal la f na n kãabe.

Filip rãmba 3:3

Zũns bal la tõndo tɩ tõnd waoogra n tũud Wẽnd Vʋʋsem sẽn date. La tõnd basa kʋdemdã teegre n na n teeg Krista a Zezi bala.

A Ruti 3:13

Dɩlla pa ka yʋngã la beoog yibeoogo m na wilg roagdã t'a sã n dat-fo, a na yao a sẽn tog n yao bũmb ningã tɩ f yaool n kul-a. A sã n yeel t'a yam ka foo, m wẽend ne Wẽnd tɩ m na reeg-fo, la pa ka n ta beoogo.»

1 Sãmwɛlle 20:3

La a Daviid wẽename n yeel: «F ba mii vẽenega tɩ tõnd moor zemsda taaba, la woto wã a yeela a menga: ‹M modg t'a Zonatã ra wʋm bũmb t'a sũur wa sãam ye.› La yaa sɩda, tɩ maam ne kũum sẽn zãr taaba, yaa nif la yõore bala wala sẽn ya sɩda tɩ Naaba-Wẽnd vɩɩme la fo me vɩɩme.»