Zeremi 3:1 - SEBR SÕNGO

¹ Soaala-Wẽnd goma ne maam n yeel: «Ned sã n dig a paga, tɩ paga yi n tɩ rɩk sɩd a to, sɩda tõe n le reeg-a-la a nengẽ bɩ? Ka tõe ye, ka rẽ, yaa tẽngã n dẽgemde. La foo, Israyɛl, yaa Soaala-Wẽnd n gomde, fo saka yoob ne neb wʋsgo, n ket n dat tɩ m le reeg-fo. M sok n ges na tõoge?

WẼNNAAM SEBRE 2014

¹ Maam a Sẽn-Ka-Saab yetame: «Ned sã n dig a pag tɩ ned a to rɩk-a, a sɩdã tõe n leb n peeg-a lame sɩda? A sã n leb n peeg-a, a ka na n dẽgem tẽngã zãng sɩda? La yãmb a Israyɛll nebã, yãmb maana wa pʋg-yoodr sẽn tar dolsen-dãmb wʋsgo. Yãmb na n lebg n waa mam nengẽ sɩda?

Zeremi 3:1 Iomraidhean Croise

Yɩɩn‑sõamyã 106:38

B raaga zɩɩm sẽn ka tog n daag ye, b raaga b kom-dibli la b kom-pugli zɩɩm, Kanaã wẽn-naandsa yĩnga, la zɩ-kãng n dẽgem tẽnga zãnga.

A Ezayi 24:5

Tẽnga rẽgmame, tẽnga kamb n tʋm dẽnna tẽnga kamb tõdga noore, tẽnga kamb kɩɩsa Wẽnd noore, n sãam zoodã sẽn da yõg daar fãa yĩnga.

Zeremi 2:20

Kelge, Israyɛl, f Soaala koɛɛga! N-yẽe! Al daar zãra, fo tara f zug zẽkr ne maam, fo basa maam la yaa woto la f zĩ n gomda: M dat n sooga m menga, la sɩda, wa pʋg-yoodre, f tʋɩta f gãag tãms zutu la tɩɩs tẽngre.

Zeremi 2:23

Fo na n maana wãna n tõog n yeele: Mam ka rẽgem m meng ye, m ka zoe n pʋg Baal dãmb ye. Ges f nao-tagdr sẽn dɩg bãg-faagẽ, reeg f kongre. Ad-f wẽnda yʋgem-sɛdga, n saad n zoet goabg la rɩtgo.

Zeremi 2:7

Maam n yaool n tall yãmba n tɩ kẽes-y tẽn-noogẽ, tẽng sẽn bĩm ne tɩɩse tɩ y na n dɩ bi-noodo, la y rok y nin yõodo. Be la m tẽnga, la y tɩ kẽeme n dẽgem-a; da yaa m soolem, la y kɩtame t'a lebg wɩɩbdo.

Zeremi 22:20

Dʋ Libã tãnga zugu n kaase, Zerizalɛɛm, Dʋ Bazã tãnga n kelem tɩ sãde. Kelem lolle Abarim tãmsa zutu, woto f zo-rãmba na bãng tɩ f yell sɛɛme.

Zeremi 3:22

Lebg-y n wa-y yã, wa-y n pʋg maam, bi-beese, m na sãoog y tʋb-pa-wʋmdma. Ade, tõnd wata y nengẽ, tɩ yaa yãmb bala, Soaala, la tõnd Wẽnde.

Zeremi 3:9

Yẽ me saame n yo ne wẽn-naandse, sẽn pees ne raoog bɩ kugri. A rẽgma tẽngã.

Zeremi 31:22

F lebgra na n le tadgame n ta da-bʋre, bi-tõtre, ra-bʋg la f yãk yã? Mik Soaala le waa ne bõn-paal tẽng zugu: marsã yaa pagã n na n belma a sɩda.

Zeremi 4:1

Israyɛl, ad-f sã n leb poorẽ, yaa Soaala n gomde, f tõe n le wa-la m nengẽ. Fo sã n zãag ne maam f wẽn-naan-yoodã, f kõn le baood n na n zoe ye.

Zeremi 4:14

Zerizalɛɛm, f sã n dat fãagre pek f sũuri, yiis a wẽnema. F sũura na n kell n paa ne a tags wẽnsã n ta da-bʋre?

Kʋʋr yɩɩla 1:2

Yʋnga tatame tɩ ya yãbr bala. Yɛga mada ne nintãm. Ned pa le nong-a n na n wa bels-a ye. A zo-rãmba fãa zoe n bas-a lame. Bãmb n pʋs n lebg a bɛɛba.

Ezekiyɛl 16:26

Fo yoo wʋsgo ne Ezipt rãmba, f yagse sẽn be pãnga la f puuga m sũuri.

Ezekiyɛl 16:30

Ad fo ka tar yõnofr ye, maam n yete, maam, Naaba-Wẽnde. F wẽnema yɩɩga pʋg-yoaad bɛda fãa rẽnna.

Ezekiyɛl 16:35

Be neere, pʋg-yoaada, kelg Soaala-Wẽnd gomde.

Ezekiyɛl 33:11

Ad maam, Naaba-Wẽnd, Vɩɩm Naaba sẽn leokde: ‹Mam pa nong nin-wẽnsa kũum ye, mam sẽn date, yaa b teem zʋgo n paam n vɩɩnde. M kot-y lame, Israyɛl kamba, tɩ y bas wẽnem. Bõe yĩng la y na n tʋlg kũum?›

A Ooze 1:2

Ad Soaala-Wẽnd koeesa sɩngre, koees niyns a Oze sẽn deeg n taas-dã. Soaala-Wẽnd yeela a Oze: «Kẽng n bao pʋg-yoodr a ye, n maan f paga. A sẽn na n dog kamb niynsã kõn deeg f raboog pʋɩɩr ye. Tẽnga rãmb basa maam, b Soaala. B maana wa pʋg-yoaad sẽn bas a sɩda.»

A Ooze 2:2

Sasa kãnga, Zɩɩda ne Israyɛl kamba na n le lagma taaba, b dĩma na n yɩ-la a ye. B tẽn-peelma me kõn le yɩ ned a to soolem ye. Wẽnd na taas a Zizreyɛl a da kãsenga raare!

A Miise 2:10

Yik-y n loog-y! Vʋʋsg sɛɛme. Y sẽn bas maama yaa naong ne naong la y na n sege.

Zakari 1:3

«Maam, dũni fãa Soaala, sũur puuga al wʋsgo ne yãmb ba rãmba. Lɛɛg-y n wa kẽ-y Soaala, tɩ mam me na le bao y zĩiga. M kãabd-y-la rẽnna.

A Matiye Sõng 5:31

B yeelame yɛsa: Ned ninga sẽn yiisa pag tog n kõ-a-la a rigb sebre.

Yaoolem 22:21

b talld-a lame n taas a ba zak noore. Tẽnga rãmb labd-a-la ne kuga n kʋ, t'a sẽn maan yoob a ba zakẽ, a maana bũmb sẽn kis Israyɛl tẽn-peelmẽ. Yiis wɩɩbd a woto buud f sʋka!

Bʋ-kaoodba 19:2

B moora waa n yõsga taaba tɩ paga leb a ba zakẽ, Zɩɩda Bɛtelyɛɛm tẽnga. A paa be sẽn ta kiis a naase.