Zeremi 1:5 - SEBR SÕNGO

⁵ «Mam da zoe n mii fo tiiri tɩ m nan pa yag foo f ma pʋgẽ ye. Mam da zoe n welga foo toore m tʋʋmd yĩnga tɩ f ma nan ka rog foom ye. M da yãk-f lame tɩ f yɩ m no-rɛɛsa bu-zẽmba tẽngẽ.»

WẼNNAAM SEBRE 2014

⁵ ‹Sẽn deng mam sẽn nan ka yag foom f ma pʋgẽ, mam dag n zoe n mii foom. Sẽn deng f ma sẽn nan ka rog foom, mam dag n zoe n welga foom toore, n kɩt tɩ f yaa m no-rɛɛs buudã fãa yĩnga.›

Zeremi 1:5 Iomraidhean Croise

Yɩɩn‑sõamyã 139:15

Bũmb ka m yĩngẽ wã tɩ y ka yãend zĩig n kõ-a, y sẽn waa n naand maam m ma pʋgẽ wã ye.

Yɩɩn‑sõamyã 139:16

M sẽn da waa n nan ka tar nenga, y ra zoe n ne-m lame, y ra zoe n gʋlsa fãa n ning y sebrẽ, y ra zoe n sõda m daarã n bĩng-ma, tɩ m nan ka rog meng ye.

Yikri 33:12

A Moyiiz yeela Soaala-Wẽnde: «Yãmb meng n yeel maam tɩ m kɩt tɩ neba rɩk sore la y ka wilg ned ning sẽn na n paas maam ye. Yãmb da yeelame tɩ y mi-la m tiiri la y sɩd zoe-la m nimbãanega.

Yikri 33:17

Soaala-Wẽnd yeela a Moyiiz: «M na n maan wala fo sẽn kos maama tɩ m nong-f lame la m maam n welg-f toore.»

A Ezayi 44:2

Yaa woto la sẽn naana fooma, sẽn yaga foom f ma pʋgẽ wã, sẽn sõngda fooma, gomd ne foom: Da maan dabeem ye, Zakoob, m tʋʋmd-tʋmda, da maan dabeem ye, Israyɛl m sẽn maneg a soab yelle.

A Ezayi 49:1

Tẽn-zãorgẽ dãmba, kelg-y, tẽnga sɛtmẽ dãmba, kelg-y! Soaala-Wẽnd boola maam, tɩ m nan ka rog ye, b boola m yʋʋre tɩ m ket m ma pʋgẽ.

A Ezayi 49:5

Marsã wã Soaala-Wẽnd sɩd gomame, bãmb yeelame tɩ b naana maam m ma pʋgẽ, tɩ m yɩ b tʋʋm-tʋmda, la m sõnge t'a Zakoob lɛɛg n wa, n sõng t'a Israyɛl lɛɛg n wa tigime. Woto wã m be yõodo Wẽnd nifẽ, la m Soaala-Wẽnd meng la m pãnga.

Zeremi 1:10

Rũnna m kõt-f-la tʋʋmde m tʋmd-f-la bu-zẽmba tẽnsẽ: tɩ f võ la f tus n lubi, tɩ f sirg zãng la f pãb n wã, tɩ f me la f sele.»

Zeremi 1:4

Soaala-Wẽnd goma ne maam n yeele:

Zeremi 20:15

Ned ninga sẽn pidsa m ba ne sũ-noogo n wilg-a t'a paama bi-ribla,

Zeremi 25:13

Yel-beed niyns sẽn na n lʋɩ tẽn-kãnga zugã, yaa yel-beeda sẽn na n dɩ bu-zẽna, yaa yel-beed niyns a Zeremi sẽn gome la sẽn sõdg sebr kãnga pʋgã.

Zeremi 36:2

«Dɩk sebre, la f gʋls sebrã zugu goam niyns fãa mam sẽn togs foo, a Israyɛl, a Zɩɩda, la bu-zẽmba tẽnsa fãa poorẽ, sẽn sɩng wakat ning mam sẽn gom ne foom, a Zoziyas zamaanẽ, n tãag rũnna.

Zeremi 50:34

La bãmb Fãagda yaa maam, la maam me la pãng Soaba menga, maam la dũni fãa Wẽnde. Maam n na n zab b zĩigẽ, la m na n waa ne laafi tẽng zugu, Babilon bal n na n pa ne zũnd-zãnde.

A Luk Sõng 1:15

A Zã na n yɩɩ nin-kãseng Soaala taoore; a kõn yũ rãam la toos ye. A na n pida ne a Vʋʋsem Sõngo t'a ket a ma pʋgẽ.

A Luk Sõng 1:41

A Elizabɛt sẽn wʋm a Maryam pʋʋsma, biiga sẽn da be a pʋgẽ wã yĩng sidgame. La a Elizabɛt pida ne a Vʋʋsem Sõngo,

A Luk Sõng 1:76

La foom, bi-pɛɛlga b na bool foom tɩ Yĩngr soab no-rɛɛsa, tɩ foom n na n lʋɩ Soaala taoore n segl b soya;

A Zã Sõng 10:36

Ba sẽn taag a soab kaam n tʋm dũni pʋgẽ, yãmb yetame: ‹Fo tʋʋsda Wẽnnaam yʋʋre,› la rẽ yaa m sẽn yeela bala: ‹M yaa Wẽnnaam Biiga!›

Rom Dãmba 1:1

Maam, a Pol, n pʋʋsde; maam la Krist a Zezi sõgne, bãmb Tʋʋm-tʋmda, Wẽnd sẽn bool la b welg toore Koe-nooga mooneg yĩnga.

Rom Dãmba 8:29

B sẽn welg b rãmb toor al pĩnd-pĩnda, b tʋlgame tɩ b rɩk b Biiga wẽnego la Biiga na n lebga kãsem sẽn tar yaop ka tɛka.

1 Korẽnt rãmba 8:3

Sẽn nong-a Wẽnnaam, Wẽnnaam me mii yẽ soaba.

Efɛɛz Rãmba 1:22

B sulga bũmb fãa bãmb taoore, b zẽk-b la yĩngri tɩ b zʋʋg bũmb fãa n ya Tigengu zugu,