Zeremi 2:8 - SEBR SÕNGO

⁸ Maan-kʋʋdba ka saag n sok-ma: ‹Soaala-Wẽnd bee yɛ?› Noora karen-saam-dãmb me boto, tẽnga taoor dãmba zẽka b zug ne maam, bãngdba sẽn da taasd-b koees niynsa ra yaa wẽn-faoog a Baal koeese. B fãa tɩ noka wẽn-faadã.

WẼNNAAM SEBRE 2014

⁸ Maan-kʋʋdbã ka sok tɩ Sẽn-Ka-Saab bee yɛɛnẽ ye. Tõogã karen-saam-dãmb ka mi maam ye. Taoor dãmbã zãgsa maam. No-rɛɛsdbã togsa pĩnd-n-bãngr goam ne Baall yʋʋre, n waoog bũmb sẽn ka tar yõodo.

Zeremi 2:8 Iomraidhean Croise

1 Rĩm-dãmbã 18:22

A Eli yeela zãma wã: «Maam m ye tãa la Wẽnd no-rɛɛs n ket dũnna, ne yõore, la a Baal no-rɛɛsdb yaa kobs-naas la pis-nu.

1 Rĩm-dãmbã 18:29

Sẽn wa n yõsg wĩnto-sʋka, b sɩnga goama, n gom n ta wakat ning b sẽn kʋʋd zafar maoongo. La b pa tol n wʋm koɛɛga, b pa tol n wʋm ned leokre, b pa yãend bũmb a to ye.

1 Rĩm-dãmbã 18:40

T'a Eli yeel-ba: «Aya, bɩ y yõk a Baal no-rɛɛsdba fãa, la b ned ba a ye da põs ye!» La b yõg-b lame. A Eli kɩtame tɩ b tall-ba n sig Kisõ sudga pʋga t'a kood-ba.

A. Zoobe 35:10

Ned ba a ye ka tẽegd n yeele: «Wẽnd la m Naanda bɛɛ? D sẽn mii n kilsd a soab ne yʋnga bɛɛ?»

A Ezayi 28:7

Ad-y neb n be tɩ rãama kẽesd-b moogo, neb n be tɩ rãama kɩt tɩ b kẽnd n lagsdẽ: yaa maan-kʋʋdba la bãngdbã. Rãam sẽn tar pãnga la b yũ n kẽed moogo, rãama kɩtame tɩ b kẽnd n lagsdẽ n ka le mi b goabg la b rɩtg ye. Rãama sẽn tar pãng la b yũ n tuumnẽ, b pa le tẽr Wẽnd sẽn lik bãmba n yeel-b tɩ bũmb ning ye. Dẽ la b gomd b bãngra goama n kalemd taaba.

A Ezayi 29:10

Sɩda, Soaala-Wẽnd daag-y-la suusgu bãaga. Y nina mumame, gomda ne bãngdbã, y nenga luda peende, gomda ne sẽn yet tɩ b neeme wã.

A Ezayi 30:5

B raaba ka na n tõog n pids ye, Ezipt rãmb ka na n tõog n sõng-b ye, b ka na n tõog n maan bũmb b yĩng ye, dẽnd yʋ-sãoongo, dẽnd yãnd tʋkre.

Zeremi 10:21

Ad-y yaa taoor dãmba yelle, b maana yalemdo, b ka sok Soaalã n paam b leokr ye. Yaa rẽ la b raaba ka pids ye, yaa rẽ la b sẽeg b neba zãnga.

Zeremi 12:10

Dũn-kɩɩmb wʋsgo waame n sãam mam bugsuntungu, b taba mam pʋʋgo, pʋʋga da yaa pʋ-sõngo; b kɩtame t'a lebg zĩ-peen-daaga.

Zeremi 16:19

Soaala-Wẽnde, yãmb la m pãnga, m teegd fãa-fãa, m gũuda, m soondg zĩiga m yɩɩr wakato! Ad-y bu-zẽmba na n yii zĩis fãa n wa yãmb taoore. B na n yeelame: D ba rãmba sẽn da pʋgd wẽnd niynsã yaa belgem-belgem bala, yaa sobgo, yaa zaalem.

Zeremi 18:18

Neb n waa n yeele: «Aya, wa-y yã tɩ d kɩt tɩ wʋm a Zeremi, tɩ bala, ka maan-kʋʋdb sẽn na n zãms-do n paoog-d ye, ka neb sẽn tar yẽesem n na sagl n paoog-d ye, ka bãngdb sẽn na n taas tõnd Soaala koɛɛg n paoog-d ye. D zãgs a karenga kelgre, d modg n sãam a yell zãnga ne d wɩdse!»

Zeremi 2:11

B maneg n sok n ges tẽn-bʋg rãmba n teem b wẽnd dãmba? Ad-y yaool n da ka wẽnd me ye. Mam buuda zug sẽn noome t'a paam tɩ m yaa a Wẽnde, yẽnda n tek a rẽnda sẽn pid ne ziir, yẽnda n bas maam n kẽ wẽn-faado.

Zeremi 2:6

B ka sok lɛ-lɛ: ‹Soaala-Wẽnd bee yɛ? Bãmb n yiis tõnd Ezipt tẽngã, n yɩ d sɩleto zĩ-pɛɛlẽ, tẽn-koɛɛngẽ, lond la lik tẽnga, tẽng ned sẽn ka pɩʋʋgde, tẽng ned ba a ye sẽn ka tiid n kẽedẽ.›

Zeremi 4:22

M buuda yaa yalma, m buuda ka mi maam ye.» Yaa Soaalã n gomde. Yaa yãas sẽn ka tar yam ye, b ka wʋmd bũmb ye. B sẽn mi la b sẽn tõe yaa wẽng maaneg bala. Sã n ya maan neerã, b ka mi la b ka tõe fɩ.

Zeremi 5:31

Bãngdba gomda wẽn-faoog yĩnga, tɩ maan-kʋʋdba baood sẽn ya yõod b yĩng bala, tɩ m buuda get rẽ wa bõn-sõngo. Yɛla baasg raare, y na n maana bõe?

Zeremi 7:8

La ade, yãmb sakdame n deegd zirẽ goama, goam sẽn ka yõodo la sẽn tudgd yãmba.

Zeremi 9:14

Dẽ n so tɩ dũni fãa Wẽnde, a Israyɛl Wẽnnaama gomd woto: Ade, mam na n kõo nin-bãmba ko-tɩɩsga, la ko-zẽnem tɩ b yũ.

Ezekiyɛl 22:26

Maan-kʋʋdba tõdga m noya, n dẽgem m doogo. B ka bakd bõn-wẽng ne bõn-sõng ye; b ka wilgd bõn-dẽgd n bak ne sẽn ka rẽgd ye. B pa waoogd vʋʋsg raar ye. Woto wã ned ba a ye ka waoogd maam wala sẽn segd ye.

Ezekiyɛl 34:2

«Ezekiyɛl, zab ne Israyɛl pe-kɩɩmbã la f taas-ba m sẽn yet tɩ b gũus ne bũmb ningã. Maam n yet-ba, maam, Naaba-Wẽnde: ‹Yell na pak yã, Israyɛl pe-kɩɩmba! Y geta y mens yelle. Yaool n yaa bãgrã la pe-kɩɩma tog n gese.

A Ooze 4:6

Mam buuda neb sãamdame, bãngre kaalem yĩnga, tɩ b ka mi mam sẽn yaa a soab ye. Fo meng ka tʋlg n zãms mam sẽn yaa a soab ye. Yaa rẽ me yĩng la m me ka le rat-fo, f kõn le yɩ m maan-kʋʋd ye. Fo basa m noorã, ma me na bas f kamba.

Abakuk 2:18

Wẽn-naandsa yõod la bʋgo? Yaa kut bala la belgem-belgem. Yõaka belgdame tɩ bũmb la a teeg yã, la yaool n yaa bõn-muk la a rõog yã.

A Matiye Sõng 16:26

Dũni wã soogre manegda ned wãn wãna, f vɩɩm sã n tũ rẽ n sãam? Bõe la ned tõe n tek ne a vɩɩm?

A Luk Sõng 11:52

Na pak yãmba, Noor karen-saam-dãmba! Yãmb looga ne bãngra roog kʋɩlen-bila, yãmb meng n pa kẽede la y yaool n digda sẽn dat-ba me kõom.»

A Zã Sõng 16:3

B na n maana yãmb boto, tɩ b ka bãng m Ba la maam ye.

A Zã Sõng 8:55

Yãmb yaool n ka mi-b ye; la mam yẽ mi-b lame; la m sã n da yetẽ tɩ m ka mi-ba, m naan n yɩẽ wala yãmba: zirẽ-be-neda. Mam mi-b lame la mam deegda b goama.

2 Korẽnt rãmba 4:2

D basda yãnd la zoe-nif buud fãa, n zoet zãmbo la zirẽ-beedo, Wẽnnaam Koɛɛgã mooneg pʋgẽ. D sẽn baood bala, yaa sɩda puki tɩ ned ning fãa sẽn yaa pʋ-peen-neda bãmb taoore bɩ a pẽg tõndo.

Yaoolem 33:10

Bãmb n zãmsd a Zakoob y rog-n-mikã n zãmsd y noya a Israyɛl, bãmb n kʋʋd yũ-nooga maoong bãmb n wat ne kũuna maan-kugra zugu.

1 Sãmwɛlle 12:21

Da bas-y bãmb tũudem ye, tɩ sã n pa rẽ, yãmb na n zoe n pʋga bõn-yood sẽn ka võore, sẽn kõn zĩnd yõod yãmb yĩnga, la sẽn kõn fãag yãmba, tɩ b yaa wẽn-faado.

1 Sãmwɛlle 2:12

A Eli kamba da yaa bi-beese. B toog ra ka be ne Naaba-Wẽnd ye.