Zeremi 26:2 - SEBR SÕNGO

² «Yaa maam, Naaba-Wẽnde, n kõt-f noore: kẽng n tɩ yals wẽnd dooga sɩmandẽ la wilg neb niyns fãa sẽn yit-b Zɩɩda tẽnsẽ n wat n na n waoog Soaalã, togs-b bũmb ning fãa, m sẽn yet tɩ f togs-ba n da kees bũmb a ye meng ye.

WẼNNAAM SEBRE 2014

² «Maam a Sẽn-Ka-Saab yetame: ‹Kẽng n tɩ yals Sẽn-Ka-Saab roogã zak pʋga, n gom ne neb nins fãa sẽn yit Zʋʋda soolem tẽmsẽ wã fãa, n wat n wõgemded maam a Sẽn-Ka-Saab roogẽ wã, n togs bãmb goam nins fãa mam sẽn yet foomã, n da bas ba a yembr ye.›

Zeremi 26:2 Iomraidhean Croise

Zeremi 1:17

Aya, Zeremi! Bɩ f sẽbg f sɛɛga, yiki! Moon bũmb ning fãa m sẽn na n yeel tɩ f togs-ba. Da bas tɩ b yɛɛs-f ye, sã n ka rẽ maam n na n kɩt tɩ f rig rabeem bãmb taoore.

Zeremi 1:7

Tɩ Soaala-Wẽnd leok-ma: «Da sak n yet tɩ fo yaa yãaga n paoodẽ ye. Ad foo n tog n kẽng mam sẽn na n tʋm foom neb niyns nengẽ, n wilg-ba m sẽn yet tɩ f wilg-b bũmb ning fãa.

Zeremi 19:14

A Zeremi yii Tofɛt, Soaala-Wẽnd sẽn da tʋm-a zĩig ninga, t'a tɩ togs b koɛɛgã. A sẽn lɛɛg n wa, a yaasa wẽnd dooga taoore, n zẽk a koɛɛga n yeel neba fãa:

Zeremi 23:28

Bãngd ninga sẽn paam-a zãmsgo, bɩ a togs a zãmsgo! La a sã n wʋma mam gomde, bɩ a togs mam gomde n da rogl bũmb ye! B ka tõe n dɩk kãnkãre n mak ne kaaf ye, Soaalã n gomde.

Zeremi 25:2

Bãngd a Zeremi goma Zɩɩda neba taoore, n paas Zerizalɛɛm dãmb fãa taoore.

Zeremi 28:5

Bãngd a Zeremi leoka bãngd a Ananiya, ne maan-kʋʋdba la neba sẽn da be wẽnd dooga pʋga:

Zeremi 36:10

Wẽnd dooga pʋga, sẽn da tigim-ba fãa taoore, a Barʋk zẽka a koɛɛg n karem a Zeremi sẽn da kɩt tɩ b gʋls sebra zugã. A ra be-la a Gemariya zãongẽ. Yẽ yaa a Safã biiga, sẽn yɩ dĩma sɛba gɛta. Zãonga ra bee wẽnd dooga sɩmandẽ, No-paala sɛɛga.

Zeremi 42:4

Tɩ bãngda Zeremi yãe n leok-ba: «M wʋmdame. M na n yõka Soaala yãmb Wẽnnaam sɛɛga n kõ yã wala yãmb sẽn kotã; la Soaala-Wẽnd sẽn na n leok a soaba, m na taas yã, m kõn solg fɩ ye!»

Zeremi 7:2

t'a tɩ yals wẽnd dooga noore n moon woto: Kelg yã, Zɩɩda rãmba, yãmb fãa sẽn tũud digno-kãensa n kẽed n waoogd Soaalã, kelg-y b sẽn yete.

Zeremi 7:27

Foo, Zeremi, fo na n togs-b-la gom-bãmba fãa, la b kõn kelg-f ye. Fo na n taas-b-la m toollã, la b kõn leok-f ye.

Ezekiyɛl 3:10

Sẽn da gomda wã yeela maam: «Ezekiyɛl, goam niyns fãa m sẽn na n togs-fã, bĩng-b f sũurẽ, kelg ne f tʋba fãa.

Ezekiyɛl 33:7

Foo, Ezekiyɛl, yaa foo la m yãk yã, tɩ f yɩ gũusda a Israyɛl yĩnga. Fo na n kelga m goama, fo na n taasa Israyɛl dãmb m sẽn yet tɩ b gũus ne bũmb ningã.

Ezekiyɛl 40:4

Nin-kãng n yeel maam: «Ezekiyɛl, puk f nini la yoog f tʋba. Ges m sẽn na n wilg-f bũmb ninga neere. Yaa bõn-kãng gesg yĩnga la m tall-f n wa ka. F sã n yãend-a la f na n yaool marsã n wilg Israyɛl kambã f sẽn yãende.»

A Matiye Sõng 28:20

la y zãms-b tɩ b reeg bũmb ning fãa m sẽn wilg-y. Ade m na n paa ne yãmb, daar fãa, n ta dũni sɛɛbo.»

A Luk Sõng 19:47

Beoog sẽn vẽeg fãa a Zezi ra karemda neba wẽnd doogẽ. Maan-kʋʋdba kãsem dãmba ne Sɛb-mitba la tẽnga karen-saam-dãmb ra baood n na kʋ-b lame.

A Zã Sõng 18:20

La a Zezi leokame: «M goma ne dũni rãmb vẽenemẽ tɩ b wʋm, daar fãa m zãmsa nebã pʋsg rotẽ la wẽnd doogẽ, Zʋɩf rãmb sẽn tigimd taab zĩig ningã, m ka soos n gom fɩ.

A Zã Sõng 8:2

Yibeoog pĩnda, b leba wẽnd doogẽ la zãma wã ra wata b nengẽ tɩ b na n zĩnd n karem-ba.

Tʋʋma 20:20

Y mii tɩ m baoo sẽn wat ne yõod yãmb yĩnga. M pa tar n leb poorẽ n mong-y y sẽn da tog n wʋmb bũmb ninga bɩ y sẽn da tog n zãms bũmb ninga, y zagsẽ bɩ y sɛk zĩisẽ ye.

Tʋʋma 20:27

M sɩd mao ne bũmb fãa; m wilg-y-la Wẽnd sẽn dat tɩ yɛla fãa pids to-to.

Tʋʋma 5:25

Wakat kãng la ned waa n yeel-ba: «Yãmb sẽn da kẽes b rãmb roogã, ad-y b bee wẽnd doogẽ n karemd nebã.»

Tʋʋma 5:42

Beoog sẽn vẽeg fãa, wẽnd doogẽ wã bɩ b zagsẽ, b ra ka vʋʋsd ne a Zezi Krista Koe-nooga mooneg ye.

Yaoolem 12:5

Soaala-Wẽnd sẽn yãk zĩig ning n maan b belem la b waoogr zĩigã na n yɩɩ sags a taaba fãa zĩiga, na n yɩɩ zĩ yɛng la b na n tigim. Be la y na n kẽng n tɩ waoog-ba.

Yaoolem 4:2

M sẽn kõt-y noy-niynsã, gũus-y tɩ gomd da paas ye. Gũus-y me tɩ bũmb da yiis ye tɩ woto la y na n tũ d Soaala-Wẽnnaama raabo.

Zozuwe 8:35

A Zozuwe ka karem n long gom pɛdg meng ye. Neba fãa gill kelg-b lame, pagba la kom-bõonego, sãamba sẽn da nok Israyɛl.

Vẽnegre 22:19

Sẽn saag-a me n yiis bũmb be, bɩ Wẽnd me yiis bũmb a pʋɩɩrẽ, vɩɩm tɩɩga la bark tẽnga sẽn kõt bũmb ning tɩ b gomd sebr kanga pʋga.