Zake 1:19 - SEBR SÕNGO

¹⁹ Ade, m saam-biisi, m sẽn nong wa fãa-fãa: bɩ ned kaam fãa modg n yɩ tʋʋlg ne kelgre la maasg ne leokre la sũ-fõore.

KÃAB-PAALGÃ KOE-NOOGO

¹⁹ M ba-bi-nongdse, bãng-y yõwã neere: Woto, bɩ ned fãa wɩng ne kelgre, la a maag ne goama, la a maag ne sũ-yikri.

WẼNNAAM SEBRE 2014

¹⁹ M ba-bi-nongdse, bãng-y yõwã neere: Woto, bɩ ned fãa wɩng ne kelgre, la a maag ne goamã, la a maag ne sũ-yikri.

Zake 1:19 Iomraidhean Croise

A Neemi 8:18

Beoog sã n vẽeg fãa, a Esdras da karemda bũmb sebra pugẽ, kibsa sɩngra daare n tãag sɛtma raare. Kibsa maana rasem a yopoe. La wala Noora sẽn date, raar a nii soaba yɩɩ baasg tig-raaga.

A Neemi 9:17

B zãgsa y noora reegre, b yĩma y tʋʋm-bãna y sẽn maan b yĩnga. B naka b kãare n yet tɩ rẽnd b leb Ezipt tẽnga, dẽnd b leb b yembd tẽngẽ. Yãmb wilgame tɩ y yaa sugr soaba, sũ-bʋgsem soaba nimbãan-zoeta la sũ-maasem soaba, y wilga y sũur sẽn pid ne yardo tɩ y ka tʋlg b basg ye.

A Neemi 9:3

B yalsa yĩngri, ned kam fãa a zĩigẽ tɩ b karem Sebrã Wẽnd sẽn kõ-bã, wakat a tãabo. Wakat a tãaba sẽn pʋgã, b yõka b yel-wẽna tẽesgo la sugr kosgo n wõg Wẽnnaam b Soaala taoore.

A. Zoobe 32:16

M yaas n gũume la y sẽn ka le gomdã, tɩ y zuka y sẽn da tar fãa y yãmẽ,

Yelbũna 10:19

Goam pa gomd n sesdẽ tɩ wẽng ka tũ ye, sẽn mi-a n gom n zemse la gũusg soaba.

Yelbũna 13:3

Sẽn maand-a gũusgu ne a zelemde n paamd yõ woko, sẽn gomd-a wʋsgo kẽeda moogo.

Yelbũna 14:17

Sũ-pu-ned maanda sẽn pa toge, yam kaoolg soab maandame tɩ b kis-a.

Yelbũna 14:29

Sũ-bʋgsem soab tara yam, sẽn yãgd-a ne sũ-puuri pukda a gãeemdo.

Yelbũna 15:18

Sũ-pu-ned takda zabre, sũ-bʋgsem soaba sigsd-a lame.

Yelbũna 15:2

Yam sõng rãmb zelemde kɩtame tɩ b nong bãngre, yam kaoolg rãmb noor wukda gãeemdo.

Yelbũna 16:32

Ned sẽn tõe a sũuri yɩɩda gãndaoogo, maag-m-meng soaba yɩɩda tãnsoaba sẽn tõe n wã tẽnse.

Yelbũna 17:14

F sã n sɩng zabre yaa ko-sor la f pak yã, bas zabra tɩ sɛ t'a nan ka yãng ye.

Yelbũna 17:27

Sẽn tõe-a a noore, la yam soaba, sẽn tõe-a a menga tʋmda yam tʋʋmde.

Yelbũna 18:13

Ka kelg n tɩge n yãgd leokre, yaa wilg f gãeemdo n paas f yãnde.

Yelbũna 18:21

Zelemde n tõe tɩ f vɩɩnde, zelemde n tõe tɩ f kɩ, sẽn mi-a goam n dɩt a yõodo.

Yelbũna 19:11

Ned ninga yam sẽn sek-a yaa sũ-bʋgs soaba, a zu-zẽkre yaa a tõog n kõ beegr sugri.

Yelbũna 19:19

Sẽn puugd-a a sũur wʋsgo toga ne sɩbgre, f sã n bas-a, n ka sɩbg-a, f yet-a lame t'a paas beoogo.

Yelbũna 21:23

Sẽn tõe-a a noore la a zelemde põsa yɩɩr buud fãa.

Yelbũna 25:28

Tẽng sẽn wã n ka tar lal-gũbri wẽnda ninsaal yam sẽn tagsd a sẽn date.

Yelbũna 29:20

F yãee ned sẽn nong goama, ad yalem kelgre n são ne yõodo.

Sõadga 22:27

Bõanga yãenda Soaala malɛka yɛsa la a bur n lʋɩɩme t'a Balaam sũur puug t'a tar a pãbr ne rasaare.

A Matiye Sõng 5:22

La ned sã n yeel a to tɩ yalma, dẽ sekda a wa bʋʋd-bɛda rãmb taoore. La a sã n yeel-a tɩ pʋlum-sãamda, yẽ soab paalgda a meng bugum bʋʋdo.

A Mark Sõng 12:37

A Daviid meng sã n boond bãmb t'a Soaala, b na yɩɩ wãna n le ya yẽ biig yɛsa?» Neb wʋsgo da kelgda b goama ne sũ-noogo.

A Mark Sõng 2:2

Neba sũume n wa, tɩ vɩʋʋg ra ka le be ba bilf ye. Dignoora fãa ra pida ne neba, tɩ b kõt-b Koe-noogã.

A Luk Sõng 15:1

Sẽn deegd-b yõor yaood la yel-wẽn-maandba fãa ra kolga a Zezi n na n kelg-ba.

A Luk Sõng 19:48

B yaool n da pa mi b sẽn na n maanega, t'a Zezi goama ra noogda neba sũuri tɩ b ra pa yɛɛd ne b kelgr ye.

Tʋʋma 1:15

Daar a ye tẽedba ra tigma taaba; b ra taa koabg la pisi t'a Piyɛr na n yik n yeel-ba:

Tʋʋma 10:33

M wẽneg n kɩtame tɩ b babs-fo, la f sẽn wa wã f maana neere. Ad-d fãa sẽn yɛs f taoore n dat n wʋm Wẽnd sẽn kõ-f noor ningã.»

Tʋʋma 13:48

Bu-zẽmba sẽn wʋm dẽ, b sũur yɩɩ noogo tɩ b na n pẽg Koe-noogã. Sẽn paam-b Wẽnd zelemd noogã, vɩɩm sẽn ka be sɛɛb kãabgã, faa saka tẽebo.

Tʋʋma 17:11

Bãmb da tara zʋg sõngo n yɩɩd Tesalonik rãmbã. B reega Koɛɛga tao-tao. Beoog sẽn vẽeg fãa b ra karemda Sebr Sõngo n get bõe n ka zems a Pol dãmb toagsgẽ.

Tʋʋma 2:42

B ra ka viigd ne Tʋʋm-tʋmdba kareng kelgr ye, ne taab sõngre, ne b paoonga lagengo, ne Bura pʋɩɩbo, la ne pʋʋsg ye.

Efɛɛz Rãmba 4:26

Yãmb sũur tõeeme n wa puugi, yãmb yee n da maan wẽnga. Da sak-y tɩ wĩndg lʋɩ tɩ y sũur ket n kãbd ne taab ye.

Efɛɛz Rãmba 4:31

Mo-beedo, sũuri, sũ-toogo, gãgse, la tʋya, n paas wẽnem buud fãa, dẽ fãa tog n zãaga ne yãmba.

Kolos Rãmba 3:15

Woto wã bɩ Krista laafi kẽe y sũya tɩ yaa rẽnd yĩng la b bool-y n na fãoog-y taab Yĩng a ye. La vɩɩnd-y Wẽnnaam bark pʋʋsg pʋgẽ.

Kolos Rãmba 3:8

Dẽnd yĩnga, zãag-y mens marsã ne rẽ fãa. Sũ-puuri, sũ-toogo, zãmbo, beem tugbu, gom yoodo ka tõe n le yi y noorẽ ye.

1Tesalonik Rãmba 2:13

Sã n ya ne tõndo, d ka vʋʋsd ne Wẽnd bark pʋʋsg ye. D sẽn taas-y Wẽnd gomd ningã y reeg-a lame; la y pa reeg-a wa ninsaal gomde, y reeg-a la wa Wẽnd dẽnd akɩka. La rẽ me la Gomda wom a biis yãmb tẽedba sũurẽ.

Zake 1:16

Da kẽ-y moog ye, m neb sõma!

Zake 1:2

M saam-biisi, ges-y wa sũ-noogo meng-menga, namsg ka tɛka sẽn lʋɩt y zugu.

Zake 1:26

Ned sã n tẽed t'a yaa Wẽnd tũud akɩka n yaool n ka loet a zelemde, a belgda a menga, la a tũudma pa tũudem ye.

Zake 2:1

M saam-biisi, ad-y bak ned ne a to ka le tõe n zĩndi, d sã n tẽed Soaal a Zezi Krista ne pẽgr kãseng ning b sẽn paam a soaba ye.

Zake 2:5

Kelg-y, m saam-biisi m sẽn nong ne m sũur fãa, ka Wẽnd n tʋlg tɩ dũni wã sẽn boond tɩ naong rãmba lebg arzɛk rãmb b tẽebẽ la b lebg Arzãn Rĩunga yõod dɩtba wala Wẽnd sẽn kãab b zo-rãmba laa?

Zake 3:10

Zelemda naagame n yiisd pʋlem nood la kãab-wẽnse. Yaool n ka tog n yɩ boto ye, m saam-biisi.

Zake 4:11

Da wɩdi-y taab ye, m saam-biisi. Ned ninga sẽn wɩt-a a to, la a tagsd a soab wẽnga, yẽ soab wɩta Noorã la a tagsd Noora ne wẽnga. La fo sã n tasgd tɩ Noora yaa wẽnga, fo ka le ya Noora tũuda, fo lebga Noora sãbsda.

Zake 5:12

M saam-biisi, da wɩng-y ne wẽeneg ye. Da wẽen-y ne saaga, bɩ ne tẽnga bɩ ne bũmb a to ye. Y sã n tog n leok tɩ N-yẽe bɩ y yet tɩ N-yẽe! Sã n ya Ayoo, bɩ y yet tɩ Ayoo! Woto b kõn kẽes-y bʋʋd ye.

Zake 5:19

Ned sã n bʋdge n bas sɩd sore tɩ neda to le tall-a n wa,

1 Zã 2:21

M gʋls-y lame, la ka wala y ka mi sɩd ye, ya y sẽn mi-a wã yĩnga, yaa y sẽn mi tɩ zirẽ-beed ka yit sɩd pʋgẽ wã.