Zeremi 23:3 - SEBR SÕNGO

³ Ade, mam meng n na n tigim piis niynsi sẽn ket-bã, m na n tigim-b-la m sẽn sẽeg-b tẽns niynsa fãa. Maam n na n tall-ba n kẽng b wãbneg zĩigẽ. B na n noba sõma, la b na n doga wʋsgo tɩ b sõora paase.

WẼNNAAM SEBRE 2014

³ «Mam mengã na n kɩtame tɩ m neb nins sẽn ketã yi tẽms nins fãa mam sẽn dig bãmb tɩ b kẽngã n lebg n wa yiri. La bãmb na n doga kamba, la b na n fɩɩgame n lebg wʋsgo.

Zeremi 23:3 Iomraidhean Croise

Yɩɩn‑sõamyã 106:47

La rẽ yaa b sẽn yiis b noorẽ: «Fãag-y-do, Soaala-Wẽnde, yiis-y tõnd bu-zẽmba sʋka. Woto d na kils y yʋʋre, woto d zug na kell n zẽke d sẽn ya yãmb pẽgdbã.

Zeremi 16:15

B na n yeelame: ‹M wẽend ne Soaala sẽn vɩ la sẽn tɩ reeg a Israyɛl nug goabg tẽnsẽ, la tẽns niyns b sẽn da sẽeg-ba fãa.› M na n tall-b lame n wa tẽng ninga mam sẽn da kõ b ba rãmba.»

Zeremi 29:14

M na sak n wa zĩnd yãmb sʋka. Yaa Soaala n gomde. Y sã n bao maam ne y sũur fãa, m na lik m menga. M na tedg y vɩɩma; y sẽn sẽeg n be zĩis niyns fãa bu-zẽmba tẽnsẽ, m na le tɩ tall-y n wa. M na n tigim-y lame n le wa kẽes ka, tɩ ka la m da rig-y n yiisi.

Zeremi 30:10

Sã n ya foo, Israyɛl, m neda, da zoe rabeem ye, Yaa Soaala n gomde, foom a Zakoob, da maan dabeem ye tɩ bala m watame n na n fãag-fo, m wat n na n yiis-f-la tẽn-zãorgẽ, m wat n na n yiisa f kamba, b yembd tẽngẽ. Israyɛl, f na n le paama laafi, ned kõn le wa sãam f gãag ye.

Zeremi 30:3

Wakat n wate tɩ m neba yelle, a Israyɛl la a Zɩɩda yelle, na n teeme. Mam na n leb n tall-b lame n wa tẽng ninga mam sẽn da kõ b ba rãmba la b na n le soog-a lame. Dẽ yaa Soaala gomde.»

Zeremi 31:7

Tãs-y sũ-noog yɩɩlle a Israyɛl yĩnga. D wek bu-zẽmba tʋba ne d kaasgo, zodg-y y pẽgr yɩɩla, yeel-y: «Soaala, fãag-y y buudu, fãag-y Israyɛl bu-kellã.» Sɩda yaa woto la Soaala gomda:

Zeremi 31:8

«M na tɩ yiis-b-la nug goabg n wa, m na n yiis-b-la tẽn zãoorgẽ n wa. B fãa gill bee ka, zoeens la wobse, tʋtr-pʋse la kom-peels ma rãmba. M buuda lɛɛg n wata zãnga.

Zeremi 32:37

Ade, mam daaba yaa toore. M sũur sɩd waa n puugame, m da ka nonge, m sũur waa n fõtame ne tẽnga rãmba la m dig-b lame n sẽeg tẽns ka tɛk pʋsẽ. La m na le tigim-ba la m tall-ba tɩ b wa vɩɩnd ka ne laafi.

Zeremi 46:27

Sã n ya foom, m biig a Zakoob, da zoe rabeem ye. Da bas raood ye, Israyɛl! Tɩ bala, ade, mam na n fãaga foom tẽn-zãorgẽ dãmb nugẽ, f yembda tẽngẽ dãmb nugẽ. A Zakoob na n le wa zĩnda ne laafi, tɩ ned ka be n na n kẽes-a rabeem ye.

Zeremi 50:19

M yaool n na n talla a Israyɛl n lebs-a wa rũnga, a wãbneg zĩigẽ; a na paam tɩ m dɩlga, Karmɛl la Bazã tãmsa zutu, n dɩlg-a Efrayim la Galaad tãmsa zutu la bũmb kõn paoog-a ye.

Zeremi 8:3

Buud yoog kãnga neba sẽn keesa yĩnga, b sẽn sẽeg n be zĩig ning fãa, ad-y ka vɩɩm n le tar yamleoog ye, lebga kũum. Woto la dũni fãa Wẽnda leok yã.

Ezekiyɛl 11:17

Bɩ f taas-ba maam, Naaba-Wẽnd, sẽn kãab-bã. Taas-b woto: ‹M na n yiis-y-la bu-zẽmba sʋka, n yiis-y tẽns niyns m sẽn da sẽeg yã, n le tall-y n wa kẽes Israyɛl.

Ezekiyɛl 36:11

Ninsaalba la rũmsa sõor na n paasame. Y sõora pʋs n na n yɩɩ wʋsgo, y yagensa na n yɩɩ ka tɛka. Tẽnga na n le pida neb wa pĩnda, y arzɛka na n yɩɩga pĩnd dẽnna. Woto y na reeg tɩ maam la Naaba-Wẽnde.

Ezekiyɛl 36:24

M sã n wa yiis-y buud niynsi la tẽns niyns y sẽn be rũnna wã, m na n tigim-y lame n tall-y n tɩ lebs y tẽngẽ.

Ezekiyɛl 36:37

Yaa maam m gomde: ‹M na n le basa Israyɛl kamba tɩ b kos m sõngre, la m na n deega b kosgo la ma na n kɩtame tɩ b fɩɩg wa bãgr piisi.

Maan‑kʋʋre 26:9

M na n gesa yãmb yelle, y na n wekame n lebg zembala la m zooda na n paa ne yãmba.

A Miise 2:12

N-ye! Maam, Naaba-Wẽnd, n gomde: «M dat n tigma yãmb gilli, Zakoob yagense; mam dat n lagem-y-la taaba, Israyɛl bu-kelle. Mam na n tigim-y lame, wala piisi, b bãgr pʋgẽ la wala rũmsi, b wãbneg zĩigẽ. Y goama na wẽneg neb sẽn mi b nens goam marsã.

A Miise 7:12

Baraare, y saam-biisa na lɛɛg n wa, b na lɛɛg n wa b tẽngẽ. Sɩngda Asiri n wat Ezipt, n sɩngd Nil n wat Efrat, n sɩngd mogra noor n wat tãn-wogdã.