Zeremi 10:3 - SEBR SÕNGO

³ N-yẽe! Buud a taaba wẽn-tũudma ka bũmb a to n zʋʋg sobg ye. Gese, raoog bal la b kɛɛgd tʋgrẽ tɩ da-pɛɛsa pees wẽn-naande.

WẼNNAAM SEBRE 2014

³ Bala, bu-bãmb minindã yaa zaalem. B kɛɛgda raoog kãgrẽ tɩ tʋʋm-mit rɩk a lar n pees-a.

Zeremi 10:3 Iomraidhean Croise

Yɩɩn‑sõamyã 115:4

Sã n ya bu-zẽmbã, b wẽnd dãmba yaa wanzurf la sãnem, fãa yaa ninsaal nug tʋʋmde.

A Ezayi 45:20

Naag-y taab n wa, naag-y taab n kolge, yãmb fãa sẽn paam n põsã. Sẽn ka mi-b bũmbu, yaa neb niynsi sẽn tʋk-b da-peesdi n kẽnda, neb niyns fãa sẽn pʋʋsd wẽnd sẽn ka tõe n fãag-ba.

Zeremi 1:16

Woto m na pids m sẽn kãab tẽnga rãmb bũmb ning fãa. La rẽ yaa b sẽn beeg-ma yĩnga; yaa b sẽn bas maam n tɩ kʋ maand wẽn-naands yĩnga. Yaa wẽnd dãmb b sẽn naane n na n waooge.

Zeremi 10:8

Bãmb fãa gill kɛpi, yaa yalemse. Buud a taaba karen-doogẽ, f kõn bãng b wẽn-tũudma naoor n dɩk ye, f kõn zãms sẽn be yõod ye.

Zeremi 14:22

Bu-zẽmba wẽn-naandsa sʋka yɛɛlẽ soaba n tõe n bool saaga? Yaa saagã n wat ne saas bɩ? M yet yaa yãmba, Soaala-Wẽnde. Soaala-Wẽnde, yãmb la d teegre, yãmb la bũmb fãa Naanda.

Zeremi 16:19

Soaala-Wẽnde, yãmb la m pãnga, m teegd fãa-fãa, m gũuda, m soondg zĩiga m yɩɩr wakato! Ad-y bu-zẽmba na n yii zĩis fãa n wa yãmb taoore. B na n yeelame: D ba rãmba sẽn da pʋgd wẽnd niynsã yaa belgem-belgem bala, yaa sobgo, yaa zaalem.

Zeremi 2:5

Soaala-Wẽnd sẽn kõt yãmba: «Kegr bʋg la y yaab rãmba yãend m nengẽ? Bõe tɩ b lak ne maam? B laka ne maam n na n pʋg wẽn-faado, tɩ bãmb me na n tũ rẽ n lebg nin-faado.

Maan‑kʋʋre 18:30

Vɩɩnd-y wala m sẽn wilg yã, da tũ-y pĩnd dãmba soy yooda ye, woto b manes yooda kõn dẽgem-y ye. Maam la yãmb Wẽnnaam.»

A Matiye Sõng 6:7

Y pʋʋsg pʋgẽ bɩ y ra baam wala bu-zẽmba ye; b tẽedame tɩ b sã n gomd n pa yɛɛdẽ la Wẽnd kelgd b pʋʋsgo.

Tʋʋma 19:26

La ade, wala y sẽn ne la y sẽn wʋmde Azi tẽn-peelma tõre, a Pol ne a saglsã woola neb ka tɛk a poorẽ sẽn maand tɩ wẽnd sẽn dõog ne nug, ka tõe n yɩ wẽnd ye.

Rom Dãmba 1:21

Ad-y yaa b sẽn bãng Wẽnd sẽn ya a soaba la b ka pẽg-bã, la b ka pʋʋs-b barka wala sẽn segdã, ad-y yaa rẽ la b yam kɩdga sob zãnga.

1 Pɩyɛɛr 1:18

Bãng-y tɩ ka ne bõn-sãamdem, sãnem bɩ wanzurfu, la y paam n tɩlg vɩɩm yaalg ning y yaab rãmba sẽn kõ yãmba ye.